ព័ត៌មានជាតិ

ខេត្តកំពង់ធំ៖ កងកម្លាំងចម្រុះដឹកនាំដោយឧត្តមសេនីយ៍ទោ សោម ស៊ុន បានវាយកំទេចឡធ្យូងខុសច្បាប់ចំនួន ៥ ឡ នៅក្នុងស្រុកសណ្ដាន់ កាលពីព្រឹកថ្ងៃទី៣ ធ្នូ ២០២៥។ សកម្មភាពនេះធ្វើឡើងក្រោមការដឹកនាំរបស់លោក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ដែលបានអមដំណើរដោយលោក ទី ថាវី អភិបាលរងស្រុកសណ្ដាន់។…

ភ្នំពេញ៖ ក្រសួងទេសចរណ៍បានប្រកាសអនុញ្ញាតឱ្យភ្ញៀវទេសចរចិនធ្វើដំណើរមកកម្ពុជាដោយមិនចាំបាច់ទិដ្ឋាការ ក្នុងរយៈពេលសាកល្បង៤ខែ ចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦។ ការសម្រេចចិត្តនេះត្រូវបានធ្វើឡើងតាមសំណើរបស់ក្រសួងទេសចរណ៍ ដោយមានការគាំទ្រពីក្រសួងសេដ្ឋកិច្ចនិងហិរញ្ញវត្ថុ និងយោងតាមគោលការណ៍របស់សម្តេចហ៊ុន ម៉ាណែត នាយករដ្ឋមន្ត្រី។ ភ្ញៀវទេសចរចិនអាចស្នាក់នៅបានរយៈពេល១៤ថ្ងៃ ដោយមិនចាំបាច់ស្នើសុំទិដ្ឋាការ និងមិនចាំបាច់បង់កម្រៃណាមួយ គ្រាន់តែបំពេញ E-arrival card ប៉ុណ្ណោះ។…

កំពង់ស្ពឺ – កម្លាំងនគរបាលអធិការដ្ឋានស្រុកសាមគ្គីមុនីជ័យបានឃាត់ខ្លួនយុវជនចំនួន២នាក់ដែលជិះម៉ូតូកាន់ដាវពេលយប់ កាលពីថ្ងៃទី២ ខែធ្នូ ឆ្នាំ២០២៥។ ព្រឹត្តិការណ៍នេះកើតឡើងនៅវេលាម៉ោង២៣:៣០នាទី នៅភូមិឆ្វេក ឃុំពាំងល្វា ស្រុកសាមគ្គីមុនីជ័យ។ កម្លាំងនគរបាលដែលកំពុងធ្វើការល្បាតបានជួបក្រុមយុវជន២នាក់កំពុងជិះម៉ូតូមួយគ្រឿង ដោយមានកាន់ដាវមួយដើម។ យុវជនទាំងពីរដែលត្រូវបានឃាត់ខ្លួនមានឈ្មោះថា៖ បូ ប៊ុនថាញ អាយុ២៧ឆ្នាំ ជាអ្នកកាន់ដាវ បឿន ម៉េងហុង អាយុ២៣ឆ្នាំ…

ភ្នំពេញ៖ នៅយប់ថ្ងៃទី៣ ខែធ្នូ ឆ្នាំ២០២៥ កម្លាំងគណៈបញ្ជាការឯកភាពខណ្ឌពោធិ៍សែនជ័យ បានចុះត្រួតពិនិត្យ និងផ្ដល់ការណែនាំដល់ម្ចាស់អាជីវកម្មក្លឹបកម្សាន្ត X-ZOOM និង HOKI នៅមហាវិថីចោមចៅ។ ការចុះត្រួតពិនិត្យនេះដឹកនាំដោយលោក ផុន សុផាន អភិបាលរងខណ្ឌពោធិ៍សែនជ័យ ដែលបានធ្វើការណែនាំចំពោះការប្រកបអាជីវកម្មត្រឹមត្រូវតាមច្បាប់។ ក្នុងឱកាសនេះ សមត្ថកិច្ចបានផ្ដល់ការណែនាំសំខាន់ៗដូចជា៖ ត្រូវស្នើសុំច្បាប់អនុញ្ញាតប្រកបអាជីវកម្មឲ្យបានត្រឹមត្រូវ ហាមឃាត់ការជួញដូរ…

ភ្នំពេញ៖ យុវជនម្នាក់បានរងរបួសធ្ងន់ធ្ងរបន្ទាប់ពីជិះម៉ូតូលឿនឆ្លងផ្លូវជ្រុលទៅបុករថយន្តកូរ៉េនៅផ្លូវបំបែកជាបួន កាលពីយប់ថ្ងៃទី៣ ខែធ្នូ ឆ្នាំ២០២៥។ ហេតុការណ៍នេះកើតឡើងនៅម៉ោង១០:៣០នាទីយប់ នៅលើផ្លូវ២២៣កែងផ្លូវ២២៦ ក្នុងសង្កាត់ផ្សារដើមគ ខណ្ឌទួលគោក។ យុវជនរងគ្រោះជិះម៉ូតូម៉ាកហុងដាឌ្រីមសង់សេ១២៥ពណ៌ក្រហម ពាក់ផ្លាកលេខ កំពង់ធំ- 1K-7763 បានជិះចេញពីផ្លូវ២២៦ទិសដៅពីកើតទៅលិចក្នុងល្បឿនលឿន។ តាមប្រភពពីកន្លែងកើតហេតុបានឲ្យដឹងថា រថយន្តកូរ៉េពណ៌ខៀវមួយគ្រឿងពាក់ផ្លាកលេខ ភ្នំពេញ 2BM-9104 កំពុងបើកឆ្លងផ្លូវបំបែកជាបួន នៅពេលដែលយុវជនជិះម៉ូតូមិនប្រយ័ត្នក៏ជ្រុលទៅបុកចំពាក់កណ្តាលចំហៀងខាងស្តាំរថយន្ត។…

ភ្នំពេញ៖ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានចេញសេចក្តីថ្លែងការណ៍ឆ្លើយតបទៅនឹងការសាកសួរពីសំណាក់ប្រព័ន្ធផ្សព្វផ្សាយ និងសាធារណជនជាច្រើន ស្តីអំពីស្ថានភាពយោធិនខ្មែរចំនួន១៨រូប ដែលប្រទេសថៃកំពុងបន្តឃុំឃាំងខ្លួន។ អស់រយៈពេល១២៧ថ្ងៃហើយ គិតចាប់តាំងពីពេលយោធិនទាំង១៨រូបត្រូវបានចាប់ខ្លួនដោយខុសច្បាប់ កាលពីថ្ងៃទី២៩ខែកក្កដា ឆ្នាំ២០២៥។ រយៈពេលដូចគ្នានេះដែរ គឺអស់រយៈពេល១២៧ថ្ងៃហើយ ដែលរាជរដ្ឋាភិបាលកម្ពុជាបានបន្តខិតខំប្រឹងប្រែងឥតស្រាកស្រាន្ត ដើម្បីជំរុញយុទ្ធនាការទាមទារការដោះលែងយោធិនរបស់យើងទាំងអស់នេះ តាមគ្រប់មធ្យោបាយការទូតដែលអាចធ្វើទៅបាន។ ការខិតខំនេះរួមបញ្ចូលទាំងការទាក់ទងផ្ទាល់ជាមួយប្រទេសថៃ ការពិគ្រោះយោបល់ជាមួយមេដឹកនាំក្នុងតំបន់ និងអន្តរជាតិ និងការសម្របសម្រួលជាមួយអង្គការអន្តរជាតិដែលពាក់ព័ន្ធ។…

(ភ្នំពេញ)៖ ធនាគារជាតិនៃកម្ពុជា (NBC) បានចេញសេចក្តីប្រកាសថ្មី ដោយបញ្ជាក់យ៉ាងច្បាស់ថា គ្មានគ្រឹះស្ថានធនាគារ ឬហិរញ្ញវត្ថុណាមួយទទួលបានការអនុញ្ញាតផ្តល់សេវាទាក់ទងនឹងទ្រព្យសកម្មគ្រីបតូនៅកម្ពុជានៅឡើយទេ។ ការប្រកាសនេះធ្វើឡើងក្រោយពី NBC សង្កេតឃើញមានការចរាចរ ទិញលក់ និងទូទាត់ទ្រព្យសកម្មគ្រីបតូ ដែលផ្ទុយនឹងបទប្បញ្ញត្តិរបស់ធនាគារ។ សកម្មភាពទាំងនេះអាចបង្កហានិភ័យដល់ប្រព័ន្ធធនាគារ និងសាធារណជន។ NBC បានធ្វើការក្រើនរំលឹកដល់សាធារណជន និងគ្រប់គ្រឹះស្ថានហិរញ្ញវត្ថុទាំងអស់ ឱ្យមានស្មារតីប្រុងប្រយ័ត្នខ្ពស់ចំពោះប្រតិបត្តិការទាក់ទងនឹងគ្រីបតូ។ ធនាគារបានជំរុញឱ្យបន្តអនុវត្តតាមបទប្បញ្ញត្តិ…

(ភ្នំពេញ)៖ ក្រសួងការពារជាតិកម្ពុជា បានបដិសេធយ៉ាងខ្លាំងក្លាចំពោះការចោទប្រកាន់របស់កងទ័ពភូមិភាគទី២ថៃ ដែលអះអាងថាមានករណីផ្ទុះមីននៅតំបន់ហួយតាម៉ារៀ។ ក្រសួងបានចាត់ទុកថានេះគឺជាការបង្កើតរឿងដើម្បីបំភ័ន្តសហគមន៍អន្តរជាតិ។ លោកស្រី ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានធ្វើសេចក្តីថ្លែងការណ៍បន្ទាប់ពីកងទ័ពថៃចេញផ្សាយព័ត៌មានថា មានមីនផ្ទុះនៅថ្ងៃទី២ ខែធ្នូ និងចោទប្រកាន់ថាជាមីនរបស់កម្ពុជា។ ក្រសួងការពារជាតិបានបញ្ជាក់ថា តាមព័ត៌មានពីយោធភូមិភាគទី៤ គ្មានសម្លេងផ្ទុះមីនណាមួយត្រូវបានឮនៅពេលនោះឡើយ។ កម្ពុជាបានអះអាងថា ប្រទេសនេះតែងតែគោរពអនុសញ្ញាអូតាវ៉ា និងមិនដែលដាក់មីនថ្មីណាមួយឡើយ។…

កំពង់ធំ៖ កម្លាំងនគរបាលបានចុះប្រតិបត្តិការបង្ក្រាបទីតាំងលេងល្បែងស៊ីសងខុសច្បាប់ (ជល់មាន់ផ្ទាល់ដី) នៅវេលាម៉ោង ១៣:០០ រសៀលថ្ងៃទី០៣ ខែធ្នូ ឆ្នាំ២០២៥។ ប្រតិបត្តិការនេះដឹកនាំដោយលោកនាយប៉ុស្តិ៍ទ្រៀល និងសហការជាមួយអធិការរងជំនួយការព្រហ្មទណ្ឌស្រុកតាំងគោក។ ទីតាំងជល់មាន់ស្ថិតនៅចំណុចវាលស្រែចុងភូមិឈូក (ដូនអាំ) ក្នុងឃុំទ្រៀល ស្រុកតាំងគោក។ ក្នុងប្រតិបត្តិការនេះ សមត្ថកិច្ចបានឃាត់ខ្លួនបុរសចំនួន៤នាក់ដែលកំពុងលេងល្បែងស៊ីសង។ វត្ថុតាងដែលដកហូតបានរួមមាន៖ ម៉ូតូ៧គ្រឿង រថយន្ត១គ្រឿង មាន់ជល់៤ក្បាល…

(រាជធានីភ្នំពេញ)៖ ក្នុងរយៈពេល៨ខែដំបូងនៃឆ្នាំ២០២៥ ខេត្តហ្វ៊ូជៀនប្រទេសចិនបាននាំទំនិញចូលមកកម្ពុជាកើនឡើងយ៉ាងគួរឱ្យកត់សម្គាល់ ដោយមានតម្លៃជាង ៦ពាន់លានយន់ កើនឡើង ២៣% បើធៀបនឹងរយៈពេលដូចគ្នាកាលពីឆ្នាំ២០២៤។ ព័ត៌មាននេះត្រូវបានបង្ហាញក្នុងជំនួបសម្ដែងការគួរសមរវាងឯកឧត្តម ឃួង ស្រេង អភិបាលគណៈអភិបាលរាជធានីភ្នំពេញ និងឯកឧត្តម ហ្វាង ឈុន ប្រធានគណៈកម្មាធិការអចិន្ត្រៃយ៍ជនជាតិចិននៅបរទេស នៃសភាប្រជាជនខេត្តហ្វ៊ូជៀន។ ក្នុងឱកាសនេះ ភាគីទាំងពីរបានពិភាក្សាពីការពង្រឹងសហប្រតិបត្តិការពាណិជ្ជកម្ម និងការវិនិយោគ…