អ្នកទេសចរលើកឡើងថា៖ ទាក់ទាញគ្រប់យ៉ាងនៅរមណីយដ្ឋានអូរឫស្សីកណ្ដាល អភ័ព្វអត់តែភ្លើងអគ្គិសនីទេ
ខេត្តស្ទឹងត្រែង ៖ មានចម្ងាយពីទីរួមខេត្តប្រមាណជា២៨គីឡូម៉ែត្រ ស្ថិតលើកំណាត់ផ្លូវជាតិលេខ៧ត្រង់ចំណុចខ្លោងទ្វារវត្តអូរច្រឡង់ អបដោយរូបសំណាកដំរីធំៗមួយគូក៏ជាផ្លូវចូលទៅកាន់តំបន់អេកូទេសចរធម្មជាតិមានឈ្មោះថា សហគមន៍អេកូទេសចរណ៍ឃុំអូរឫស្សីកណ្ដាល ។ កាលដើមឡើយ តំបន់នោះគ្រាន់តែជាអូរមួយខ្សែដ៏វែងអន្លាយ មានព្រៃឈើដុះស្រោងអមតាមមាត់អូរជាមួយទឹកត្រជាក់ថ្លាពោរពេញដោយថាមពល ។ ដោយមើលឃើញពីសក្តានុពលវែងឆ្ងាយ តំបន់មួយនោះត្រូវបានគេបង្កើតឡើងជាសហគមន៍ ដើម្បីថែរក្សាជាប្រយោជន៍រួម ។ បន្ទាប់មក នៅក្នុងឆ្នាំ២០០៧ តំបន់នោះត្រូវបានបង្កើតឡើងទៅជាសហគមន៍អេកូទេសចរណ៍ធម្មជាតិ គ្រាហ៍នោះដោយមានការគាំទ្រលើកទឹកចិត្តពីអាជ្ញាធរមូលដ្ឋាន និងមន្ទីរទេសចរណ៍ខេត្ត…
