ហ្សេឡិនស្គីអំពាវនាវឱ្យដាក់ទណ្ឌកម្មរុស្ស៊ីបន្ថែមទៀតក្រោយការវា.យប្រ.ហារស្លា.ប់១២នាក់
ទីក្រុងកៀវ៖ បន្ទាប់ពីដូរឈ្លើយសឹកគ្នាចប់មិនទាន់បានប៉ុន្មានផង រុស្ស៊ីវាយប្រហារអ៊ុយក្រែនដ៏ខ្លាំងក្លាបំផុតជាបន្តទៀតដោយប្រើប្រាស់យន្តហោះដ្រូន និងមីស៊ីលផ្គួបគ្នាទៅលើទីក្រុងតូច-ធំទាំងអស់រួមទាំងរដ្ឋធានីកៀវផងដែរ។ មន្ត្រីរដ្ឋាភិបាលអ៊ុយក្រែនអះអាងថាមនុស្សយ៉ាងតិច១២នាក់បានស្លាប់បន្ទាប់ពីរុស្ស៊ីបញ្ជូនដ្រូន និងមីស៊ីល៣៦៧គ្រឿងទៅវាយប្រហារ។ មន្ត្រីថ្នាក់មូលដ្ឋានអះអាងថានៅក្នុងចំណោមអ្នកស្លាប់ទាំងនោះក៏មានកុមារបីនាក់ផងដែររស់នៅតំបន់ស៊ីតូមៀ (Zhytomyr)។ ប្រមុខដឹកនាំអ៊ុយក្រែន លោកហ្សេឡិនស្គី បានអំពាវនាវឱ្យប្រទេសអាមេរិកដែលមិនសូវហ៊ានប្រើប្រាស់សម្ដីខ្លាំងដាក់ប្រទេសរុស្ស៊ីនោះសូមកុំនៅស្ងៀមដូច្នេះតទៅទៀត។ ត្រូវតែមានសារនយោបាយអ្វីមួយនិយាយទៅកាន់រុស្ស៊ី និងលោកពូទីន។ ហ្សេឡិនស្គីបង្ហោះសារនៅលើបណ្ដាញតេឡេក្រាមថានៅពេលអាមេរិក និងពិភពលោករក្សាភាពស្ងៀមស្ងាត់ដូច្នេះនឹងធ្វើឱ្យលោកពូទីនកាន់តែបានចិត្ត។ ហ្សេឡិនស្គីយល់ថាការវាយប្រហារកម្រិតនេះអាចមានហេតុផលគ្រប់គ្រាន់ដើម្បីឱ្យក្រុមសម្ព័ន្ធមិត្តដាក់ទណ្ឌកម្មបន្ថែមទៀតទៅលើរុស្ស៊ី។ នេះជាការវាយប្រហារដ៏ខ្លាំងក្លាបំផុតទៅលើអ៊ុយក្រែន។ ទោះបីមនុស្សស្លាប់អាចតិចជាងការវាយប្រហារកាលពីពេលមុនៗ ប៉ុន្តែគ្រាប់កាំភ្លើងដែលបាញ់ចេញទៅច្រើនជាងពេលណាៗទាំងអស់។ រដ្ឋមន្ត្រីមហាផ្ទៃអ៊ុយក្រែនថ្លែងថាមនុស្ស១២នាក់ស្លាប់…
