ព្យុងយ៉ាងខឹងសម្បារ! កូរ៉េខាងជើងព្រមានថា កិច្ចព្រមព្រៀងនាវាមុជទឹកនុយក្លេអ៊ែររវាងអាមេរិក-កូរ៉េខាងត្បូង អាចបង្កមហន្តរាយប្រជែងអាវុធក្នុងតំបន់
ព្យុងយ៉ាងបានបង្ហាញប្រតិកម្មយ៉ាងខ្លាំងក្លាចំពោះកិច្ចព្រមព្រៀងសន្តិសុខថ្មីមួយ រវាងកូរ៉េខាងត្បូង និងសហរដ្ឋអាមេរិក ដែលក្នុងនោះមានផែនការដ៏រសើប សម្រាប់ទីក្រុងវ៉ាស៊ីនតោនជួយទីក្រុងសេអ៊ូលក្នុងការអភិវឌ្ឍនាវាមុជទឹកដើរដោយថាមពលនុយក្លេអ៊ែរ។ យោងតាមការចុះផ្សាយរបស់ទីភ្នាក់ងារព័ត៌មានរដ្ឋ KCNA កាលពីថ្ងៃអង្គារទី ១៨ ខែវិច្ឆិកា ឆ្នាំ ២០២៥ កូរ៉េខាងជើងបានចាត់ទុកទង្វើនេះថាជាការប្រឈមមុខដាក់គ្នាដ៏ប្រកបដោយគ្រោះថ្នាក់ ដែលនឹងនាំមកនូវអស្ថិរភាពដល់តំបន់អាស៊ី-ប៉ាស៊ីហ្វិកទាំងមូល។ ទីក្រុងព្យុងយ៉ាងបានព្រមានយ៉ាងដាច់អហង្ការថា ចលនានេះនឹងបង្កឲ្យមាន «ផលប៉ះពាល់នៃទ្រឹស្តីដូមីណូនុយក្លេអ៊ែរ» ដែលអាចជំរុញឲ្យប្រទេសដទៃទៀតក្នុងតំបន់ចាប់ផ្តើមស្វែងរកអាវុធនុយក្លេអ៊ែរដូចគ្នា បង្កជាការប្រណាំងប្រជែងអាវុធទ្រង់ទ្រាយធំ។ ទ្រឹស្តីដូមីណូនុយក្លេអ៊ែរសំដៅលើការសន្មត់ថា…
