ព័ត៌មានអន្ដរជាតិ

នាយករដ្ឋមន្ត្រីថៃ លោក អានុទីន ឆានវីរៈគុល ត្រូវបានអ្នកស្រុកហាតយ៉ៃស្រែកគំហកក្នុងពេលធ្វើដំណើរទស្សនកិច្ចទឹកជំនន់លើកទី៤។ តាមវីដេអូដែលផ្សព្វផ្សាយដោយ Thai Enquirer អ្នកស្រុកដែលខឹងសម្បាបានស្រែកទៅកាន់លោកថា៖ «ប្រជាជនកំពុងរងទុក្ខ លោកនាយករដ្ឋមន្ត្រី! កុំជិះរថយន្ត ត្រូវចុះដើរ»។ លោកអានុទីនបានឆ្លើយតបត្រឡប់ដោយពាក្យថា «បាទៗ»។ ទឹកជំនន់ដ៏សាហាវនៅតំបន់ភាគខាងត្បូងថៃបានបណ្តាលឲ្យមនុស្សស្លាប់ជាង១០០នាក់ និងខូចខាតហេដ្ឋរចនាសម្ព័ន្ធយ៉ាងខ្លាំង។ កម្ពស់ទឹកភ្លៀងមានរហូតដល់២ម៉ែត្រ ដែលជាកម្រិតជន់លិចដ៏ខ្លាំងមិនធ្លាប់ជួបក្នុងរយៈពេល៣០០ឆ្នាំ។ ការរិះគន់ចំពោះលោកអានុទីនបានកើនឡើងដោយសារតែវិធានការរបស់រដ្ឋាភិបាលគ្មានប្រសិទ្ធភាពក្នុងការជួយប្រជាជន។…

ក្រសួងកសិកម្ម និងបរិស្ថានវៀតណាម បានប្រកាសថា វៀតណាមអាចនាំចេញផ្លែខ្នុរស្រស់ទៅកាន់ចិនបានហើយ ក្រោមពិធីសារថ្មីដែលប្រទេសទាំងពីរចុះហត្ថលេខាកាលពីថ្ងៃព្រហស្បតិ៍។ ពិធីសារនេះត្រូវបានចុះដោយលោក Tran Duc Thang រដ្ឋមន្ត្រីក្រសួងកសិកម្មវៀតណាម និងលោក Zhao Zenglian អនុប្រធានរដ្ឋបាលគយចិន (GACC)។ នេះជាជំហានសំខាន់សម្រាប់ការជួញដូរផលិតផលកសិកម្មទ្វេភាគី។ GACC បានសង្កត់ធ្ងន់លើការប្តេជ្ញាចិត្តរបស់ចិនក្នុងការបើកទីផ្សារសម្រាប់ផលិតផលកសិកម្មវៀតណាមដែលមានគុណភាពខ្ពស់។ ផ្លែខ្នុរស្រស់វៀតណាមឥឡូវត្រូវមានស្តង់ដារក្រោមពិធីសារ ដោយកាត់បន្ថយហានិភ័យពាណិជ្ជកម្ម។…

ក្រសួងសុខាភិបាលតំបន់ហ្គាហ្សា បានរាយការណ៍កាលពីថ្ងៃសៅរ៍ទី២៩ ខែវិច្ឆិកា ឆ្នាំ២០២៥ ថា ចំនួនមនុស្សដែលត្រូវបានបញ្ជាក់ថាស្លាប់ក្នុងប្រតិបត្តិការវាយលុករបស់អ៊ីស្រាអែលនៅតំបន់ហ្គាហ្សាកើនហួស ៧០,០០០នាក់ហើយ។ ក្រសួងបានរាយការណ៍ថា មានអ្នកស្លាប់ថ្មីចំនួន៣០១នាក់ចាប់តាំងពីថ្ងៃព្រហស្បតិ៍ ដែលនាំឲ្យតួលេខអ្នកស្លាប់សរុបកើនដល់ ៧០,១០០នាក់។ ក្រសួងបានបន្ថែមថា មនុស្សពីរនាក់ត្រូវបានសម្លាប់នៅក្នុងការវាយប្រហារចុងក្រោយរបស់អ៊ីស្រាអែល ខណៈដែលនៅសល់ត្រូវបានកំណត់អត្តសញ្ញាណពីសាកសពដែលត្រូវបានរកឃើញនៅក្នុងសង្កាត់ដែលត្រូវបានបំផ្លាញ។ កងទ័ពអ៊ីស្រាអែលមិនបានធ្វើការអត្ថាធិប្បាយភ្លាមៗទេ។ ពួកគេនៅតែអះអាងថា ខ្លួនមិនបានកំណត់គោលដៅលើជនស៊ីវិលឡើយ ហើយបានចោទប្រកាន់ក្រុមហាម៉ាសថាបានបំផ្លើសចំនួនជនរងគ្រោះ។ តួលេខអ្នកស្លាប់នៅតែបន្តកើនឡើង ទោះបីជាមានបទឈប់បាញ់ដ៏ផុយស្រួយដែលអនុវត្តតាំងពីថ្ងៃទី១០ខែតុលាក៏ដោយ។…

គ្រោះមហន្តរាយធម្មជាតិដ៏ធ្ងន់ធ្ងរក្នុងរយៈពេលជាង១សប្តាហ៍ចុងក្រោយ បានបណ្តាលឲ្យមានមនុស្សស្លាប់កើនលើស ៥០០នាក់នៅក្នុងប្រទេសថៃ ឥណ្ឌូណេស៊ី ម៉ាឡេស៊ី និងស្រីលង្កា។ ប្រទេសឥណ្ឌូនេស៊ី ម៉ាឡេស៊ី និងប្រទេសថៃ ត្រូវបានជន់លិចដោយភ្លៀងធ្លាក់ខ្លាំងអស់រយៈពេលជាច្រើនថ្ងៃ ដែលបានសម្លាប់មនុស្សជាង ៤០០នាក់នៅប្រទេសទាំងបី។ សម្រាប់ករណីនៅប្រទេសឥណ្ឌូណេស៊ី ទឹកជំនន់និងការបាក់ដីបានសម្លាប់មនុស្សច្រើនប្រមាណ ២៤៨នាក់ គិតត្រឹមថ្ងៃទី២៩ខែវិច្ឆិកានេះ។ ទីភ្នាក់ងារគ្រប់គ្រងគ្រោះមហន្តរាយជាតិរបស់ប្រទេសឥណ្ឌូណេស៊ីបាននិយាយថា មនុស្សជាង ១០០នាក់នៅតែបាត់ខ្លួន។ សម្រាប់ករណីនៅភាគខាងត្បូងប្រទេសថៃវិញ…

ក្រុមហ៊ុនអាកាសចរណ៍ហ្វីលីពីន PAL និង Cebu Pacific បានលុបចោលជើងហោះហើរចំនួន៧៨ជើងភ្លាមៗ នៅថ្ងៃទី២៩វិច្ឆិកា ដោយសារបញ្ហាសូហ្វវែរយន្តហោះ Airbus A320 និង A321។ ក្រុមហ៊ុន PAL បានផ្តល់ជម្រើស៣សម្រាប់អ្នកដំណើរ៖ កក់ឡើងវិញ ប្តូរជាឥណទាន ឬសុំសងប្រាក់។ Cebu Pacific…

ក្រុមហ៊ុនផលិតយន្តហោះ Airbus បានចេញបញ្ជាប្រមូលយន្តហោះប្រភេទ A320 ជាង ៦០០០ គ្រឿង ដើម្បីជួសជុលបញ្ហាសុសវែរ ដែលបង្កការរំខានដល់វិស័យអាកាសចរណ៍ទូទាំងពិភពលោក។ Airbus បានឱ្យដឹងថា យន្តហោះ A320 ត្រូវការសុសវែរថ្មីមុនដំណើរការហោះហើរធម្មតាឡើងវិញ បើមិនដូច្នោះទេអាចនឹងជួបបញ្ហាទិន្នន័យ ដែលនឹងបង្កឱ្យមានការពន្យារពេលជើងហោះហើរ ឬការលុបជើងហោះហើរ។ ការចេញបញ្ជាប្រមូលយន្តហោះជួសជុលធ្វើឡើងក្រោយមានការរកឃើញថា រលកវិទ្យុសកម្មដ៏ខ្លាំងពីព្រះអាទិត្យអាចបំផ្លាញទិន្នន័យសំខាន់ៗសម្រាប់មុខងារគ្រប់គ្រងការហោះហើរ។ ក្រុមហ៊ុន…

កាលពីថ្ងៃព្រហស្បតិ៍ទី២៧ខែវិច្ឆិកាឆ្នាំ២០២៥ តុលាការបង់ក្លាដែសបានកាត់ទោសអតីតនាយករដ្ឋមន្ត្រី លោកស្រី Sheikh Hasina ដាក់ពន្ធនាគារ២១ឆ្នាំ ពីបទចោទប្រកាន់ពុករលួយ ដែលបន្ថែមលើទោសប្រហារជីវិតដែលលោកស្រីបានទទួលកាលពីសប្តាហ៍មុន។ យោងតាម AFP លោកស្រី Hasina ដែលមានវ័យ៧៨ឆ្នាំ ត្រូវបានកាត់ទោសកំបាំងមុខក្នុងសំណុំរឿងចំនួនបី ដែលបានដាក់ដោយគណៈកម្មាធិការប្រឆាំងអំពើពុករលួយ។ អតីតនាយករដ្ឋមន្ត្រីរូបនេះបានភៀសខ្លួនចេញពីប្រទេសបង់ក្លាដែសតាមឧទ្ធម្ភាគចក្រកាលពីខែសីហាឆ្នាំ២០២៤ បន្ទាប់ពីមានការតវ៉ាជាច្រើនសប្តាហ៍ដែលបានផ្តួលរំលំរដ្ឋាភិបាលរបស់លោកស្រី ហើយបច្ចុប្បន្នកំពុងរស់នៅក្នុងប្រទេសឥណ្ឌា។ នៅថ្ងៃទី១៧ខែវិច្ឆិកា លោកស្រីត្រូវបានកាត់ទោសប្រហារជីវិតពីបទបញ្ជាឲ្យបង្ក្រាបដោយហិង្សាលើការបះបោរដឹកនាំដោយក្រុមនិស្សិត…

ប្រធានាធិបតីរុស្ស៊ី វ្ល៉ាឌីមៀរ ពូទីន បានប្រកាសថា កិច្ចព្រមព្រៀងសន្តិភាពណាមួយជាមួយអ៊ុយក្រែនត្រូវតែរាប់បញ្ចូលការប្រគល់ទឹកដីដែលក្រុងមូស្គូទាមទារ។ ការអត្ថាធិប្បាយរបស់លោកបានកើតឡើងបន្ទាប់ពីកិច្ចចរចាការទូតត្រូវបានបង្កើនក្នុងរយៈពេលមួយសប្តាហ៍កន្លងមកនេះ។ យោងតាម Independent អំឡុងបំពេញទស្សនកិច្ចនៅប្រទេសកៀហ្ស៊ីស៊ីស្ថាន កាលពីថ្ងៃព្រហស្បតិ៍ទី២៧ខែវិច្ឆិកាឆ្នាំ២០២៥ លោកពូទីន បាននិយាយម្តងទៀតថា កងកម្លាំងអ៊ុយក្រែនត្រូវតែដកខ្លួនចេញពីតំបន់ដែលរុស្ស៊ីស្វែងរកការកាត់បញ្ចូលជាឧបសម្ព័ន្ធ ដោយព្រមានថា ក្រុងមូស្គូនឹង«សម្រេចវាដោយប្រើកម្លាំង» បើពួកគេបដិសេធ។ ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី បានបញ្ជាក់ថា…

ភ្លៀងធ្លាក់ខ្លាំងបន្តបន្ទាប់បានបង្កគ្រោះទឹកជំនន់ដ៏ធ្ងន់ធ្ងរនៅប្រទេសថៃ ដោយខេត្តអយុធ្យាត្រូវជន់លិចជាង៤ខែមកហើយ ខណៈភាគខាងត្បូងកំពុងប្រឈមនឹងគ្រោះមហន្តរាយដ៏សាហាវ។ តាមការផ្សាយរបស់ Khaosod ទឹកជំនន់នៅអយុធ្យាបានចាប់ផ្ដើមតាំងពីខែសីហា បង្កផលប៉ះពាល់យ៉ាងធ្ងន់ធ្ងរដល់ពលរដ្ឋ និងបណ្ដាលឲ្យមនុស្សស្លាប់រាប់សិបនាក់។ នាយកដ្ឋានបង្ការនិងកាត់បន្ថយគ្រោះមហន្តរាយថៃរាយការណ៍ថា ទឹកជំនន់បានជន់លិចភូមិចំនួន៩៤៦ក្នុង១៤៥ឃុំ នៃ១២ស្រុក ប៉ះពាល់ដល់ពលរដ្ឋ៦៦,៧៩៤គ្រួសារ។ ឯភាគខាងត្បូងប្រទេសថៃ តួលេខមនុស្សស្លាប់ដោយសារទឹកជំនន់បានឈានដល់១៤៥នាក់ ប៉ុន្ដែពលរដ្ឋកំពុងខឹងសម្បារដ្ឋាភិបាលយ៉ាងខ្លាំង ដោយចោទថាលាក់បាំងតួលេខពិត។ ខេត្ត Songkhla មានចំនួនមនុស្សស្លាប់ច្រើនជាងគេ គឺ១១០នាក់។…

ក្រុមហ៊ុនថាមពលរដ្ឋថៃ PTTOR បានប្រកាសថា ការលក់ប្រេងរបស់ខ្លួននៅកម្ពុជាបានធ្លាក់ចុះយ៉ាងខ្លាំងចន្លោះពី ៥០-៦០% ដោយសារភាពតានតឹងព្រំដែនកម្ពុជា-ថៃ។ ក្រុមហ៊ុននេះកំពុងពិចារណាដកខ្លួនចេញពីទីផ្សារកម្ពុជាទាំងស្រុង ប្រសិនបើស្ថានការណ៍កាន់តែអាក្រក់។ តាមការបញ្ជាក់ពីលោក ML Peekthong Thongyai នាយកប្រតិបត្តិ PTTOR ចំនួនស្ថានីយចាក់សាំង PTT នៅកម្ពុជាបានធ្លាក់ចុះពី ២០០ កន្លែង មកត្រឹម…