ព័ត៌មានជាតិ

ភ្នំពេញ៖ ព្រឹត្តិការណ៍ថ្នាក់ចរាចរដ៏សោកសង្រេងមួយបានកើតឡើងនៅរង្វង់មូលគល់ស្ពានអាកាស កាលពីរសៀលថ្ងៃទី៥ ខែធ្នូ ឆ្នាំ២០២៥ នេះ នៅពេលដែលសិស្សានុសិស្សអាយុត្រឹម១៣ឆ្នាំជិះម៉ូតូឌុបគ្នាបានទាក់ដៃចង្កូតជាមួយរថយន្ត ហើយត្រូវកង់រថយន្តកិនបែកក្បាលស្លាប់ភ្លាមៗ។ ហេតុការណ៍ដ៏សោកសង្រេងនេះបានកើតឡើងនៅវេលាម៉ោង១និង២០នាទីរសៀល នៅត្រង់ចំណុចរង្វង់មូលគល់ស្ពានអាកាសមហាវិថីសុីជីនពីង ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ សិស្សានុសិស្សដែលស្លាប់មានឈ្មោះថា ស៊ឹម សាណាក់ឡាលីន អាយុ១៣ឆ្នាំ ជាសិស្សសាលាប៊ែលធីអន្តរជាតិ មានទីលំនៅភូមិព្រៃស្ពឺ…

ខេត្តមណ្ឌលគិរី – នគរបាលខេត្តមណ្ឌលគិរីបានធ្វើប្រតិបត្តិការបង្ក្រាបគ្រឿងញៀនយ៉ាងជោគជ័យ ដោយឃាត់ខ្លួនជនសង្ស័យចំនួន ៥នាក់ ក្នុងនោះមានស្រី ១នាក់ ពាក់ព័ន្ធនឹងបទល្មើសជួញដូរ រក្សាទុក និងប្រើប្រាស់គ្រឿងញៀនខុសច្បាប់។ ប្រតិបត្តិការនេះបានធ្វើឡើងកាលពីថ្ងៃទី១ ខែធ្នូ ឆ្នាំ២០២៥ នៅវេលាម៉ោង ១០:៣៩នាទី ដោយកម្លាំងការិយាល័យប្រឆាំងគ្រឿងញៀន សហការជាមួយកម្លាំងអន្តរាគមន៍ និងកម្លាំងជំនាញប្រឆាំងគ្រឿងញៀននៃអធិការដ្ឋាននគរបាលស្រុកកែវសីមា។ ជនសង្ស័យទាំង ៥នាក់មានឈ្មោះដូចខាងក្រោម៖…

ខេត្តស្វាយរៀង៖ អាជ្ញាធរនគរបាលស្រុកស្វាយជ្រំបានអញ្ជើញក្រុមក្មេងទំនើងចំនួន៦នាក់មកធ្វើកិច្ចសន្យាអប់រំ ក្រោយពីពួកគេបានប្រព្រឹត្តិការបង្ហោះម៉ូតូលើផ្លូវសាធារណៈនៅក្នុងស្រុក។ តាមការបញ្ជាក់ពីសមត្ថកិច្ច នៅថ្ងៃទី៥ ធ្នូ ២០២៥ កម្លាំងអធិការដ្ឋាននគរបាលស្រុកស្វាយជ្រំ ដោយសហការជាមួយប៉ុស្តិ៍នគរបាលរដ្ឋបាលស្វាយជ្រំ និងប៉ុស្តិ៍នគរបាលតាសួស បានអញ្ជើញក្រុមក្មេងទាំងនេះមកពិភាក្សា។ ពួកគេត្រូវបានចោទប្រកាន់ពីបទបង្ហោះម៉ូតូលើផ្លូវលំនៅភូមិថ្មស ឃុំស្វាយជ្រំ។ ក្រុមក្មេងទាំង៦នាក់បានទទួលស្គាល់កំហុសថា នៅថ្ងៃទី១ ធ្នូ វេលាម៉ោង៩:៣៥ព្រឹក ពួកគេបាននាំគ្នាជិះម៉ូតូពីសាលារៀនទៅកាន់ចំណុចលើផ្លូវលំ ហើយបានបង្ហោះម៉ូតូចំនួន២លើក។ ពួកគេបានពន្យល់ថានេះគ្រាន់តែជាការកំសាន្តប៉ុណ្ណោះ…

(ភ្នំពេញ)៖ ក្រសួងទេសចរណ៍កម្ពុជា និងស្ថានទូតបារាំងប្រចាំកម្ពុជា បានពង្រឹងកិច្ចសហប្រតិបត្តិការដើម្បីអភិវឌ្ឍវិស័យទេសចរណ៍ និងបង្កើនសមត្ថភាពវិជ្ជាជីវៈទេសចរណ៍ឱ្យទាន់សម័យអន្តរជាតិ។ នៅថ្ងៃទី៥ ធ្នូ ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានជួបពិភាក្សាការងារជាមួយឯកឧត្តម Oliver Richard ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋបារាំងប្រចាំកម្ពុជា នៅស្ថានទូតបារាំង។ ក្នុងជំនួបនេះ ភាគីទាំងពីរបានពិភាក្សាពីការពង្រឹងសហប្រតិបត្តិការទេសចរណ៍…

ភ្នំពេញ៖ នាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានធ្វើប្រតិបត្តិការបង្ក្រាបក្រុមជនសង្ស័យដែលធ្វើអំពើចាប់ឃុំឃាំង និងបង្ខាំងមនុស្សធ្វើទារុណកម្មខុសច្បាប់ នៅក្រុងបាវិត ខេត្តស្វាយរៀង។ ព្រឹត្តិការណ៍នេះកើតឡើងកាលពីយប់ថ្ងៃទី៤ ខែធ្នូ ឆ្នាំ២០២៥ នៅវេលាម៉ោង០០៥៥នាទី នៅពេលដែលក្រុមជនសង្ស័យដែលភាគច្រើនជាជនជាតិចិន បានចាប់បុរសជនជាតិចិនម្នាក់ដាក់ចូលក្នុងរថយន្ត RANGE ROVER ពណ៌ស ផ្លាកលេខភ្នំពេញ2CD-8488 នៅតាមផ្លូវជាតិលេខ១ សង្កាត់បាវិត។ ក្រោយពីទទួលបានព័ត៌មាន…

ខេត្តបាត់ដំបង៖ នគរបាលស្រុកបាណន់បានចាត់វិធានការឃាត់ខ្លួនក្មេងទំនេីងចំនួន៤នាក់ ដែលបានបង្ហោះម៉ូតូរំខានចរាចរណ៍លើដងផ្លូវសាធារណៈ។ ព្រឹត្តិការណ៍នេះកើតឡើងនៅថ្ងៃទី៤ធ្នូ ២០២៥ នៅវេលាម៉ោង៩:៣០នាទី នៅតាមផ្លូវកៅស៊ូ ភូមិបាណន់ ឃុំកន្ទឺ២ ស្រុកបាណន់។ ក្រុមក្មេងទំនេីងបានបង្ហោះម៉ូតូពេញផ្លូវ បង្កឱ្យមានភាពអនាធិបតេយ្យ និងគ្រោះថ្នាក់ដល់អ្នកធ្វើដំណើរ។ ក្រោយទទួលបានព័ត៌មានពីប្រជាពលរដ្ឋ កម្លាំងនគរបាលយុត្តិធម៌អធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ទោ ហេង បារាំង អធិការនគរបាលស្រុកបាណន់ បានចុះស្រាវជ្រាវ…

ក្រុមអ្នកសង្កេតការណ៍អាស៊ាន (AOT) បានចូលរួមស្តាប់បទបង្ហាញពីវឌ្ឍនភាពការងារបោះបង្គោលព្រំដែនលេខ ៥២-៥៩ រវាងកម្ពុជា-ថៃ នៅថ្ងៃទី៥ ធ្នូ ២០២៥។ ការបង្ហាញនេះដឹកនាំដោយលោក ព្រំសឿន វឌ្ឍន ប្រធានក្រុមវាស់វែងចម្រុះកម្ពុជា-ថៃ នៅទីស្នាក់ទី២ ក្រុងសិរីសោភ័ណ ខេត្តបន្ទាយមានជ័យ។ ក្រុមការងារសម្របសម្រួលអ្នកសង្កេតការណ៍របស់ក្រសួងការពារជាតិ (CLG) ជាអ្នករៀបចំ។ យោងតាមព័ត៌មានពីរដ្ឋលេខាធិការដ្ឋានកិច្ចការព្រំដែន ការងារវាស់វែងនិងបោះបង្គោលបណ្តោះអាសន្ននៅកំណាត់ព្រំដែនលេខ…

ហ្សឺណែវ (ស្វីស) – នៅថ្ងៃទី៣ ខែធ្នូ ឆ្នាំ២០២៥ ឯកឧត្តមបណ្ឌិត លី ធុជ ទេសរដ្ឋមន្រ្តី និងជាអនុប្រធានទី១នៃអាជ្ញាធរមីនកម្ពុជា បានជួបពិភាក្សាជាមួយលោកស្រី Caroline Worgotter ប្រធានអនុសញ្ញាសព្វាវុធនៃក្រសួងការបរទេសអូទ្រីស។ ក្នុងជំនួបដ៏សំខាន់នេះ ឯកឧត្តម លី ធុជ បានថ្លែងអំណរគុណយ៉ាងជ្រាលជ្រៅចំពោះការគាំទ្ររបស់អូទ្រីសក្នុងវិស័យសកម្មភាពមីនមនុស្សធម៌នៅកម្ពុជា…

ខេត្តកំពង់ធំ – ឯកឧត្តម នួន ផារ័ត្ន អភិបាលខេត្តកំពង់ធំ បានដឹកនាំការចែកចាយស្បៀងអំណោយពីរាជរដ្ឋាភិបាល ជូនប្រជាពលរដ្ឋចំនួន ១៩៧គ្រួសារ នៅឃុំសាមគ្គី ស្រុកប្រាសាទបល្ល័ង្ក ដែលរងផលប៉ះពាល់ពីទឹកជំនន់រដូវវស្សា២០២៥។ ការចែកចាយនេះបានធ្វើឡើងនៅថ្ងៃទី០៣ ធ្នូ ២០២៥ តាមរយៈគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា។ អំណោយរួមមានស្រូវពូជ និងស្បៀងចាំបាច់សម្រាប់ជីវភាពប្រចាំថ្ងៃ។ ឯកឧត្តមអភិបាលបានបញ្ជាក់ថា ទឹកជំនន់បានប៉ះពាល់យ៉ាងធ្ងន់ធ្ងរដល់ដីស្រែ…

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) បានចេញសេចក្តីជូនដំណឹងដាស់តឿនព្រមានសាធារណជនអំពីក្រុមជនទុច្ចរិតដែលកំពុងក្លែងខ្លួនជាមន្ត្រីជាន់ខ្ពស់ក្រសួង និងជាជំនួយការផ្ទាល់របស់លោកឧបនាយករដ្ឋមន្ត្រី សាយ សំអាល់។ ជនទុច្ចរិតទាំងនេះបានប្រើប្រាស់ប្រព័ន្ធតេលេក្រាមដើម្បីទាក់ទងទៅកាន់អតិថិជនគម្រោងដីឡូត៍ភូមិមរតកនៅក្រុងស្វាយរៀង និងគម្រោងដីឡូត៍ភូមិមរតកថ្មសនៅស្រុកស្វាយជ្រំ ដោយបោកប្រាស់ឱ្យពួកគាត់បង់ប្រាក់ជាថ្នូរនឹងការដោះស្រាយបញ្ហាលក់ទិញដីឡូត៍។ ក្រសួងដ.ន.ស. បានចាត់ទុកសកម្មភាពនេះថាជាទង្វើបំពានទាំងផ្នែកច្បាប់ និងសីលធម៌ ដែលប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់ថ្នាក់ដឹកនាំ និងមន្ត្រីរាជការក្រសួង។ បច្ចុប្បន្ន ក្រសួងដ.ន.ស.…