ព័ត៌មានអន្ដរជាតិ

ភ្លើងឆេះអគារលំនៅឋានខ្ពស់នៅហុងកុងបានបណ្តាលឲ្យមានអ្នកស្លាប់ចំនួន១២៨នាក់ និងមនុស្សប្រហែល២០០នាក់នៅតែបាត់ខ្លួន ក្នុងហេតុការអគ្គីភ័យដ៏អាក្រក់បំផុតក្នុងរយៈពេល៨០ឆ្នាំ។ អគ្គីភ័យបានឆាបឆេះអគារ Wang Fuk កម្ពស់៣២ជាន់កាលពីថ្ងៃពុធ ដោយបង្កការតក់ស្លុតយ៉ាងខ្លាំង។ លោក Chris Tang ប្រធានមន្ត្រីសន្តិសុខបានបញ្ជាក់ថា សំឡេងរោទិ៍អគ្គីភ័យមិនបានដំណើរការត្រឹមត្រូវ។ ការសង្គ្រោះបានបញ្ចប់ ដោយមានអ្នករងរបួស៧៩នាក់ រួមទាំងអ្នកពន្លត់អគ្គីភ័យ១២នាក់។ ប៉ូលិសបានចាប់ខ្លួនមន្ត្រីក្រុមហ៊ុនសំណង់៣នាក់ ដោយចោទប្រកាន់ពីការប្រើប្រាស់សម្ភារៈគ្មានសុវត្ថិភាព។

ទីបំផុត រដ្ឋាភិបាលថៃបានទទួលស្គាល់ថា ខ្លួនមើលស្រាលស្ថានភាពទឹកជំនន់ នៅស្រុក Hat Yai ខេត្ត Songkhla ហើយការប៉ាន់ស្មានខុសនេះ គឺជាមេរៀនសម្រាប់ថ្ងៃមុខ។ សារព័ត៌មាន The Nation បានដកស្រង់សម្តីលោក Paradorn Prissanananthakul ជារដ្ឋមន្ត្រីប្រតិភូអមនាយករដ្ឋមន្ត្រី ដែលនិយាយក្នុងការ Live លើ…

ប្រទេសវៀតណាមកំពុងប្រឈមនឹងគ្រោះមហន្តរាយធម្មជាតិដ៏សាហាវ ដោយមានព្យុះនិងទឹកជំនន់ប្រវត្តិសាស្ត្រវាយប្រហារក្នុងពេលដំណាលគ្នា នៅឆ្នាំ២០២៥នេះ។ ការខាតបង់ប៉ាន់ស្មានយ៉ាងហោចណាស់ ៣ ពាន់លានដុល្លារ និងប៉ះពាល់ដល់ប្រព័ន្ធការពារអាកាសធាតុដ៏ទន់ខ្សោយ។ គ្រួសារជាច្រើនបានបាត់បង់ផ្ទះសម្បែង និងជីវភាពរស់នៅ បន្ទាប់ពីទឹកជំនន់ដ៏យូរបានធ្វើឲ្យរដូវព្យុះកាន់តែធ្ងន់ធ្ងរឡើង។ មូលហេតុចម្បងៗដែលនាំឲ្យវៀតណាមជួបគ្រោះមហន្តរាយជាញឹកញាប់៖ ១. ទីតាំងភូមិសាស្ត្រចំកណ្តាលផ្លូវព្យុះទីហ្វុងប៉ាស៊ីហ្វិក ២. ប្រព័ន្ធខ្យល់មូសុងធ្វើឲ្យភ្លៀងធ្លាក់ភ្លាមៗ ៣. ឆ្នេរសមុទ្រវែងនិងភ្នំបណ្តាលឲ្យមានភ្លៀងធ្លាក់ច្រើន ៤. ការប្រែប្រួលអាកាសធាតុធ្វើឲ្យព្យុះកាន់តែខ្លាំងក្លា អ្នកវិទ្យាសាស្ត្រអាកាសធាតុលោកស្រី…

ការិយាល័យអគ្គព្រះរាជអាជ្ញាម៉ិកស៊ិក បានចេញសេចក្តីថ្លែងការណ៍មួយកាលថ្ងៃពុធ ទី២៦ ខែវិច្ឆិកា ដោយបញ្ជាក់ថា អាជ្ញាធរកំពុងស៊ើបអង្កេតលោក Raúl Rocha Cantu ប្រធានស្ថាប័នបវរកញ្ញាចក្រវាល MU ពីបទជាប់ពាក់ព័ន្ធនឹងការជួញដូរគ្រឿងញៀន រត់ពន្ធអាវុធ និងលួចប្រេងឥន្ធនៈ។ បើតាមទីភ្នាក់ងារសារព័ត៌មាន aljazeera បានចុះផ្សាយថា អាជ្ញាធរពេលនេះបានចេញដីកាចាប់ខ្លួនមនុស្សចំនួន ១៣ ទាក់ទងនឹងករណីនេះ។…

មន្ត្រីជាន់ខ្ពស់រុស្ស៊ីបានប្រកាសថា កូរ៉េខាងជើងត្រៀមបញ្ចូលភាសារុស្ស៊ីជាមុខវិជ្ជាចាំបាច់សម្រាប់សិស្សថ្នាក់ទី៤ ដោយលោក Alexander Kozlov រដ្ឋមន្ត្រីធនធានធម្មជាតិរុស្ស៊ីបានបញ្ជាក់ថា ភាសារុស្ស៊ីកំពុងក្លាយជាភាសាបរទេសពេញនិយមបំផុតមួយនៅកូរ៉េខាងជើង។ បច្ចុប្បន្ន មាននិស្សិតកូរ៉េខាងជើងប្រហែល៦០០នាក់កំពុងសិក្សាភាសារុស្ស៊ី និងមានពលរដ្ឋ៩៦នាក់បានចុះឈ្មោះរៀននៅសាកលវិទ្យាល័យរុស្ស៊ីក្នុងឆ្នាំមុន។ ទន្ទឹមនឹងនេះ សិស្សរុស្ស៊ីជាង៣ពាន់នាក់ក៏កំពុងរៀនភាសាកូរ៉េជាភាសាទីពីរ ឬទីបីដែរ។ ទោះបីជាមិនទាន់មានការបញ្ជាក់ពីអាជ្ញាធរកូរ៉េខាងជើងក៏ដោយ ក៏ស្ថានទូតរុស្ស៊ីនៅព្យុងយ៉ាងបានបន្តលើកកម្ពស់ការអប់រំភាសារុស្ស៊ីសម្រាប់និស្សិតកូរ៉េខាងជើង។

កោះស៊ូម៉ាត្រារបស់ឥណ្ឌូណេស៊ីបានរងការវាយប្រហារដោយរញ្ជួយដីកម្រិត៦.៣រិចទ័រនាថ្ងៃព្រហស្បតិ៍ទី២៧ខែវិច្ឆិកា ដែលបន្ថែមបញ្ហាប្រឈមដល់ប្រទេសអាស៊ីមួយនេះ ខណៈទឹកជំនន់ភ្លាមៗ និងការបាក់ដីបានសម្លាប់មនុស្សប្រមាណ២៨នាក់រួចទៅហើយ។ ទីភ្នាក់ងារសារព័ត៌មាន Reuters បានរាយការណ៍ថា ការរញ្ជួយដីនេះមានចំណុចកណ្តាលនៅជិតខេត្ត Aceh ក្នុងជម្រៅ១០គីឡូម៉ែត្រ ហើយមិនបង្កឲ្យមានការគំរាមកំហែងរលកយក្សស៊ូណាមិនោះទេ។ ការរញ្ជួយដីនេះបានកើតឡើងនៅពេលដែលស៊ូម៉ាត្រាខាងជើងកំពុងជួបនឹងទឹកជំនន់ដ៏សាហាវដែលបង្កឡើងដោយភ្លៀងធ្លាក់ឥតឈប់ឈរពីព្យុះស៊ីក្លូន Senyar។ យោងតាមមន្ត្រីមូលដ្ឋាន មនុស្សយ៉ាងហោចណាស់២៨នាក់បានស្លាប់ ហើយរាប់សិបនាក់ទៀតនៅតែបាត់ខ្លួន។ កិច្ចខិតខំប្រឹងប្រែងជួយសង្គ្រោះត្រូវបានរារាំង ដោយសារបញ្ហាដាច់ផ្លូវ ការដាច់ចរន្តអគ្គិសនី និងភ្លៀងធ្លាក់ខ្លាំងបន្តបន្ទាប់…

យោងតាមការចេញផ្សាយរបស់សារព័ត៌មានCNN នៅថ្ងៃទី២៦ខែ វិច្ឆិកា ទឹកជំនន់នៅទូទាំងប្រទេសម៉ាឡេស៊ីបានបង្ខំឱ្យមនុស្សជាង ១៨,០០០ នាក់ជម្លៀសចេញ ខណៈភ្លៀងធ្លាក់ជាបន្តបន្ទាប់ពីខ្យល់មូសុងឦសានបានជន់លិចរដ្ឋចំនួន ១០ឯណោះ។ នៅក្នុងចំណោមរដ្ឋទាំង១០ គឺរដ្ឋKelantan នៅតែជារដ្ឋរងផលប៉ះពាល់ខ្លាំងបំផុត ដោយបានផ្តល់ជម្រកដល់ប្រជាជនជាង ៩,៧០០ នាក់នៅក្នុងមជ្ឈមណ្ឌលសង្គ្រោះចំនួន ៤០ បន្ទាប់មកគឺរដ្ឋ Selangor និង Perak។ រដ្ឋាភិបាលម៉ាឡេស៊ីបានបញ្ជូនក្រុមជួយសង្គ្រោះនិងឧបករណ៍ជាង…

អាជ្ញាធរកៅស៊ូថៃបានឱ្យដឹងថា ទឹកជំនន់ធ្ងន់ធ្ងរនៅភាគខាងត្បូងប្រទេសថៃ អាចកាត់បន្ថយផលិតកម្មកៅស៊ូរហូតដល់ ៩០០០០ តោន ដែលគិតជាតម្លៃប្រមាណ ១៤០ លានដុល្លារ។ ប្រធានអាជ្ញាធរកៅស៊ូថៃលោក Perk Lertwangpong បានឱ្យដឹងថា ទឹកជំនន់បានជន់លិចផ្ទៃដីដាំដុះកៅស៊ូចំនួន ៤,១ លានរ៉ៃ ដែលប៉ះពាល់ដល់កសិករជាង ១៦០០០០ នាក់។ ការផលិតកៅស៊ូប្រមាណ ៤០០០០…

គ្រោះអគ្គិភ័យយ៉ាងសាហាវបានឆាបឆេះប្លុកអាផាតមិននៅទីក្រុងហុងកុង ប្រទេសចិន បណ្តាលឱ្យមនុស្ស៤៤នាក់ស្លាប់ និង២៧៩នាក់បាត់ខ្លួន។ តាមការផ្សាយរបស់ BBC សោកនាដកម្មនេះកើតឡើងកាលពីថ្ងៃពុធទី២៦ខែវិច្ឆិកាឆ្នាំ២០២៥ នៅតំបន់ Wang Fuk Court ដែលមានអគារខ្ពស់ៗចំនួន៨ស្ថិតនៅជិតៗគ្នា មានមនុស្សស្នាក់នៅជិត៤៨០០នាក់ ភាគច្រើនជាចាស់ៗ។ ដោយសារតែភាពកាចសាហាវនៃអគ្គិភ័យ ហុងកុងបានបញ្ជូនអ្នកពន្លត់រហូតដល់ទៅ៨០០នាក់ ដើម្បីប្រយុទ្ធទប់ទល់ ស្របពេលអាជ្ញាធរអះអាងថា តួលេខមនុស្សស្លាប់នឹងកើនឡើងបន្ថែមទៀត។ ទន្ទឹមនោះដែរ…

ហុងកុង – អាជ្ញាធរហុងកុងបញ្ជាក់ថា ចំនួនមនុស្សស្លាប់ក្នុងសោកនាដកម្មអគ្គិភ័យដ៏រន្ធត់នៅប្លុកអាផាតមិន Wang Fuk Court បានកើនដល់៩៤នាក់ គិតត្រឹមថ្ងៃសុក្រទី២៨ខែវិច្ឆិកាឆ្នាំ២០២៥។ តាមការផ្សាយរបស់ Reuters អគ្គិភ័យនេះក៏បណ្តាលឲ្យមនុស្សច្រើននាក់ទៀតរងរបួសធ្ងន់ ហើយជិត៣០០នាក់កំពុងបាត់ខ្លួន ខណៈក្រុមសង្គ្រោះព្រមានថា តួលេខមនុស្សស្លាប់នឹងបន្តកើនឡើង។ ប៉ូលិសបានចាប់ខ្លួនបុរសបីនាក់មកពីក្រុមហ៊ុនសំណង់រួចទៅហើយ ដោយជាប់សង្ស័យពីបទមនុស្សឃាតដោយអចេតនា។ ក្រុមហ៊ុន Prestige Construction…