ព័ត៌មានអន្ដរជាតិ

រុស្ស៊ីបានសន្យាផ្តល់ជំនួយដល់ឥណ្ឌូណេស៊ីក្នុងការអភិវឌ្ឍថាមពលនុយក្លេអ៊ែរ និងពង្រឹងសហប្រតិបត្តិការយោធា ទោះបីជាមានទណ្ឌកម្មពីលោកខាងលិចក៏ដោយ។ ក្នុងជំនួបជាលើកទីពីរនៅវិមានក្រឹមឡាំង ប្រធានាធិបតីវ្ល៉ាឌីមៀរ ពូទីន បានប្រាប់ប្រធានាធិបតី Prabowo Subianto ថា មូស្គូត្រៀមខ្លួនជាស្រេចគាំទ្រការសាងសង់រោងចក្រថាមពលនុយក្លេអ៊ែរដំបូងរបស់ឥណ្ឌូណេស៊ីនៅឆ្នាំ២០៣២។ «បើអ្នកគិតថា វាអាចទៅរួចក្នុងការប្រើប្រាស់អ្នកឯកទេសរបស់យើង ពួកយើងតែងតែត្រៀមខ្លួនជានិច្ច» លោកពូទីនបាននិយាយ។ ទំនាក់ទំនងទ្វេភាគីកំពុង«អភិវឌ្ឍបានល្អ» ដោយមានកិច្ចសហការការពារជាតិ និងការបណ្តុះបណ្តាលមន្រ្តីឥណ្ឌូណេស៊ីនៅសាលាបណ្ឌិតសភាយោធារុស្ស៊ី។ ប្រទេសទាំងពីរបានធ្វើសមយុទ្ធយោធាជើងទឹកដំបូងនៅសមុទ្រជ្វាកាលពីចុងឆ្នាំ២០២៤។ លោក…

ប្រទេសថៃកំពុងប្រឈមមុខនឹងបញ្ហាច្រើនជ្រុងដែលធ្វើឲ្យស្ថានភាពក្នុងប្រទេសពិបាកខ្លាំង។ ក្រៅពីជម្លោះព្រំដែនជាមួយកម្ពុជា និងមីយ៉ាន់ម៉ា ប្រទេសនេះក៏ជួបគ្រោះធម្មជាតិផ្សេងៗ រួមទាំងភាពអាម៉ាស់ពីព្រឹត្តិការណ៍ស៊ីហ្គេម។ ជម្លោះព្រំដែនជាមួយកម្ពុជាបានផ្ទុះឡើងដោយសារការឈ្លានពានរបស់ថៃ ដែលចង់បានទឹកដីខ្មែរ។ ការវាយប្រហារនេះបណ្តាលឲ្យមានមនុស្សស្លាប់ និងជនភៀសខ្លួនរាប់ម៉ឺននាក់។ រដ្ឋាភិបាលថៃក្រោមការដឹកនាំរបស់អានុទីន បានបើកការវាយប្រហារទីតាំងស៊ីវិល និងប្រាសាទបុរាណ ដោយមិនខ្វល់ពីច្បាប់អន្តរជាតិ។ នៅព្រំដែនជាប់មីយ៉ាន់ម៉ា ស្ថានភាពក៏តានតឹងដែរ។ គ្រាប់ផ្លោងពីខាងមីយ៉ាន់ម៉ាបានធ្លាក់ចូលក្នុងខេត្ត Tak របស់ថៃ ធ្វើឲ្យពលរដ្ឋរត់ប្រាស និងមានរបួស។…

សោកនាដកម្មដ៏ឈឺចាប់មួយបានកើតឡើងនៅរដ្ឋរាខាញ់ ប្រទេសមីយ៉ាន់ម៉ា នៅពេលដែលយន្តហោះយោធាបានទម្លាក់គ្រាប់បែកពីលើមេឃ បុកផ្ទុះទៅលើមន្ទីរពេទ្យស្រុកមួយ បណ្តាលឱ្យជនស៊ីវិលចំនួន ៣៣ នាក់បាត់បង់ជីវិត ក្នុងនោះមានទាំងកុមារ និងអ្នកជំងឺដែលកំពុងទទួលការព្យាបាល។ តាមការរាយការណ៍ពីសារព័ត៌មាន Myanmar Now ការវាយប្រហារដ៏សាហាវនេះបានកើតឡើងនៅវេលាម៉ោង ៩ យប់ ថ្ងៃពុធ ទី១០ ខែធ្នូ ឆ្នាំ២០២៥ ដែលចំពេលដែលពិភពលោកប្រារព្ធទិវាសិទ្ធិមនុស្ស។…

រាជធានីសេអ៊ូល – ប្រធានាធិបតីកូរ៉េខាងត្បូង លោក Lee Jae-myung បានបញ្ជាឱ្យធ្វើការស៊ើបអង្កេតយ៉ាងតឹងរ៉ឹងលើទំនាក់ទំនងខុសច្បាប់រវាងក្រុមសាសនា និងអ្នកនយោបាយ ដោយមិនគិតពីភាពជាគណបក្សកាន់អំណាច ឬគណបក្សប្រឆាំង។ ការបញ្ជានេះបានមកបន្ទាប់ពីការកាត់ទោសលោកស្រី Han Hak-ja មេដឹកនាំក្រុមសាសនា Unification Church កាលពីសប្តាហ៍មុន ដែលត្រូវបានចោទប្រកាន់ពីបទរំលោភច្បាប់មូលនិធិនយោបាយ។ លោកស្រី Han…

អង្គការណាតូ និងរដ្ឋាភិបាលជប៉ុន បានសម្តែងការព្រួយបារម្ភយ៉ាងខ្លាំង បន្ទាប់ពីចិន និងរុស្ស៊ី បានធ្វើសមយុទ្ធល្បាតដែនអាកាសរួមគ្នានៅតំបន់អាស៊ីប៉ាស៊ីហ្វិក។ លោក Mark Rutte ប្រមុខអង្គការណាតូ និងលោក Shinjiro Koizumi រដ្ឋមន្ត្រីការពារជាតិជប៉ុន បានចែករំលែកការព្រួយបារម្ភរបស់ពួកគេក្នុងសន្និសីទវីដេអូនៅថ្ងៃទី១០ ធ្នូ ២០២៥ ដោយពិភាក្សាអំពីភាពតានតឹងសន្តិសុខកាន់តែកើនឡើងជាមួយរុស្ស៊ី និងចិននៅតំបន់អាស៊ី។ តាមការចុះផ្សាយរបស់ទីក្រុងតូក្យូ…

ភ្នំពេញ៖ នាយកដ្ឋានឧតុនិយមថៃបានចេញការព្រមានថា ខេត្តចំនួន៣០នៅប្រទេសថៃកំពុងត្រៀមខ្លួនទទួលព្យុះភ្លៀងធ្ងន់ធ្ងរដែលនឹងបន្តរហូតដល់ចុងសប្ដាហ៍នេះ។ តាមសេចក្ដីប្រកាសដែលផ្សាយនៅថ្ងៃព្រហស្បតិ៍ទី១១ធ្នូ ភាគខាងត្បូងនៃប្រទេសនឹងជាតំបន់ដែលរងគ្រោះខ្លាំងជាងគេ រួមទាំងទីក្រុងបាងកកដែលនឹងទទួលរងឥទ្ធិពលពីបាតុភូតនេះផងដែរ។ ប្រព័ន្ធសម្ពាធទាបដែលស្ថិតនៅពីលើសមុទ្រចិនខាងត្បូង កំពុងធ្វើដំណើរឆ្លងកាត់វៀតណាមចូលទៅក្នុងឈូងសមុទ្រថៃ រួមផ្សំជាមួយខ្យល់មូសុងឦសាន បង្កឱ្យមានព្យុះភ្លៀងធ្ងន់ធ្ងរ។ ក្នុងពេលជាមួយគ្នា ទីក្រុងបាងកកក៏កំពុងប្រឈមនឹងបញ្ហាខ្យល់ពុល PM2.5 ដែលឈានដល់កម្រិតគ្រោះថ្នាក់ដល់សុខភាព។ នៅម៉ោង៧ព្រឹកថ្ងៃពុធទី១០ធ្នូ តំបន់ចំនួន៥នៅបាងកកមានកម្រិតខ្យល់ពុលលើសស្តង់ដារ។ តំបន់ Nong Khaem មានកម្រិតខ្យល់ពុល…

កិច្ចព្រមព្រៀងសន្តិភាពចំនួនពីរដែលលោកប្រធានាធិបតី ដូណាល់ ត្រាំ បានលើកតម្កើងថាជាភស្តុតាងនៃភាពជោគជ័យនៃកិច្ចចរចាជាសកលរបស់លោក កំពុងប្រឈមនឹងហានិភ័យធ្ងន់ធ្ងរ។ ការប្រយុទ្ធគ្នាបានផ្ទុះឡើងវិញនៅភាគខាងកើតប្រទេសកុងហ្គោ និងតាមបណ្តោយព្រំដែនកម្ពុជា-ថៃ បណ្តាលឱ្យមានការព្រួយបារម្ភយ៉ាងខ្លាំង។ ត្រឹមតែប៉ុន្មានថ្ងៃបន្ទាប់ពីប្រទេសកុងហ្គោ និងរវ៉ាន់ដាបានចុះហត្ថលេខាលើកិច្ចព្រមព្រៀងគាំទ្រដោយអាមេរិកនៅទីក្រុងវ៉ាស៊ីនតោន ការប៉ះទង្គិចគ្នាដែលពាក់ព័ន្ធនឹងកងជីវពល M23 ដែលគាំទ្រដោយរវ៉ាន់ដា បានកើនឡើងយ៉ាងខ្លាំង។ ក្រុមទំនាក់ទំនងអន្តរជាតិសម្រាប់តំបន់ Great Lakes បានអំពាវនាវជាបន្ទាន់ឱ្យមានការអត់ធ្មត់ និងជំរុញឱ្យក្រុម M23…

ចក្រភពអង់គ្លេសបានប្រកាសជាលើកដំបូងអំពីការស្លាប់ទាហានរបស់ខ្លួននៅក្នុងប្រទេសអ៊ុយក្រែន ដែលជាការទទួលស្គាល់ផ្លូវការដំបូងអំពីវត្តមានកងទ័ពអង់គ្លេសនៅទីនោះ។ តាមការផ្សាយរបស់ BBC ក្រសួងការពារជាតិអង់គ្លេសបានបញ្ជាក់ពីការស្លាប់ទាហានឆ័ត្រយោងឈ្មោះ George Hooley អាយុ ២៨ឆ្នាំ ដែលបានស្លាប់ដោយសារឧបទ្ទវហេតុក្នុងអំឡុងពេលសាកល្បងប្រព័ន្ធការពារមីស៊ីលប្រភេទថ្មី។ នាយករដ្ឋមន្ត្រីអង់គ្លេស Keir Starmer បានអះអាងថា ទាហានរូបនេះមិនមែនបានស្លាប់នៅសមរភូមិទេ ប៉ុន្តែស្លាប់នៅឆ្ងាយពីជួរមុខ។ លោក Starmer បានថ្លែងក្នុងសភាថា៖ «ពលទាហាន…

មុនពេលប្រធានាធិបតីអាមេរិក ដូណាល់ ត្រាំ នឹងបើកកិច្ចសន្ទនាតាមទូរស័ព្ទជាមួយមេដឹកនាំកម្ពុជា និងថៃ អ្នកកាសែតនយោបាយថៃលោក Pravit Rojanaphruk បានចេញមុខព្រមាននាយករដ្ឋមន្ត្រីអានុទីន ឆាន់វីរៈគុល ថា ប្រទេសនឹងជួបបញ្ហាធំជាច្រើន បើមិនព្រមឈប់បាញ់។ លោក Pravit ស្តីបន្ទោសថា បើអានុទីន បដិសេធចរចាបទឈប់បាញ់ នោះពិភពលោកអាចចាត់ទុកប្រទេសថៃថាជា អ្នកឈ្លានពាន…

ភ្នំពេញ – នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានចូលរួមការសន្ទនាតាមទូរស័ព្ទជាមួយមេដឹកនាំកម្ពុជា និងថៃ កាលពីថ្ងៃទី១០ ខែធ្នូ ឆ្នាំ២០២៥ ដើម្បីពិភាក្សាអំពីស្ថានភាពតានតឹងនៅតាមព្រំដែនរួមគ្នា។ ក្នុងការបង្ហោះសារលើបណ្តាញសង្គមហ្វេសប៊ុក លោក អាន់វ៉ា បានចែករំលែករូបថតរួមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក…