ព័ត៌មានជាតិ

ខេត្តកណ្ដាល៖ សមត្ថកិច្ចបានឃាត់ខ្លួនជនសង្ស័យម្នាក់ ដែលមានប្រវត្តិធ្លាប់ជាប់ពន្ធនាគាររយៈពេល២ឆ្នាំ បន្ទាប់ពីចេញមកវិញមិនរៀនមេរៀន ហើយបន្តប្រើអំពើហិង្សាដោយកាន់កាំបិតកាប់ប្រហារបង្កស្នាមរបួសដល់ជនរងគ្រោះ២នាក់ ដោយសារតែជម្លោះលើករណីមរតកមាសពីប្រពន្ធដែលបានទុកចែកឱ្យកូនៗ។ ហេតុការណ៍នេះបានកើតឡើងនៅវេលាម៉ោង ០៨:៣០នាទី ថ្ងៃទី១៤ ខែមីនា ឆ្នាំ២០២៦ នៅភូមិព្រែកតាពៅ(១) សង្កាត់ដើមមៀន ក្រុងតាខ្មៅ ខេត្តកណ្ដាល។ លោក វរសេនីយ៍ឯក យី វណ្ណដា អធិការនគរបាលក្រុងតាខ្មៅ…

ភ្នំពេញ៖ នៅយប់ថ្ងៃទី១៤ ឈានចូលថ្ងៃទី១៥ ខែមីនា ឆ្នាំ២០២៦ កម្លាំងជំនាញអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌដូនពេញ និងខណ្ឌមានជ័យ បានធ្វើការឆ្មក់បង្ក្រាបក្រុមក្មេងទំនើងចំនួន ១៤នាក់ និងម៉ូតូចំនួន ១៤គ្រឿង ដែលបានកែច្នៃបំពង់ស៊ីម៊ាំងខុសលក្ខណៈបច្ចេកទេស។ ការកែច្នៃបំពង់ស៊ីម៉ាំងម៉ូតូខុសលក្ខណៈបច្ចេកទេសនេះ បានបង្កឲ្យមានសម្លេងរំខានដល់ប្រជាពលរដ្ឋ និងបង្កឲ្យបាត់បង់សណ្ដាប់ធ្នាប់សាធារណៈ។ ប្រតិបត្តិការនេះធ្វើឡើងនៅចំណុចភូមិ០១ សង្កាត់ស្រះចក ខណ្ឌដូនពេញ និងចំណុចផ្លូវវេងស្រេង…

ខេត្តកំពង់ធំ – គ្រោះថ្នាក់ដ៏សោកសៅមួយបានកើតឡើងនៅរសៀលថ្ងៃទី១៤ មីនា ២០២៦ នៅក្រោមស្ពានថ្មីឆ្លងស្ទឹងជីនិត ក្នុងភូមិកំពង់ថ្ម ស្រុកសន្ទុក នៅពេលក្មេងប្រុសស្រីចំនួន២នាក់បានរើសយកគ្រាប់មិនទាន់ផ្ទុះមកលេង បណ្តាលឲ្យផ្ទុះស្លាប់ភ្លាមៗ។ ជនរងគ្រោះទាំងពីរត្រូវបានគេចាត់ថា គឺសុទ្ធ សិលា អាយុ១៤ឆ្នាំ និងយ៉ាន រតនា អាយុ៨ឆ្នាំ ដែលមានទីលំនៅនៅស្រុកបារាយណ៍។ ពួកគេត្រូវបានបញ្ជូនទៅមន្ទីរពេទ្យបង្អែកស្រុកបារាយណ៍-សន្ទុក ប៉ុន្តែស្លាប់នៅពេលទៅដល់ដោយសាររបួសធ្ងន់ធ្ងរពេក។…

ខេត្តកំពង់ឆ្នាំង៖ បុរសម្នាក់ដែលជាប្តីបានស្លាប់នៅនឹងកន្លែង ចំណែកប្រពន្ធរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍ដ៏សែនឈឺចាប់ នៅព្រលឹមថ្ងៃទី១៥ ខែមីនា ឆ្នាំ២០២៦។ គ្រោះថ្នាក់ចរាចរណ៍ដ៏ធ្ងន់ធ្ងរនេះបានកើតឡើងនៅម៉ោង ៥:៣០នាទី ទៀបភ្លឺ លើកំណាត់ផ្លូវជាតិលេខ៥ ចន្លោះគីឡូម៉ែត្រលេខ១០៩ និង១១០ ក្នុងភូមិថ្មី ឃុំផ្សារ ស្រុកបរិបូណ៌ ខេត្តកំពង់ឆ្នាំង។ សមត្ថកិច្ចនគរបាលបានបញ្ជាក់ថា ជនរងគ្រោះជាអ្នកបើកបររថយន្តឈ្មោះ ផាត វិសាល…

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានចាត់វិធានការអន្តរាគមន៍បន្ទាន់ចំនួន២ ដើម្បីដោះស្រាយក្តីកង្វល់របស់ប្រជាកសិករដែលរងផលប៉ះពាល់ពីសង្គ្រាមនៅតំបន់មជ្ឈឹមបូព៌ា ដែលបណ្តាលឱ្យឡើងថ្លៃប្រេងឥន្ធនៈ និងជីកសិកម្ម។ លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម បានបញ្ជាក់នៅថ្ងៃទី១៥ មីនា ២០២៦ ថា វិធានការទាំង២នេះត្រូវបានចាត់ឡើងដើម្បីធានាស្ថិរភាពវិស័យកសិកម្មក្នុងពេលមានវិបត្តិ។ វិធានការទី១៖ ពាក់ព័ន្ធនឹងបញ្ហាប្រេងនិងឧស្ម័នឥន្ធនៈ៖…

ខេត្តបាត់ដំបង៖ ក្រុមជាងសាងសង់ផ្ទះមួយក្រុមនៅស្រុកបាណន់ ដែលមានមុខរបរសំខាន់ជាការសាងសង់ផ្ទះ បែរជាបែកគំនិតបន្ថែមមុខរបរថ្មីគឺជួញដូរគ្រឿងញៀន និងប្រើប្រាស់ខ្លួនឯងផង ត្រូវសមត្ថកិច្ចចុះទៅបង្ក្រាបឃាត់ខ្លួនបាន ០៥នាក់។ ព្រឹត្តិការណ៍នេះកើតឡើងកាលពីរសៀលថ្ងៃទី១៣ មីនា នៅភូមិចំការស្វាយ ឃុំឈើទាល ស្រុកបាណន់ ខេត្តបាត់ដំបង។ ក្រុមជាងសាងសង់នេះត្រូវឃាត់ខ្លួនពេលកំពុងប្រព្រឹត្តបទល្មើសជាក់ស្ដែងនៅកន្លែងធ្វើការងារ។ យោងតាមរបាយការណ៍មន្ត្រីផ្នែកគ្រឿងញៀននៃអធិការស្រុកបាណន់ ជនសង្ស័យទាំង០៥នាក់ដែលត្រូវឃាត់ខ្លួនរួមមាន៖ ជ័យ វិសាល (៣៩ឆ្នាំ), ស៊ុំ…

ខេត្តកំពង់ធំ៖ ស្ថានការណ៍គួរឱ្យសោកស្តាយបានកើតឡើងនៅភូមិកំពង់ថ្ម ឃុំកំពង់ថ្ម ស្រុកសន្ទុក ខេត្តកំពង់ធំ នៅពេលល្ងាចថ្ងៃទី១៤ ខែមីនា ឆ្នាំ២០២៦ ក្រោយកុមារប្រុសស្រីចំនួន ២នាក់បានបាត់បង់ជីវិតដោយសារការលេងគ្រាប់ M79 មិនទាន់ផ្ទុះ។ អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) លោក ហេង រតនា បានសម្តែងការរន្ធត់ និងសោកស្តាយយ៉ាងខ្លាំងចំពោះឧប្បត្តិហេតុនេះ។ លោកបានបញ្ជាក់តាមបណ្តាញសង្គមហ្វេសប៊ុកថា…

ខេត្តពោធិ៍សាត់៖ កម្លាំងនគរបាលក្រុងពោធិ៍សាត់ បានអនុវត្តប្រតិបត្តិការបង្ក្រាបករណីជួញដូរគ្រឿងញៀនទ្រង់ទ្រាយធំ កាលពីថ្ងៃទី១៣ ខែមីនា ឆ្នាំ២០២៦។ ប្រតិបត្តិការនេះធ្វើឡើងក្រោមការដឹកនាំផ្ទាល់របស់លោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់។ កម្លាំងចម្រុះបានចុះបង្ក្រាបចំនួន៣គោលដៅផ្សេងគ្នា។ គោលដៅទី១នៅភូមិស្ពានថ្ម សង្កាត់រលាប ឃាត់ខ្លួនជនសង្ស័យឈ្មោះ ហម ផារិទ្ធ អាយុ៤៦ឆ្នាំ និងដកហូតថ្នាំញៀន៣.៤១ក្រាម។ គោលដៅទី២នៅភូមិមាន់ចែ សង្កាត់ព្រៃញី…

ខេត្តស្វាយរៀង៖ ករណីគ្រោះថ្នាក់ចរាចរណ៍ដ៏គួរឱ្យរន្ធត់មួយបានកើតឡើងនៅស្រុកស្វាយជ្រំ បណ្តាលឱ្យមានអ្នកស្លាប់២នាក់ និងរបួសធ្ងន់ស្រាល៥នាក់ បន្ទាប់ពីរថយន្តពីរគ្រឿងបុកបញ្ច្រាសទិសគ្នាយ៉ាងខ្លាំង។ ហេតុការណ៍គ្រោះថ្នាក់នេះបានកើតឡើងនៅវេលាម៉ោង១១:៤៥នាទីយប់ ថ្ងៃទី១៤ ខែមីនា ឆ្នាំ២០២៦ នៅចំណុចគីឡូម៉ែត្រលេខ១១៦-១១៧ លើផ្លូវជាតិលេខ១ ក្នុងភូមិថ្មស ឃុំស្វាយជ្រំ។ យោងតាមសមត្ថកិច្ចនគរបាលស្រុកស្វាយជ្រំ រថយន្តដែលបើកមិនប្រកាន់ស្តាំជារថយន្តម៉ាកព្រុសពណ៌ប្រផេះ គ្មានស្លាកលេខ ដែលអ្នកបើកបរឈ្មោះ ផូ ភ័ក្រ្តា (ស្លាប់)…

ភ្នំពេញ៖ ករណីហិង្សារវាងយុវតីអនីតិជន ក្នុងវិទ្យាល័យព្រះយុគន្ធរ បានក្លាយជាប្រធានបទគួរឱ្យចាប់អារម្មណ៍នៅលើបណ្តាញសង្គម បន្ទាប់ពីវីដេអូសកម្មភាពហិង្សាត្រូវបានចែករំលែកយ៉ាងទូលំទូលាយ។ ហេតុការណ៍នេះកើតឡើងនៅថ្ងៃទី២១ ខែមករា ឆ្នាំ២០២៦ នៅវិទ្យាល័យព្រះយុគន្ធរ សង្កាត់បឹងកេងកង២ ខណ្ឌបឹងកេងកង។ យុវតីរងគ្រោះអាយុ១៣ឆ្នាំ ត្រូវបានមិត្តរួមថ្នាក់៣នាក់ (អាយុ១៣ឆ្នាំ២នាក់ អាយុ១២ឆ្នាំ១នាក់) ប្រព្រឹត្តហិង្សាលើខ្លួន ដោយចោទប្រកាន់ថាបានចាក់រុកញុះញង់ឱ្យពួកគេឈ្លោះប្រកែកគ្នា។ នៅថ្ងៃទី០៦ ខែកុម្ភៈ ឆ្នាំ២០២៦…