បុរសខ្លាំង៖ ច្បាប់ដកសញ្ជាតិដល់ជនក្បត់ជាតិនឹងទៅមុខឥតថយក្រោយ
បុរសខ្លាំងនៅកម្ពុជានៅថ្មីៗនេះ បានស្នើឲ្យរដ្ឋាភិបាលពិចារណាហើយសិក្សាអំពីការធ្វើវិសោធនកម្មច្បាប់រដ្ឋធម្មនុញ្ញ ដើម្បីបើកផ្លូវឲ្យមានការធ្វើច្បាប់ដកសញ្ជាតិដល់ជនក្បត់ជាតិដែលចូលដៃជាមួយបរទេសបំផ្លាញជាតិឯង។ ចំណែករដ្ឋាភិបាលកម្ពុជាបានធ្វើជាជំហានៗតាមក្របខណ្ឌច្បាប់។ ដូច្នេះរឿងនេះ មិនដកថយក្រោយវិញឡើយ ទោះបីជាក្រុមអ្នកនយោបាយនៅក្រៅប្រទេសជំទាស់និងរិះគន់ក្តី។ តាមប្រសាសន៍របស់សម្តេចតេជោ ហ៊ុន សែន ប្រធានព្រឹទ្ធសភា និង ជាប្រធានគណបក្សប្រជាជនដែលជាបក្សកាន់អំណាច កាលពីថ្ងៃទី ០៣ខែកក្កដា នៅព្រៃវែង រឿងនះទៅមុខហើយដោយសភាគ្រោង នឹងបើកសម័យប្រជុំវិសាមញ្ញដើម្បីធ្វើវិសោធនកម្មរដ្ឋធម្មនុញ្ញនៅថ្ងៃទី១១ ខែកក្កដា សប្តាហ៍ក្រោយដើម្បីធ្វើវិសោធនកម្មរដ្ឋធម្មនុញ្ញបើកផ្លូវឲ្យមានការរៀបចំច្បាប់ដកសញ្ជាតិនេះតែម្តង…
