ព័ត៌មានអន្ដរជាតិ

ភ្នំពេញ – នាយករដ្ឋមន្ត្រីថៃ លោក អានុទីន ឆាន់វីរៈគុល បានចេញមុខបន្ទោសអ៊ីរ៉ង់យ៉ាងខ្លាំងក្លា បន្ទាប់ពីកប៉ាល់ដឹកទំនិញថៃត្រូវបានវាយប្រហារនៅច្រកសមុទ្រហរមុហ្ស។ ក្នុងសេចក្តីថ្លែងការណ៍ផ្លូវការនៅថ្ងៃព្រហស្បតិ៍ទី១២ ខែមីនា ឆ្នាំ២០២៦ លោកអានុទីនបានអះអាងយ៉ាងច្បាស់ថា៖ «ការវាយប្រហារនេះគឺមិនសមស្របទាល់តែសោះ»។ លោកបានបញ្ជាឲ្យអាជ្ញាធរពាក់ព័ន្ធទាំងអស់ចាត់វិធានការគ្រប់បែបយ៉ាង ដើម្បីជួយសង្គ្រោះក្រុមនាវិកដែលរងគ្រោះ។ កប៉ាល់ដឹកទំនិញថៃឈ្មោះ MAYUREE NAREE ត្រូវបានវាយប្រហារកាលពីថ្ងៃពុធទី១១ ខែមីនា…

ក្រោយកប៉ាល់ដឹកទំនិញរបស់ខ្លួនត្រូវអ៊ីរ៉ង់បាញ់ប្រហារនៅក្បែរច្រកសមុទ្រ Hormuz ពេលនេះប្រទេសថៃ បានអំពាវនាវឲ្យភាគីជម្លោះក្នុងសង្គ្រាមមជ្ឈិមបូព៌ា គោរពធម្មនុញ្ញអង្គការសហប្រជាជាតិ (UN)។ កប៉ាល់ដឹកទំនិញដោតទង់ជាតិថៃឈ្មោះ MAYUREE NAREE បានរងការវាយប្រហារ កាលពីថ្ងៃពុធទី១១ខែមីនាឆ្នាំ២០២៦ អំឡុងពេលធ្វើដំណើរចេញពីកំពង់ផែ ខាលីហ្វា នៃប្រទេសអារ៉ាប់រួម ឆ្ពោះទៅកាន់ប្រទេសឥណ្ឌា បណ្តាលឲ្យនាវិក៣នាក់បាត់ខ្លួន ខណៈ២០នាក់ទៀតត្រូវបានជួយសង្គ្រោះនិងជម្លៀសដោយសុវត្ថិភាព ទៅកាន់ប្រទេសអូម៉ង់។ ទាក់ទិនការវាយប្រហារនេះ បើតាមការឲ្យដឹងពីឆ្មាំបដិវត្តន៍អ៊ីរ៉ង់…

ក្រុមប្រឹក្សាសន្តិសុខអង្គការសហប្រជាជាតិ (UNSC) បានអនុម័តសេចក្តីសម្រេចមួយដែលទាមទារឲ្យអ៊ីរ៉ង់បញ្ឈប់ការវាយប្រហារលើប្រទេសជិតខាងក្នុងតំបន់ឈូងសមុទ្រភ្លាមៗ។ ការសម្រេចចិត្តនេះបានទទួលសំឡេងគាំទ្រចំនួន ១៣ និងសំឡេងអនុប្បវាទចំនួន ២។ សេចក្តីសម្រេចដែលអនុម័តនៅថ្ងៃទី១១ ខែមីនា អំពាវនាវឲ្យអ៊ីរ៉ង់បញ្ឈប់ការវាយប្រហារទាំងអស់លើប្រទេសបារ៉ែន គុយវ៉ែត អូម៉ង់ កាតា អារ៉ាប៊ីសាអូឌីត អារ៉ាប់រួម (UAE) និងហ្ស៊កដានី។ ឯកសារនេះក៏ថ្កោលទោសសកម្មភាពណាមួយរបស់អ៊ីរ៉ង់ក្នុងការរារាំងច្រកសមុទ្រហ័រមូស។ លោក Jamal…

សង្គ្រាមរវាងអ៊ីរ៉ង់ អ៊ីស្រាអែល និងសហរដ្ឋអាមេរិក កំពុងឆាបឆេះយ៉ាងសន្ធោសន្ធៅក្នុងខែមីនា ឆ្នាំ២០២៦ ប៉ុន្តែក្រុមហ៊ូធីនៅប្រទេសយេម៉ែននៅតែរក្សាភាពស្ងប់ស្ងាត់គួរឲ្យភ្ញាក់ផ្អើល។ ទោះបីជាមានការបាញ់មីស៊ីលតបតគ្នានៅទូទាំងមជ្ឈិមបូព៌ាក៏ដោយ ក៏ក្រុមសកម្មប្រយុទ្ធនេះមិនទាន់ចូលរួមក្នុងសង្គ្រាមនៅឡើយ។ ភាពស្ងប់ស្ងាត់ខុសធម្មតានេះ បានធ្វើឲ្យអ្នកវិភាគសង្ស័យថា ហេតុអ្វីបានជាក្រុមសកម្មប្រយុទ្ធដ៏ខ្លាំងក្លាមួយនេះ សុខចិត្តឈរមើលពីចម្ងាយ ខណៈសម្ព័ន្ធមិត្តរបស់ខ្លួនកំពុងស្ថិតក្នុងសមរភូមិដ៏ក្តៅគគុក? យោងតាមរបាយការណ៍ស្រាវជ្រាវពីវិទ្យាស្ថានសិក្សាសន្តិសុខជាតិអ៊ីស្រាអែល (INSS) មូលហេតុចម្បងនៃភាពរារែកនេះគឺដោយសារការរក្សាតុល្យភាពអំណាចនៅក្នុងប្រទេសរបស់ខ្លួន។ ប្រទេសយេម៉ែនទើបតែទទួលបានសន្តិភាពដ៏ផុយស្រួយបន្ទាប់ពីសង្គ្រាមស៊ីវិលដ៏រ៉ាំរ៉ៃ។ មេដឹកនាំក្រុមហ៊ូធីមានការប្រុងប្រយ័ត្នខ្ពស់ ព្រោះការលោតចូលទៅក្នុងសង្គ្រាមផ្ទាល់ជាមួយអាមេរិក និងអ៊ីស្រាអែល…

ប្រទេសកាតាបានអំពាវនាវយ៉ាងខ្លាំងទៅក្រុមប្រឹក្សាសន្តិសុខអង្គការសហប្រជាជាតិ (UNSC) ឱ្យចាត់វិធានការជាបន្ទាន់ ដើម្បីបញ្ឈប់ការវាយប្រហាររបស់អ៊ីរ៉ង់លើប្រទេសនានានៅទូទាំងមជ្ឈិមបូព៌ា។ កាតាព្រមានថា ការមិនធ្វើសកម្មភាពអ្វីសោះនឹងនាំមកនូវសញ្ញាគ្រោះថ្នាក់យ៉ាងធ្ងន់ធ្ងរ។ យោងតាម Al Jazeera ផ្សាយថ្ងៃទី១១ ខែមីនា ឆ្នាំ២០២៦ លោកស្រី Sheikha Alya Ahmed bin Saif Al Thani…

ភ្នំពេញ៖ មន្ត្រីចារកម្មខាងលិចបានបង្ហាញពីការគាំទ្រយុទ្ធសាស្ត្រថ្មីរវាងរុស្ស៊ី និងអ៊ីរ៉ង់ ដោយមូស្គូកំពុងផ្តល់ជំនួយយុទ្ធសាស្ត្រដ្រូនទំនើបៗពីសង្គ្រាមអ៊ុយក្រែនទៅកាន់តេហេរ៉ាន។ សារព័ត៌មាន CNN បានផ្សាយនៅថ្ងៃទី១១ ខែមីនា ឆ្នាំ២០២៦ ថា ដ្រូនម៉ាក Shahed ដែលរចនាដោយអ៊ីរ៉ង់ ប៉ុន្តែផលិតដោយរុស្ស៊ី បានទទួលជោគជ័យក្នុងការជ្រៀតចូលប្រព័ន្ធការពារដែនអាកាសរបស់ប្រទេសឈូងសមុទ្រនានា។ មន្ត្រីដែលសុំមិនបញ្ចេញឈ្មោះបានបញ្ជាក់ថា៖ «អ្វីដែលធ្លាប់តែជាការគាំទ្រទូទៅ ឥឡូវនេះវាកាន់តែគួរឱ្យព្រួយបារម្ភ រួមទាំងយុទ្ធសាស្ត្រកំណត់គោលដៅដ្រូន UAS…

កងឆ្មាំបដិវត្តន៍អ៊ីរ៉ង់ (IRGC) បានអះអាងថា ខ្លួនបានចាប់ផ្តើមប្រតិបត្តិការវាយប្រហារសងសឹកដ៏ខ្លាំងក្លា និងធ្ងន់ធ្ងរបំផុតពេញមួយយប់ ទៅគោលដៅមូលដ្ឋានទ័ព និងទ្រព្យសម្បត្តិរបស់សហរដ្ឋអាមេរិក និងអ៊ីស្រាអែល។ យោងតាមប្រព័ន្ធផ្សព្វផ្សាយរដ្ឋអ៊ីរ៉ង់ ការវាយប្រហារនេះបានធ្វើឡើងជារលកជាបន្តបន្ទាប់ដោយមានគោលបំណងធ្វើឱ្យសត្រូវចុះចាញ់ទាំងស្រុង។ កងកម្លាំង IRGC បានប្រកាសថា៖ «យើងនឹងបញ្ចប់សង្គ្រាមនៅពេលដែលស្រមោលនៃសង្គ្រាមត្រូវបានដកចេញពីប្រទេស»។ តាមការផ្សាយរបស់ ABC កាលពីថ្ងៃទី១១ ខែមីនា ឆ្នាំ២០២៦ រលកនៃការវាយប្រហារដែលអ៊ីរ៉ង់បានលើកឡើង…

យោងតាមឯកសារសម្ងាត់ដែលបានលេចធ្លាយពីកិច្ចប្រជុំសភាអាមេរិក ត្រឹមតែ៦ថ្ងៃដំបូងនៃសង្គ្រាមរវាងសហរដ្ឋអាមេរិក និងអ៊ីរ៉ង់ បានធ្វើឲ្យរដ្ឋាភិបាលវ៉ាស៊ីនតោនចំណាយថវិកាអស់យ៉ាងហោចណាស់ ១១,៣ពាន់លានដុល្លារ។ ព័ត៌មាននេះត្រូវបានចុះផ្សាយដោយទីភ្នាក់ងារព័ត៌មានរ៉យទ័រ បន្ទាប់ពីទទួលបានឯកសារសម្ងាត់ពីកិច្ចប្រជុំមួយក្នុងសភាអាមេរិក។ ក្នុងចំណោមទឹកប្រាក់ដ៏ច្រើនសន្ធឹកសន្ធាប់នេះ មានចំនួន ៥,៦ពាន់លានដុល្លារ ត្រូវបានប្រើប្រាស់ទៅលើតែគ្រាប់រំសេវ និងគ្រឿងយុទ្ធភណ្ឌ ក្នុងរយៈពេលត្រឹម៤៨ម៉ោងដំបូងប៉ុណ្ណោះ។ សង្គ្រាមនេះបានចាប់ផ្តើមឡើងកាលពីថ្ងៃទី២៨កុម្ភៈ តាមរយៈការវាយប្រហារតាមដែនអាកាសរួមគ្នារវាងអាមេរិក និងអ៊ីស្រាអែល ដែលរហូតមកដល់ពេលនេះ បានឆក់យកជីវិតមនុស្សប្រហែល ២០០០នាក់ និងបានបង្កឲ្យមានភាពវឹកវរយ៉ាងខ្លាំងដល់ទីផ្សារថាមពល…

ការវាយប្រហារដោយមីស៊ីលដ៏សាហាវទៅលើសាលារៀនកុមារីមួយកន្លែង ក្នុងទីក្រុង Minab ប្រទេសអ៊ីរ៉ង់ ដែលបានសម្លាប់សិស្សស្រីអស់ចំនួន១៥០នាក់ ត្រូវបានគេសង្ស័យថា បណ្តាលមកពីកងទ័ពអាមេរិកប្រើប្រាស់ទិន្នន័យកំណត់គោលដៅចាស់ហួសសម័យ។ ទីភ្នាក់ងារព័ត៌មាន Reuters និង CNN បានចុះផ្សាយដូចគ្នាដោយយោងតាមប្រភពសុំមិនបញ្ចេញឈ្មោះថា មន្ត្រីទទួលបន្ទុកលើការកំណត់គោលដៅហាក់ដូចជាបានពឹងផ្អែកលើព័ត៌មានសម្ងាត់ដែលលែងប្រើការបាន ដែលនាំឲ្យកើតមានគ្រោះថ្នាក់ដល់ជនស៊ីវិលដ៏អាក្រក់បំផុតមួយក្នុងរយៈពេលរាប់សិបឆ្នាំចុងក្រោយនេះ។ តាមរយៈការវិភាគភស្តុតាងវីដេអូពីអ្នកជំនាញ បានបង្ហាញថា មីស៊ីលប្រភេទ Tomahawk របស់អាមេរិក បានហោះទៅបុកចំតំបន់នោះ…

រដ្ឋាភិបាលវៀតណាមបានប្រកាសជាផ្លូវការនៅថ្ងៃពុធថា ក្រុមហ៊ុនអាកាសចរណ៍ជាតិអាចនឹងប្រឈមមុខនឹងបញ្ហាខ្វះប្រេងឥន្ធនៈសម្រាប់យន្តហោះចាប់ពីខែមេសាខាងមុខនេះ ដោយសារតែជម្លោះនៅតំបន់មជ្ឈិមបូព៌ាដែលកំពុងកើតឡើង។ ការប្រកាសនេះបានធ្វើឡើងតាមរយៈទីភ្នាក់ងារសារព័ត៌មានរ៉យទ័រ ដោយរដ្ឋាភិបាលបានចេញសេចក្តីថ្លែងការណ៍មួយដែលបង្ហាញថា អ្នកផ្គត់ផ្គង់ប្រេងឥន្ធនៈក្នុងស្រុកអាចធានាការចែកចាយបានត្រឹមតែចុងខែនេះប៉ុណ្ណោះ។ អ្នកផ្គត់ផ្គង់មួយចំនួនបានចាប់ផ្តើមពន្យារពេលការចែកចាយរួចទៅហើយ ដោយសារហេតុផលផ្សេងៗ។ អាជ្ញាធរអាកាសចរណ៍ស៊ីវិលវៀតណាម (CAAV) បានបញ្ជាក់យ៉ាងច្បាស់ថា៖ «ហានិភ័យនៃកង្វះខាតប្រេងឥន្ធនៈអាកាសចរណ៍សម្រាប់ក្រុមហ៊ុនអាកាសចរណ៍វៀតណាមចាប់ពីខែមេសាតទៅ និងក្នុងខែបន្តបន្ទាប់ទៀត គឺជាការពិត»។ CAAV ក៏បានស្នើសុំឱ្យរដ្ឋាភិបាលអនុញ្ញាតឱ្យក្រុមហ៊ុនអាកាសចរណ៍ដំឡើងថ្លៃសំបុត្រយន្តហោះ ដើម្បីឆ្លើយតបទៅនឹងការកើនឡើងនៃតម្លៃប្រេងឥន្ធនៈ។ ជម្លោះរវាងអ៊ីស្រាអែល សហរដ្ឋអាមេរិក និងអ៊ីរ៉ង់…