ព័ត៌មានជាតិ

ភ្នំពេញ៖ រាជរដ្ឋាភិបាលកម្ពុជាបានសម្តែងការព្រួយបារម្ភយ៉ាងខ្លាំង បន្ទាប់ពីមានសេចក្តីរាយការណ៍ជាច្រើនពីបណ្តាញព័ត៌មាន បានដកស្រង់សម្តីថ្នាក់ដឹកនាំថៃថា ភាគីថៃបានផ្អាកការអនុវត្តសេចក្តីថ្លែងការណ៍រួមរវាងនាយករដ្ឋមន្ត្រីកម្ពុជា និងថៃ។ សេចក្តីថ្លែងការណ៍ដ៏សំខាន់នេះ ត្រូវបានចុះហត្ថលេខាដោយមានវត្តមានជាសាក្សីពីឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន នៅទីក្រុងគូឡាឡាំពួ ប្រទេសម៉ាឡេស៊ី កាលពីថ្ងៃទី២៦ ខែតុលា…

ភ្នំពេញ៖ រថយន្តស៊េរីទំនើបម៉ាក BRABUS មួយគ្រឿងគ្មានផ្លាកលេខ បានបង្កគ្រោះថ្នាក់ចរាចរណ៍យ៉ាងធ្ងន់ធ្ងរ កាលពីវេលាម៉ោង១:៣០ នាទីរំលងអាធ្រាត្រ ឈានចូលថ្ងៃទី ១០ ខែវិច្ឆិកា ឆ្នាំ២០២៥ ដោយបានបុករបាំងថ្មពុះចែកទ្រូងផ្លូវយ៉ាងពេញទំហឹង នៅគល់ស្ពានអាកាសក្បាលថ្នល់ បណ្ដាលឲ្យរថយន្តរងការខូចខាតខ្ទេចមួយកំណាត់មុខ ទៅមុខលែងរួច។ ហេតុការណ៍នេះបានបង្កការភ្ញាក់ផ្អើលយ៉ាងខ្លាំង នៅលើកំណាត់ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។…

ភ្នំពេញ៖ លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល (អ.អ.រ) បានអញ្ជើញបើកវគ្គបណ្តុះបណ្តាលផ្ទៃក្នុងដ៏សំខាន់មួយ ក្រោមប្រធានបទ «ទស្សនវិជ្ជាក្នុងវិស័យព័ត៌មាន»។ ពិធីនេះបានធ្វើឡើងយ៉ាងអធិកអធម នៅសាលសេរីភាព នៃអគារទីស្តីការគណៈរដ្ឋមន្ត្រី កាលពីថ្ងៃទី១១ ខែវិច្ឆិកា ឆ្នាំ២០២៥។ វត្តមានរបស់លោកបណ្ឌិត ប្រាក់ សម្ផស្ស សាស្ត្រាចារ្យនៅពុទ្ធិកសាកលវិទ្យាល័យព្រះសីហនុរាជ…

ខេត្តស្វាយរៀង៖ រដ្ឋបាលក្រុងបាវិតបានចេញសេចក្តីជូនដំណឹងដ៏សំខាន់មួយ ទៅកាន់បងប្អូនប្រជាពលរដ្ឋទាំងអស់ក្នុងក្រុងបាវិត ជាពិសេសអ្នករស់នៅតាមបណ្តោយផ្លូវលំមួយខ្សែ ក្នុងភូមិបាវិតកណ្តាល សង្កាត់បាវិត។ ផ្លូវបេតុងដែលនឹងត្រូវជួសជុលស្ថាបនាឡើងវិញនេះ មានប្រវែងសរុប ៤០៣ម៉ែត្រ ទទឹង ៨ម៉ែត្រ និងកម្រាស់ ០.១៨ម៉ែត្រ ដែលជាការរួមចំណែកឧបត្ថម្ភថវិកាពីសប្បុរសជននានាក្នុងក្រុង។ ដើម្បីសម្រួលដល់ដំណើរការជួសជុលផ្លូវឱ្យប្រព្រឹត្តទៅដោយរលូន និងឆាប់រហ័ស រដ្ឋបាលក្រុងបាវិត សូមអំពាវនាវដល់ប្រជាពលរដ្ឋ ដែលមានសំណង់រំលោភលើដីចំណីផ្លូវសាធារណៈ ដូចជារបង…

ភ្នំពេញ ៖ ក្រោមអធិបតីភាពដ៏ខ្ពង់ខ្ពស់ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ពិធីផ្សព្វផ្សាយអនុក្រឹត្យថ្មី ស្តីពីឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា ត្រូវបានប្រារព្ធឡើងយ៉ាងឱឡារិកនៅទីស្តីការក្រសួងមហាផ្ទៃ នារសៀលថ្ងៃទី១០ ខែវិច្ឆិកា ឆ្នាំ២០២៥។ ពិធីដ៏សំខាន់នេះ ក៏មានការចូលរួមពីថ្នាក់ដឹកនាំក្រសួង និងមន្ត្រីនគរបាលជាន់ខ្ពស់ ប្រមាណ…

ភ្នំពេញ៖ ក្រសួងព័ត៌មាន បាននិងកំពុងពង្រឹងសមត្ថភាពមន្ត្រីរបស់ខ្លួនយ៉ាងសកម្ម លើការងារបង្ការ និងគ្រប់គ្រងហានិភ័យគ្រោះមហន្តរាយ ដើម្បីធានាថាការផ្សព្វផ្សាយព័ត៌មានទៅកាន់សាធារណជនមានភាពច្បាស់លាស់ ទាន់ពេលវេលា និងប្រកបដោយប្រសិទ្ធភាពខ្ពស់ ទាំងមុន ក្នុង និងក្រោយពេលគ្រោះមហន្តរាយកើតឡើង។ ថ្លែងនៅក្នុងវគ្គបណ្តុះបណ្តាលមន្ត្រីបង្គោលស្តីពីការបង្ការហានិភ័យគ្រោះមហន្តរាយក្នុងវិស័យសារព័ត៌មាន កាលពីព្រឹកថ្ងៃទី១១ ខែវិច្ឆិកា ឆ្នាំ២០២៥ លោក ហ៊ុយ សារ៉ាវុធ រដ្ឋលេខាធិការ និងជាប្រធានក្រុមការងារគ្រប់គ្រងគ្រោះមហន្តរាយក្រសួងព័ត៌មាន…

ក្រចេះ ៖ ក្នុងរយៈពេល ៩ខែ គិតចាប់ពីថ្ងៃទី២៦ ខែធ្នូ ឆ្នាំ២០២៤ រហូតដល់ថ្ងៃទី២៥ ខែកញ្ញា ឆ្នាំ២០២៥ អង្គភាពច្រកចេញចូលតែមួយខេត្តក្រចេះ បានបំពេញបេសកកម្មបម្រើសេវាសាធារណៈជូនប្រជាពលរដ្ឋបានយ៉ាងល្អប្រសើរ ដោយផ្តល់សេវាសរុបចំនួន ៣.៥៥៣សេវា និងទទួលបានចំណូលសរុប រហូតដល់ ៥៩០.៤៧២.៣០០រៀល។ នេះបើតាមរបាយការណ៍វឌ្ឍនភាពការងារ ដែលទទួលបានពីរដ្ឋបាលខេត្តក្រចេះ។ របាយការណ៍ដដែលបានបង្ហាញថា…

រាជធានី​បាងកក៖ នាយករដ្ឋមន្ត្រីថៃ កាលពីថ្ងៃទី១១ ខែវិច្ឆិកា បានធ្វើដំណើរចុះទៅជួបកងទ័ពនៅតំបន់ជម្លោះព្រំដែនទល់មុខខេត្តព្រះវិហារ ហើយបានប្រកាសយ៉ាងច្បាស់ៗថា នឹងលែងអនុវត្តកិច្ចព្រមព្រៀងសន្តិភាពជាមួយកម្ពុជាទៀតហើយ។ ការប្រកាសនេះបានធ្វើឲ្យស្ថានការណ៍ព្រំដែនឡើងកម្ដៅជាថ្មី។ ភ្លាមៗនោះ នាយករដ្ឋមន្ត្រីម៉ាឡេស៊ី រួមទាំងមេទ័ពកំពូលរបស់ខ្លួន បានសម្តែងការមិនពេញចិត្ត និងប្រតិកម្មយ៉ាងខ្លាំងក្លាចំពោះជំហររបស់ថ្នាក់ដឹកនាំថៃ ដោយទទូចឲ្យភាគីថៃវិលត្រឡប់មកអនុវត្តកិច្ចព្រមព្រៀងសន្តិភាពឡើងវិញ។ មជ្ឈដ្ឋានអន្តរជាតិ ជាពិសេសគេកំពុងរង់ចាំមើលប្រតិកម្មរបស់លោកប្រធានាធិបតី ដូណាល់ ត្រាំ ថា តើនឹងមានចំណាត់ការបែបណា…

ភ្នំពេញ ៖ ក្រសួងមុខងារសាធារណៈ ដែលជាសេនាធិការដ៏សំខាន់របស់គណៈកម្មការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ (គ.វ.រ) ក្រោមអធិបតីភាពដ៏ខ្ពង់ខ្ពស់របស់សម្ដេចធិបតីនាយករដ្ឋមន្ត្រី បានឈានដល់ជំហានថ្មីមួយទៀត ក្នុងការជំរុញកំណែទម្រង់រដ្ឋបាលសាធារណៈឲ្យកាន់តែស៊ីជម្រៅ។ ជំហាននេះ គឺផ្តោតលើការធ្វើបច្ចុប្បន្នភាពរចនាសម្ព័ន្ធ និងការងារជំរឿនមន្ត្រីរាជការដែលកំពុងបំពេញភារកិច្ចជាក់ស្តែងនៅទូទាំងប្រទេស។ នេះជាការបញ្ជាក់ដ៏ច្បាស់លាស់ពីសំណាក់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។ ឯកឧត្តមឧបនាយករដ្ឋមន្ត្រីបានបន្តទៀតថា ការងារជំរឿនមន្ត្រីរាជការនេះ មិនមែនជាលើកទីមួយឡើយ ពោលគឺធ្លាប់បានអនុវត្តរួចមកហើយចំនួន…

ក្រសួងការពារជាតិកម្ពុជា បានសម្តែងការសោកស្ដាយយ៉ាងខ្លាំង ចំពោះឧបទ្ទវហេតុផ្ទុះគ្រាប់មីន ដែលបានបណ្ដាលឲ្យទាហានថៃមួយចំនួនរងរបួស កាលពីថ្ងៃទី១០ ខែវិច្ឆិកា ឆ្នាំ២០២៥ កន្លងទៅ។ ឧបទ្ទវហេតុនេះ កើតឡើងនៅពេលដែលកងទ័ពថៃបានដើរល្បាតចូលតំបន់ចម្ការមីនចាស់ ដែលជាកេរ្តិ៍ដំណែលសង្គ្រាមស៊ីវិលនៅកម្ពុជា។ បើទោះជាបែបនេះក្ដី ក្រសួងការពារជាតិកត់សម្គាល់ឃើញថា មួយរយៈចុងក្រោយនេះ មានបណ្ដាញសារព័ត៌មានថៃមួយចំនួន បានចុះផ្សាយព័ត៌មានដោយដកស្រង់សម្ដីថ្នាក់ដឹកនាំ និងមន្ត្រីយោធាថៃ ដែលបានចោទប្រកាន់កម្ពុជាថា បានដាក់គ្រាប់មីនថ្មី បណ្ដាលឲ្យទាហានរបស់ខ្លួនរងរបួសធ្ងន់នៅខេត្តព្រះវិហារ។…