ព័ត៌មានជាតិ

ក្រុងតាខ្មៅ – នគរបាលក្រុងតាខ្មៅបានចាប់ខ្លួនស្ត្រីម្នាក់អាយុ៤២ឆ្នាំ ដែលជាប់ពាក់ព័ន្ធក្នុងករណីលួចទូរស័ព្ទដៃថ្លៃសម្បត្តិរបស់និស្សិតស្រីក្នុងតំបន់។ ព្រឹត្តិការណ៍នេះកើតឡើងនៅវេលាម៉ោង៧:៣០យប់ ថ្ងៃទី៧ ខែធ្នូ ឆ្នាំ២០២៥ នៅតំបន់ច្រមុះជ្រូកមាត់ទន្លេ ក្រុងតាខ្មៅ។ ជនរងគ្រោះគឺនិស្សិតស្រីអាយុ២០ឆ្នាំ ឈ្មោះ រ៉េត រីហ្សា ដែលកំពុងអង្គុយលេងនៅកន្លែងនោះ។ ជនសង្ស័យដែលត្រូវបានចាប់ខ្លួនគឺ ឡាង សុភា អាយុ៤២ឆ្នាំ រស់នៅសង្កាត់បឹងកក់…

ភ្នំពេញ៖ សម្ដេចកិត្ដិសង្គហបណ្ឌិត ម៉ែន សំអន ប្រធានគណៈកម្មាធិការកណ្តាលសមាគមនារីកម្ពុជា ដើម្បីសន្តិភាពនិងអភិវឌ្ឍន៍ បានថ្កោលទោសយ៉ាងខ្លាំងក្លាចំពោះការវាយប្រហាររបស់យោធាថៃលើតំបន់ជាច្រើនក្នុងដែនអធិបតេយ្យភាពកម្ពុជា។ សម្ដេចបានធ្វើការប្រកាសនេះក្នុងពិធីប្រកាសទទួលស្គាល់សមាសភាពគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តកំពង់ធំ នាថ្ងៃទី៨ ធ្នូ ២០២៥។ ក្នុងឱកាសនេះ សម្ដេចបានផ្តាំផ្ញើសាកសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន…

(រាជធានីភ្នំពេញ)៖ យោធាថៃបានបើកការបាញ់ប្រហារចូលទៅក្នុងភូមិប្រជាពលរដ្ឋ បណ្តាលឱ្យមានអ្នករងរបួស និងផ្ទះសម្បែងឆេះអស់ជាច្រើនខ្នងនៅតាមតំបន់ព្រំដែនកម្ពុជា-ថៃ។ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិកម្ពុជា បានថ្លែងក្នុងសន្និសីទសារព័ត៌មាននាព្រឹកថ្ងៃទី៨ ខែធ្នូ ឆ្នាំ២០២៥ ថា ការបាញ់ប្រហាររបស់យោធាថៃបានឈានដល់តំបន់រស់នៅរបស់ប្រជាពលរដ្ឋក្នុងខេត្តឧត្តរមានជ័យ និងខេត្តព្រះវិហារ។ «ការបាញ់ប្រហារនេះបណ្តាលឱ្យប្រជាពលរដ្ឋស្លូតត្រង់រងរបួស ផ្ទះសម្បែងឆេះអស់ជាច្រើនខ្នង ហើយប្រជាពលរដ្ឋក្មេងចាស់ ប្រុសស្រី…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានប្រកាសផ្អាក និងលុបចោលរាល់កម្មវិធីការងារដែលបានគ្រោងទុកទាំងអស់ ដើម្បីផ្តោតលើការងារអាទិភាពខ្ពស់បំផុតគឺការការពារបូរណភាពទឹកដី។ តាមរយៈបណ្តាញសង្គមផ្លូវការ សម្តេចតេជោបានបញ្ជាក់យ៉ាងច្បាស់ថា សម្តេចនឹងចូលរួមសហការដោយផ្ទាល់ជាមួយសម្តេចមហាបវរធិបតី នាយករដ្ឋមន្ត្រីកម្ពុជា ក្នុងការបញ្ជា និងដឹកនាំកងកម្លាំងប្រដាប់អាវុធ ដើម្បីទប់ទល់នឹងសកម្មភាពឈ្លានពានតាមបណ្តោយព្រំដែន។ សម្តេចតេជោបានសង្កត់ធ្ងន់ថា៖ «ខ្ញុំបានលុបចោលកម្មវិធីការងារផ្សេងទៀតអស់ហើយ ដើម្បីមករួមជាមួយនាយករដ្ឋមន្ត្រី បញ្ជាលើកម្លាំងប្រដាប់អាវុធ ទប់ទល់ជាមួយការឈ្លានពាន»។…

ភ្នំពេញ៖ នៅពេលដែលអាជ្ញាធរខណ្ឌផ្សេងៗក្នុងរាជធានីភ្នំពេញកំពុងពង្រឹងសកម្មភាពរៀបចំសណ្តាប់ធ្នាប់លើដងផ្លូវ អាជ្ញាធរខណ្ឌទួលគោកវិញនៅតែស្ងៀមស្ងាត់ជាងគេ។ បញ្ហាលក់ដូរអាណាធិបតេយ្យនៅតាមចិញ្ចើមផ្លូវជាប់របងមន្ទីរពេទ្យកុមារជាតិ និងមន្ទីរពេទ្យព្រះកុសមៈ (ឬពេទ្យលោកសង្ឃ) បានកើតឡើងយូរមកហើយ ប៉ុន្តែអាជ្ញាធរខណ្ឌទួលគោកមិនទាន់ធ្វើសកម្មភាពណាមួយដើម្បីដោះស្រាយនោះទេ។ អ្នកលក់ដូរបានដាក់តាំងទំនិញរហូតដល់ពាក់កណ្តាលទ្រូងផ្លូវ បង្កឱ្យមានការរអាក់រអួលដល់អ្នកធ្វើដំណើរ។ ប្រជាពលរដ្ឋជាច្រើនបានចោទសួរថា តើអាជ្ញាធរខណ្ឌទួលគោកក្រោមការដឹកនាំរបស់លោកជា ពិសី កំពុងធ្វើអ្វីនៅ? ហេតុអ្វីបានជាពួកគេមិនឃើញការចុះទៅរៀបចំសណ្តាប់ធ្នាប់នៅតំបន់ទាំងនេះ? ការស្ងៀមស្ងាត់របស់អាជ្ញាធរបានធ្វើឱ្យប្រជាពលរដ្ឋមានការសង្ស័យថា ទំនងជាមានការទទួលអំណោយពីអ្នកលក់ដូរ។ “បើមិនបានទទួលលាភសក្ការៈទេ សាលាខណ្ឌទួលគោកប្រាកដជាបញ្ចេញកម្លាំងទៅបោសសំអាតរៀបចំសណ្តាប់ធ្នាប់លើទីតាំងទាំងនោះហើយ” នេះជាការអះអាងរបស់ប្រជាពលរដ្ឋម្នាក់ដែលរស់នៅក្បែរតំបន់នោះ។…

ភ្នំពេញ៖ ក្រសួងអប់រំ យុវជន និងកីឡា បានប្រកាសថា ចំនួនសាលារៀនដែលត្រូវបិទទ្វារបណ្តោះអាសន្នបានកើនឡើងដល់ ៤២ សាលា នៅតាមស្រុកថ្មពួក ស្រុកស្វាយចេក និងស្រុកអូជ្រៅ ខេត្តបន្ទាយមានជ័យ។ ការបិទទ្វារសាលារៀននេះកើតឡើងដោយសារស្ថានភាពមិនសុខសាន្តនៅតាមបន្ទាត់ព្រំដែនកម្ពុជា-ថៃ ក្រោយពីយោធាថៃបានបើកការបាញ់ប្រហារមកលើកងកម្លាំងកម្ពុជានាព្រឹកថ្ងៃទី៨ ខែធ្នូ ឆ្នាំ២០២៥។ យោងតាមសេចក្តីប្រកាសព័ត៌មានពីក្រសួងការពារជាតិ អ្នកនាំពាក្យក្រសួង លោកជំទាវ ឧត្តមសេនីយ៍ឯក…

(ភ្នំពេញ)៖ នៅព្រឹកថ្ងៃទី៨ ខែធ្នូ ឆ្នាំ២០២៥ បន្ទាប់ពីកងទ័ពថៃបានបើកការវាយប្រហារមកលើតំបន់ព្រំដែនកម្ពុជា លោកឧបនាយករដ្ឋមន្ត្រី ហ៊ុន ម៉ានី បានបង្ហោះសារអំពាវនាវឱ្យប្រជាជនខ្មែរទាំងអស់រួមគ្នាបញ្ចេញសំឡេង ដើម្បីឱ្យបានឮទូទាំងពិភពលោក។ តាមរយៈបណ្តាញទំនាក់ទំនងសង្គម លោកឧបនាយករដ្ឋមន្ត្រី ហ៊ុន ម៉ានី បានបង្ហោះសារដ៏សំខាន់មួយដែលថា៖ “សន្តិភាពកម្ពុជាត្រូវបានបំផ្លាញជាថ្មីម្តងទៀត ជាពិសេសបន្ទាប់ពីព្រឹត្តិការណ៍នៃ«សេចក្តីថ្លែងការណ៍រួម»ដែលបានចុះហត្ថលេខានៅថ្ងៃទី២៦ ខែតុលា នៅទីក្រុងគូឡាឡាំពួ។ លោកបានពិពណ៌នាអំពីស្ថានភាពដ៏គ្រោះថ្នាក់ថា៖…

ភ្នំពេញ៖ ក្រសួងការពារជាតិកម្ពុជាបានចេញសេចក្តីប្រកាសថ្កោលទោសយ៉ាងខ្លាំងចំពោះសកម្មភាពបាញ់ប្រហាររបស់យោធាថៃ ដែលបានធ្វើឡើងនៅតាមបណ្តោយព្រំដែនកម្ពុជា-ថៃ នៅថ្ងៃទី៨ ខែធ្នូ ឆ្នាំ២០២៥។ យោងតាមអ្នកនាំពាក្យក្រសួងការពារជាតិ លោកស្រី ឧត្តមសេនីយ៍ឯក ម៉ាលី សុជាតា យោធាថៃបានចាប់ផ្តើមការបាញ់ប្រហារចាប់ពីម៉ោង ០៥:០៤នាទីព្រឹក នៅតំបន់អានសេះ ប្រាសាទតាមាន់ធំ ប្រាសាទព្រះវិហារ និងតំបន់ជិតខាងផ្សេងៗទៀត។ ការវាយប្រហារនេះបានបន្តរហូតដល់ម៉ោង ១១:០០នាទី ដោយប្រើអាវុធផ្សេងៗរួមទាំងកាំភ្លើងធំ…

(រាជធានីភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានចេញសារសំខាន់តាមបណ្តាញសង្គមការងារផ្លូវការ ដោយទាមទារឱ្យកម្លាំងជួរមុខទាំងអស់រក្សាភាពអត់ធ្មត់ក្នុងការទប់ទល់នឹងការឈ្លានពាន។ សម្តេចតេជោបានបញ្ជាក់ថា៖ «កម្លាំងជួរមុខទាំងអស់ត្រូវមានការអត់ធ្មត់ព្រោះពួកឈ្លានពានកំពុងប្រើអាវុធគ្រប់ប្រភេទបាញ់មកលើយើងតាំងពីថ្ងៃម្សឹល យប់មិញ និងព្រឹកនេះក្នុងគោលបំណងទាញយើងឱ្យតបត ដើម្បីបំផ្លាញចោលបទឈប់បាញ់ និងសេចក្តីថ្លែងការណ៍សន្តភាពកម្ពុជា-ថៃ។ «បន្ទាត់ក្រហមដែលត្រូវតបតបានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហ៊ានពលទាហ៊ានយល់ដឹងគ្រប់ៗគ្នា។ សូមអាជ្ញាធរគ្រប់ជាន់ថ្នាក់ខិតខំជួយដល់ប្រជាជនដែលភៀសសឹកចេញពីតំបន់គ្រោះថ្នាក់មកកាន់តំបន់មានសុវត្តិភាព។» សម្តេចតេជោក៏បានលុបចោលកម្មវិធីការងារផ្សេងទៀតអស់ហើយ ដើម្បីមករួមជាមួយនាយករដ្ឋមន្ត្រីបញ្ជាលើកម្លាំងប្រដាប់អាវុធទប់ទល់ជាមួយការឈ្លានពាន។ សម្តេចតេជោបានសុំការយោគយល់ពីភ្ញៀវជាតិនិងអន្តរជាតិដែលមិនអាចជួបខ្ញុំបាន និងសូមកីឡាករ…

ភ្នំពេញ៖ ក្រសួងអប់រំ យុវជន និងកីឡា បានបញ្ជាក់ថា សាលារៀនទាំងអស់នៅស្រុកបន្ទាយអំពិល និងសាលាមួយចំនួននៅខេត្តឧត្ដរមានជ័យ ដែលស្ថិតនៅតាមបន្ទាត់ព្រំដែនកម្ពុជា-ថៃ ត្រូវបានបិទទ្វារជាបណ្ដោះអាសន្ន ដោយសារការវាយប្រហារពីយោធាថៃ។ នៅព្រឹកថ្ងៃទី៨ ខែធ្នូ ឆ្នាំ២០២៥ សិស្សានុសិស្សនៅសាលាបឋមសិក្សាស្វាយជ្រុំបាននាំគ្នារត់ប្រសេកប្រសាញចេញពីសាលាទៅផ្ទះវិញ ដោយមានអាណាព្យាបាលមួយចំនួនបានមកដឹកកូនៗរបស់ខ្លួនត្រឡប់ទៅផ្ទះវិញផងដែរ។ យោងតាមសេចក្តីប្រកាសព័ត៌មានរបស់ក្រសួងការពារជាតិ នៅព្រឹកថ្ងៃទី៨ ខែធ្នូនេះ ចាប់ពីវេលាម៉ោងប្រមាណ ៥:៤០នាទី…