ព័ត៌មានអន្ដរជាតិ

រដ្ឋាភិបាលឥណ្ឌូណេស៊ីកំពុងសិក្សាពិនិត្យពីលទ្ធភាពកាត់បន្ថយថ្ងៃធ្វើការនៅការិយាល័យមកត្រឹម ៤ ថ្ងៃក្នុងមួយសប្ដាហ៍ ឬធ្វើការពីចម្ងាយ ដើម្បីឆ្លើយតបទៅនឹងហានិភ័យកង្វះប្រេងឥន្ធនៈដោយសារជម្លោះមជ្ឈិមបូព៌ា។ លោក Bahlil Lahadalia រដ្ឋមន្ត្រីក្រសួងថាមពល និងធនធានរ៉ែបានបញ្ជាក់ថា គោលនយោបាយនេះមិនទាន់ត្រូវបានគ្រោងទុកជាផ្លូវការនៅឡើយទេ ប៉ុន្តែអាជ្ញាធរកំពុងពិនិត្យឡើងវិញនូវជម្រើសផ្សេងៗ ដើម្បីកាត់បន្ថយការពឹងផ្អែកលើឥន្ធនៈហ្វូស៊ីល និងបង្កើនប្រសិទ្ធភាពថាមពល។ គោលនយោបាយនេះត្រូវបានដាក់ពង្រាយបន្ទាប់ពីហ្វីលីពីនបានអនុវត្តរួចហើយ ដែលប្រធានាធិបតីហ្វីលីពីនលោក ហ្វឺរឌីណង់ ម៉ាកូស បានបញ្ជាឱ្យបុគ្គលិករដ្ឋធ្វើការត្រឹម ៤…

អាមេរិកបានប្រកាសផ្តល់ប្រាក់រង្វាន់រហូតដល់ ១០លានដុល្លារ សម្រាប់ព័ត៌មានដែលនាំទៅដល់ការកំណត់អត្តសញ្ញាណ ឬទីតាំងរបស់មេដឹកនាំសំខាន់ៗរបស់អ៊ីរ៉ង់ រួមទាំងមេដឹកនាំកំពូលថ្មីលោក Mojtaba Khamenei។ ការប្រកាសនេះធ្វើឡើងតាមរយៈកម្មវិធី Rewards for Justice ដោយគោលដៅលើបុគ្គលដែលបញ្ជានិងដឹកនាំកងកម្លាំង IRGC ដែលត្រូវបានចោទប្រកាន់ថារៀបចំផែនការវាយប្រហារនៅជុំវិញពិភពលោក។ បញ្ជីនេះក៏រួមមានលោក Ali Asghar Hejazi អនុប្រធានខុទ្ទកាល័យមេដឹកនាំកំពូល និងលោក…

ប្រធានាធិបតីគុយបា លោក Miguel Diaz-Canel បានប្រកាសថា មន្ត្រីរបស់លោកបានចាប់ផ្តើមកិច្ចពិភាក្សាផ្លូវការជាមួយតំណាងរដ្ឋាភិបាលសហរដ្ឋអាមេរិក នៅពេលដែលទីក្រុង Havana កំពុងប្រឈមមុខនឹងវិបត្តិសេដ្ឋកិច្ចធ្ងន់ធ្ងរ។ លោក Miguel បានថ្លែងតាមទូរទស្សន៍ជាតិថា៖ «ការពិភាក្សាទាំងនេះតម្រូវឱ្យមានការខិតខំប្រឹងប្រែងយ៉ាងខ្លាំង ដើម្បីស្វែងរកដំណោះស្រាយ និងចំណុចរួម ដែលធ្វើឱ្យដំណើរការនេះអាចរីកចម្រើន និងចៀសវាងការប្រឈមមុខដាក់គ្នា»។ កិច្ចពិភាក្សានេះកើតឡើងក្រោយពីទំនាក់ទំនងរវាងប្រទេសទាំងពីរមានភាពតានតឹងខ្លាំង ដោយសារទីក្រុងវ៉ាស៊ីនតោនបានរារាំងការដឹកជញ្ជូនប្រេងស្ទើរតែទាំងអស់ទៅកាន់គុយបា បណ្តាលឱ្យមានការខ្វះខាតប្រេងឥន្ធនៈធ្ងន់ធ្ងរ។…

សេតវិមាន និងមន្ត្រីរដ្ឋបាលលោកត្រាំជាច្រើនរូប បានផ្ទុះកំហឹងយ៉ាងខ្លាំងចំពោះទីភ្នាក់ងារព័ត៌មាន CNN ដែលផ្សាយថា សហរដ្ឋអាមេរិកបានមើលស្រាលសមត្ថភាពរបស់អុីរ៉ង់ក្នុងការរំខានដល់ការដឹកជញ្ជូនតាមច្រកសមុទ្រ Hormuz។ រដ្ឋមន្ត្រីក្រសួងការពារជាតិអាមេរិក លោក Pete Hegseth បានថ្លែងនៅក្នុងសន្និសីទសារព័ត៌មានថា៖ «ជាព័ត៌មានក្លែងក្លាយពី CNN! ពិតជាគួរឱ្យអស់សំណើចណាស់! អស់រយៈពេលជាច្រើនទសវត្សរ៍មកហើយ អុីរ៉ង់បានគំរាមកំហែងដល់សកម្មភាពផ្លូវសមុទ្រតាមរយៈច្រកសមុទ្រ Hormuz។ ពួកគេតែងតែចាប់ច្រកសមុទ្រនេះធ្វើជាចំណាប់ខ្មាំង»។ លោក…

បញ្ជាការដ្ឋានកណ្តាលអាមេរិក (CENTCOM) បានបញ្ជាក់ថា យន្តហោះចាក់សាំងលើអាកាស KC-135 Stratotanker បានធ្លាក់នៅប្រទេសអ៊ីរ៉ាក់ បន្ទាប់ពីជួបឧបទ្ទវហេតុលើអាកាសជាមួយយន្តហោះមួយគ្រឿងទៀត។ កងកម្លាំងអាមេរិកកំពុងចាប់ផ្តើមប្រតិបត្តិការសង្គ្រោះ។ តាមការផ្សាយរបស់ New York Post ហេតុការណ៍នេះកើតឡើងកាលពីថ្ងៃព្រហស្បតិ៍ទី១២ ខែមីនា ឆ្នាំ២០២៦ ក្នុងអំឡុងពេលបំពេញបេសកកម្ម Epic Fury។ យន្តហោះ…

អង្គប្រជុំក្រុមប្រឹក្សាសន្តិសុខអង្គការសហប្រជាជាតិបានក្លាយជាសង្គ្រាមពាក្យសម្តីដ៏តានតឹងបំផុត នៅពេលដែលមហាអំណាចពិភពលោកបានប្រកាសសង្រ្គាមពាក្យសម្តីដាក់គ្នាយ៉ាងខ្លាំងក្លា។ បរិយាកាសក្នុងបន្ទប់ប្រជុំបានក្លាយជាតានតឹងយ៉ាងខ្លាំង នៅពេលដែលអាមេរិកព្យាយាមស្វែងរកការគាំទ្រសម្រាប់ប្រតិបត្តិការយោធារបស់ខ្លួននៅអ៊ីរ៉ង់។ តាមព័ត៌មានពីទីភ្នាក់ងារព័ត៌មានរ៉យទ័រ នៅថ្ងៃសុក្រទី១៣ ខែមីនា ឆ្នាំ២០២៦ ទោះបីមានការរារាំងយ៉ាងខ្លាំងក្លាពីរុស្ស៊ី និងចិនក៏ដោយ ក្រុមប្រឹក្សាសន្តិសុខបានបោះឆ្នោត១១ទល់នឹង២ ដើម្បីបន្តពិភាក្សាលើការរឹតបន្តឹងទណ្ឌកម្មសេដ្ឋកិច្ចទៅលើអ៊ីរ៉ង់។ លោក Mike Waltz បេសកជនអាមេរិកបានចោទប្រកាន់ថា រុស្ស៊ី និងចិនកំពុងផ្តល់ការគាំទ្រដល់ទីក្រុងតេហេរ៉ង់។ លោកបានសង្កត់ធ្ងន់ថា រដ្ឋសមាជិកទាំងអស់ត្រូវតែអនុវត្តការហាមឃាត់ការលក់អាវុធ…

រដ្ឋាភិបាល និងអាជីវកម្មនៅទូទាំងតំបន់អាស៊ីអាគ្នេយ៍ កំពុងបង្កើនការប្រុងប្រយ័ត្នខ្ពស់បំផុត ដោយសារការបិទច្រកសមុទ្រហ័រមូហ្ស ដែលបណ្តាលឱ្យមានការខ្វះខាតប្រេងឥន្ធនៈ និងតម្លៃប្រេងកើនឡើងខ្ពស់។ ក្នុងរបាយការណ៍ពី Al Jazeera កាលពីថ្ងៃព្រហស្បតិ៍ (១២ មីនា) បានបង្ហាញពីវិធានការប្រុងប្រយ័ត្នរបស់ប្រទេសនានាក្នុងតំបន់។ ហ្វីលីពីនបានកាត់បន្ថយថ្ងៃធ្វើការនៅការិយាល័យមកត្រឹម ៤ ថ្ងៃក្នុងមួយសប្តាហ៍ ខណៈវៀតណាម និងថៃជំរុញឱ្យមន្រ្តីធ្វើការពីផ្ទះ និងកម្រិតការធ្វើដំណើរ។ មីយ៉ាន់ម៉ាបានចេញការកំណត់ថ្ងៃបើកបរឆ្លាស់គ្នាដោយផ្អែកលើលេខផ្លាកលេខ…

សភាពការណ៍នៅតំបន់មជ្ឈិមបូព៌ាកំពុងតានតឹងខ្លាំងឡើង បន្ទាប់ពីមន្ត្រីអាមេរិកបានបង្ហាញព័ត៌មានថា កងកម្លាំងអ៊ីរ៉ង់បានចាប់ផ្តើមដាក់គ្រាប់មីនក្នុងច្រកសមុទ្រ Hormuz ដែលជាផ្លូវទឹកសំខាន់បំផុតសម្រាប់ដឹកជញ្ជូនប្រេងឆៅ និងហ្គាសធម្មជាតិរហូតដល់ ២០ភាគរយនៃតម្រូវការសកល។ យុទ្ធសាស្ត្រថ្មីនេះត្រូវបានអនុវត្តក្នុងគោលបំណងបង្កកការដឹកជញ្ជូនអន្តរជាតិ និងសងសឹកទៅកាន់សហរដ្ឋអាមេរិក។ យោងតាមរបាយការណ៍ចេញផ្សាយថ្ងៃទី១៣ មីនា ២០២៦ ដោយទីភ្នាក់ងារព័ត៌មាន Anadolu បន្ទាប់ពីកងទ័ពជើងទឹកខ្នាតធំរបស់អ៊ីរ៉ង់ត្រូវបានកងទ័ពអាកាសអាមេរិកកម្ទេចចោល កងឆ្មាំបដិវត្តន៍ឥស្លាម (IRGC) បានផ្លាស់ប្តូរយុទ្ធសាស្ត្រមកប្រើប្រាស់ទូកតូចៗរាប់រយគ្រឿង ដើម្បីលបដាក់គ្រឿងផ្ទុះក្នុងសមុទ្រ។ ភាពតានតឹងនេះបានកើតឡើងបន្ទាប់ពីមេដឹកនាំកំពូលថ្មីរបស់អ៊ីរ៉ង់…

ការនាំចេញអង្ករថៃទៅកាន់តំបន់មជ្ឈិមបូព៌ាកំពុងជាប់គាំងយ៉ាងធ្ងន់ធ្ងរ ដោយសារជម្លោះអ៊ីស្រាអែល-សហរដ្ឋអាមេរិក និងអ៊ីរ៉ង់ ដែលធ្វើឱ្យផ្លូវដឹកជញ្ជូនទៅកាន់ទីផ្សារធំរបស់ថៃត្រូវរំខាន។ នេះបើតាមការចុះផ្សាយរបស់សារព័ត៌មាន Bloomberg នៅថ្ងៃសុក្រ (១៣ មីនា)។ អ្នកជំនាញយល់ឃើញថា ការជាប់គាំងនេះនឹងធ្វើឱ្យកសិករថៃកាន់តែតានតឹងជាមួយនឹងការកើនឡើងថ្លៃដើម និងការថយចុះនៃតម្រូវការនៅបរទេស នៅពេលដែលតម្លៃ និងតម្រូវការស្រូវអង្ករអន្តរជាតិខ្សោយរួចស្រាប់ទៅហើយ។ លោក Chookiat Ophaswongse ប្រធានកិត្តិយសនៃសមាគមអ្នកនាំចេញអង្ករថៃ បានបញ្ជាក់ថា កប៉ាល់…

ដូណាល់ ត្រាំ អះអាងថា អាមេរិកបានកម្ទេចកងទ័ពអ៊ីរ៉ង់អស់ហើយ ហើយសឹងតែគ្មានគោលដៅត្រូវវាយប្រហារទៀតទេ។ ប៉ុន្តែការពិតគឺអ៊ីរ៉ង់នៅតែបន្តបាញ់មីស៊ីលនិងដ្រូនវាយប្រហារប្រទេសក្នុងតំបន់ឥតឈប់។ សមត្ថភាពរបស់កងឆ្មាំបដិវត្តន៍អ៊ីរ៉ង់ (IRGC) ក្នុងការបន្តបាញ់មីស៊ីលគឺផ្អែកលើកត្តាយុទ្ធសាស្ត្រសំខាន់ៗ៖ ១. បណ្តាញទីក្រុងមីស៊ីលក្រោមដី អ៊ីរ៉ង់បានសាងសង់បណ្តាញរូងភ្នំនិងមូលដ្ឋានយោធាក្រោមដីជ្រៅ ដែលពិបាកបំផ្លាញដោយគ្រាប់បែកអាមេរិក។ ២. ប្រព័ន្ធបាញ់ចល័ត ប្រើរថយន្តដឹកជញ្ជូនដើម្បីបាញ់មីស៊ីល រួចប្តូរទីតាំងភ្លាមៗ ធ្វើឲ្យពិបាកតាមរក។ ៣. បរិមាណមីស៊ីលសន្ធឹកសន្ធាប់…