ព័ត៌មានអន្ដរជាតិ

ប្រធានាធិបតីអាមេរិក លោក ដូណាល់ ត្រាំ បានប្រកាសគាំទ្រជាសាធារណៈចំពោះការបះបោររបស់ក្រុមឃឺដនៅក្នុងប្រទេសអ៊ីរ៉ង់ ដែលជាផ្នែកមួយនៃយុទ្ធសាស្ត្រធ្វើឲ្យរដ្ឋាភិបាលអ៊ីរ៉ង់ចុះខ្សោយពីខាងក្នុង។ លោកត្រាំបានប្រាប់ទីភ្នាក់ងារសារព័ត៌មាន Reuters កាលពីថ្ងៃព្រហស្បតិ៍ទី៥មីនា ថា៖ «ខ្ញុំគិតថា វាជារឿងអស្ចារ្យដែលពួកគេចង់ធ្វើបែបនេះ ខ្ញុំគាំទ្រពេញទំហឹង»។ ទោះបីជាសេតវិមានបានបញ្ជាក់ពីការពិភាក្សារវាងលោកត្រាំ និងមេដឹកនាំឃឺដនៅអ៊ីរ៉ាក់ក៏ដោយ ក៏មន្ត្រីអាមេរិកបានបដិសេធថា មិនទាន់មានកិច្ចព្រមព្រៀងផ្លូវការណាមួយសម្រាប់ការងើបបះបោរប្រដាប់អាវុធនោះទេ។ មេដឹកនាំក្រុមប្រឆាំងឃឺដដ៏លេចធ្លោ លោក Mustafa…

ប្រធានាធិបតីអាមេរិក ដូណាល់ ត្រាំ បានបដិសេធសំណើចរចាពីអ៊ីរ៉ង់ ដោយប្រាប់ថា «ហួសពេលហើយ» និងថា «ឥឡូវយើងចង់ប្រយុទ្ធខ្លាំងជាងអ្នកទៀត»។ ក្នុងជំនួបជាមួយក្រុមកីឡាករបាល់ទាត់ក្លឹប Inter Miami នៅសេតវិមាន លោកត្រាំបានបង្ហាញទឹកមុខរឹងមាំ ដោយបញ្ជាក់ថា អ៊ីរ៉ង់បានទូរស័ព្ទមកសុំចរចា ប៉ុន្តែលោកបានឆ្លើយតបភ្លាមៗ។ ទោះជាយ៉ាងណា រដ្ឋមន្ត្រីការបរទេសអ៊ីរ៉ង់ Abbas Araghchi…

ភ្នំពេញ – កងកម្លាំងយោធាអាមេរិកបានបង្កើនការវាយប្រហារលើកងទ័ពជើងទឹកអ៊ីរ៉ង់ ខណៈការវាយប្រហារដោយមីស៊ីលបាលិស្ទិករបស់អ៊ីរ៉ង់បានធ្លាក់ចុះយ៉ាងគំហុកដល់ ៩០% ក្នុងរយៈពេល ២៤ម៉ោងចុងក្រោយនេះ។ រដ្ឋមន្ត្រីការពារជាតិ លោក Pete Hegseth និងឧត្តមនាវីឯក Brad Cooper បានប្រកាសនៅថ្ងៃសុក្រទី៦មីនាថា ការវាយប្រហារដោយមីស៊ីលបាលិស្ទិករបស់អ៊ីរ៉ង់បានធ្លាក់ចុះ ៩០% និងការវាយប្រហារដោយដ្រូនធ្លាក់ចុះ ៨៣%។ ទោះបីជាសកម្មភាពរបស់អ៊ីរ៉ង់មានការថយចុះក៏ដោយ…

នៅថ្ងៃទី២៨ កុម្ភៈ ២០២៦ សហរដ្ឋអាមេរិក ដែលជាមហាអំណាចលេខ១ បានចូលរួមជាមួយអ៊ីស្រាអែល បើកប្រតិបត្តិការយោធាធំលើអ៊ីរ៉ង់ ដែលឈានដល់ការសម្លាប់មេដឹកនាំកំពូល Ali Khamenei។ សកម្មភាពនេះបានបង្កឱ្យមានសង្គ្រាមពេញតំបន់មជ្ឈិមបូព៌ា ដោយមានការបាញ់មីស៊ីលគ្នាដូចទឹកភ្លៀង។ អ៊ីរ៉ង់ក៏បានប្រើអាវុធសេដ្ឋកិច្ចតាមរយៈការបិទច្រកសមុទ្រ Homuz ធ្វើឱ្យតម្លៃប្រេងឡើងខ្ពស់។ បន្ទាប់ពីមួយសប្តាហ៍ សង្គ្រាមនៅតែគ្មានសញ្ញាធូរស្រាល ដោយភាគីទាំងពីរប្តេជ្ញាប្រយុទ្ធដល់ទីបញ្ចប់។ សំណួរដ៏សំខាន់គឺ តើនរណាអាចជួយបញ្ចប់សង្គ្រាមនេះបាន?…

ទីក្រុងប៉េកាំង៖ នៅក្នុងកិច្ចប្រជុំសភាប្រចាំឆ្នាំដ៏សំខាន់ ប្រទេសចិនបានប្រកាសបង្កើនថវិកាយោធារបស់ខ្លួនចំនួន ៧% ដែលនាំឲ្យថវិកាសរុបកើនឡើងដល់ ១,៩១ ទ្រីលានយន់ (ប្រហែល ២៧៦,៩ ពាន់លានដុល្លារ)។ នេះជាការកើនឡើងជាលើកទី១១ ជាប់ៗគ្នា ដោយកើតឡើងក្នុងពេលដែលចិនកំពុងចាប់ផ្ដើមផែនការ៥ឆ្នាំថ្មី ដើម្បីពង្រឹងសមត្ថភាពយោធារហូតដល់ឆ្នាំ២០៣០។ ការបង្កើនចំណាយយោធានេះកើតឡើងក្នុងបរិបទនៃភាពតានតឹងយោធាកើនឡើងនៅតំបន់ ជាពិសេសនៅច្រកសមុទ្រតៃវ៉ាន់ និងសមុទ្រចិនខាងត្បូង ដែលចិនកំពុងប្រកួតប្រជែងយ៉ាងស្រួចស្រាវជាមួយសហរដ្ឋអាមេរិក។ អ្នកវិភាគយោធាមើលឃើញថា ការកើនឡើងថវិកានេះគឺជាសញ្ញាយ៉ាងច្បាស់នៃមហិច្ឆតារបស់កងទ័ពរំដោះប្រជាជនចិន…

ជិតមួយសប្តាហ៍ហើយ ដែលសហរដ្ឋអាមេរិក និងអ៊ីស្រាអែលបើកប្រតិបត្តិការយោធាទ្រង់ទ្រាយធំវាយប្រហារប្រទេសអ៊ីរ៉ង់ បណ្តាលឱ្យមានភ្លើងសង្គ្រាមឆាបឆេះសន្ធោសន្ធៅទូទាំងតំបន់មជ្ឈិមបូព៌ា។ ក្នុងប្រតិបត្តិការ «Epic Fury» អាមេរិកបានចំណាយថវិកាយោធាយ៉ាងច្រើន ដោយប្រើប្រាស់យុទ្ធឧបករណ៍ច្រើនប្រភេទ ប៉ុន្តែយុទ្ធឧបករណ៍ទាំងនោះក៏ត្រូវខ្ទេចខ្ទីផងដែរដោយសារការសងសឹករបស់អ៊ីរ៉ង់។ យោងតាមទិន្នន័យរបស់ស្ថាប័នសិក្សាយុទ្ធសាស្ត្រនិងអន្តរជាតិ (CSIS) ដែលចេញផ្សាយកាលពីថ្ងៃទី៥ មីនា ២០២៦ បានបង្ហាញថា ក្នុងរយៈពេល១០០ម៉ោងដំបូងនៃសង្គ្រាមជាមួយអ៊ីរ៉ង់ អាមេរិកបានចំណាយអស់ប្រហែល ៣.៧ពាន់លានដុល្លារ។ ក្នុងចំនួននោះ…

ភ្នំពេញ៖ ការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ដែលបានចាប់ផ្ដើមពីថ្ងៃទី២៨ កុម្ភៈ ឆ្នាំ២០២៦ បានឈានដល់ថ្ងៃទី៧ នៅថ្ងៃទី៦ មីនា ដោយបណ្ដាលឱ្យមានអ្នកស្លាប់ជាង១២០០នាក់ រួមទាំងកុមារ១៨១នាក់។ យោងតាមព័ត៌មានពី Al Jazeera ប្រតិបត្តិការយោធានេះត្រូវបានដាក់ឈ្មោះថា «ប្រតិបត្តិការ Epic Fury» សម្រាប់ភាគីអាមេរិក និង…

វ៉ាស៊ីនតោន – រដ្ឋាភិបាលសហរដ្ឋអាមេរិកបានអនុញ្ញាតឱ្យក្រុមហ៊ុនចម្រាញ់ប្រេងឥណ្ឌានាំចូលប្រេងពីរុស្ស៊ីរយៈពេល ៣០ថ្ងៃ ក្នុងគោលបំណងរក្សាស្ថិរភាពទីផ្សារថាមពលសកល នៅពេលដែលជម្លោះនៅតំបន់មជ្ឈិមបូព៌ាកំពុងបង្កឱ្យមានភាពតានតឹង។ ការិយាល័យគ្រប់គ្រងទ្រព្យសម្បត្តិបរទេស (OFAC) នៃក្រសួងរតនាគារអាមេរិក បានចេញអាជ្ញាប័ណ្ណបណ្ដោះអាសន្ននៅថ្ងៃព្រហស្បតិ៍ទី៥មីនា ដែលអនុញ្ញាតឱ្យក្រុមហ៊ុនឥណ្ឌានាំចូលប្រេងរុស្ស៊ីដែលជាប់គាំងនៅលើសមុទ្រ។ ការអនុញ្ញាតនេះនឹងផុតកំណត់នៅថ្ងៃទី៤មេសា។ លោក ស្កុតថ៍ បេសិនថ៍ រដ្ឋមន្ត្រីក្រសួងរតនាគារបានបញ្ជាក់ថា៖ «ការលើកលែងបណ្តោះអាសន្ននេះមានគោលបំណងធានាឱ្យប្រេងបន្តហូរចូលទីផ្សារពិភពលោក ដោយមិនផ្តល់អត្ថប្រយោជន៍ហិរញ្ញវត្ថុធំដុំដល់រុស្ស៊ី»។ ការអនុញ្ញាតនេះអនុវត្តតែចំពោះប្រេងរុស្ស៊ីដែលត្រូវបានដាក់ផ្ទុកលើនាវាមុនថ្ងៃទី៥មីនា ហើយត្រូវដឹកជញ្ជូនទៅឥណ្ឌាតែប៉ុណ្ណោះ។…

ពិភពលោកកំពុងជួបប្រឈមនឹងវិបត្តិយោធាដ៏ស្មុគស្មាញមួយ នៅពេលដែលសហរដ្ឋអាមេរិកត្រូវប្រយុទ្ធនៅពីរមុខរណីក្នុងពេលតែមួយ។ បន្ទាប់ពីបើកប្រតិបត្តិការ «Epic Fury» ប្រឆាំងនឹងអ៊ីរ៉ង់ សំណួរដ៏សំខាន់កំពុងលេចឡើង៖ តើអាមេរិកអាចធ្វើសង្គ្រាមអាកាសធំៗនៅមជ្ឈិមបូព៌ា និងការពារអ៊ុយក្រែនពីការវាយប្រហាររបស់រុស្ស៊ីបានទេ? អស់រយៈពេលជាយូរមក អ៊ុយក្រែនគឺជាអាទិភាពលេខមួយរបស់អាមេរិក។ ប៉ុន្តែនៅពេលនេះ សមរភូមិមជ្ឈិមបូព៌ាកំពុងឡើងកម្តៅខ្លាំង ដែលធ្វើឲ្យពិភពលោកបារម្ភពី «វិបត្តិសមរភូមិពីរ»។ ១. ការប្រកួតប្រជែងខែលការពារ បញ្ហាសំខាន់បំផុតមិនមែនជារឿងថវិកាទេ តែជាការខ្វះខាតគ្រាប់មីស៊ីលការពារ។ តាមរបាយការណ៍ពី…

ទោះបីជាកំពុងតែប្រឈមនឹងសង្គ្រាមជាមួយរុស្ស៊ីក៏ដោយ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានប្រកាសថា ប្រទេសរបស់លោកកំពុងបញ្ជូនក្រុមជំនាញយោធាទៅកាន់តំបន់មជ្ឈិមបូព៌ា ដើម្បីផ្តល់ប្រឹក្សានិងជួយរៀបចំផែនការទប់ទល់នឹងការវាយប្រហារដោយមីស៊ីលនិងដ្រូនពីសំណាក់អ៊ីរ៉ង់។ លោកហ្សេលេនស្គីបានបង្ហោះសារលើបណ្តាញសង្គម X កាលពីថ្ងៃពុធទី៤ មីនា ដោយបញ្ជាក់ថា លោកបានប្រើរដ្ឋមន្ត្រីការបរទេស រដ្ឋមន្ត្រីការពារជាតិ ទីភ្នាក់ងារស៊ើបការណ៍សម្ងាត់ និងលេខាធិការក្រុមប្រឹក្សាសន្តិសុខជាតិ ដើម្បីរៀបចំជម្រើសជំនួយដល់ប្រទេសដែលពាក់ព័ន្ធ។ «ត្រឹមប៉ុន្មានថ្ងៃប៉ុណ្ណោះ អ៊ីរ៉ង់បានបាញ់បង្ហោះមីស៊ីលជាង៨០០គ្រាប់…