ព័ត៌មានអន្ដរជាតិ

ព្រះរាជអាជ្ញាកូរ៉េខាងត្បូងបានស្នើសុំកាត់ទោសលោកស្រី Kim Keon Hee អតីតស្ត្រីទីមួយ ឲ្យជាប់ពន្ធនាគាររយៈពេល ១៥ឆ្នាំ និងពិន័យជាប្រាក់ចំនួន ២ ពាន់លានវ៉ុន (១.៣៦ លានដុល្លារ) ពីបទសូកប៉ាន់ និងបទចោទប្រកាន់ផ្សេងៗទៀត។ ករណីនេះកើតឡើងក្នុងអំឡុងពេលនៃការស៊ើបអង្កេតរយៈពេលមួយឆ្នាំ ទៅលើការដាក់ច្បាប់អាជ្ញាសឹករយៈពេលខ្លីរបស់អតីតប្រធានាធិបតីកូរ៉េខាងត្បូង Yoon Suk Yeol កាលពីឆ្នាំ…

មេដឹកនាំសហភាពអឺរ៉ុបមានការមិនទុកចិត្តយ៉ាងខ្លាំងចំពោះការប៉ុនប៉ងរបស់សហរដ្ឋអាមេរិកក្នុងការជួយបញ្ចប់ជម្លោះអ៊ុយក្រែន នេះបើយោងតាមការចុះផ្សាយរបស់ទស្សនាវដ្តី Der Spiegel នៅថ្ងៃព្រហស្បតិ៍។ ការចុះផ្សាយនេះបានដកស្រង់ការចម្លងនៃការហៅទូរស័ព្ទថ្មីៗរវាងមេដឹកនាំអឺរ៉ុប ដែលបង្ហាញពីការព្រួយបារម្ភយ៉ាងខ្លាំងចំពោះផែនការសន្តិភាពរបស់អាមេរិក។ អធិការបតីអាល្លឺម៉ង់ Friedrich Merz និងប្រធានាធិបតីបារាំង Emmanuel Macron បានធ្វើការហៅទូរស័ព្ទជាមួយប្រធានាធិបតីអ៊ុយក្រែន Volodymyr Zelenskyy និងមេដឹកនាំអឺរ៉ុបជាច្រើនរូបទៀត រួមទាំងប្រធានាធិបតីហ្វាំងឡង់ Alexander Stubb…

កោះតៃវ៉ាន់ និងប្រទេសជប៉ុនបានចុះហត្ថលេខាលើកិច្ចព្រមព្រៀងពាណិជ្ជកម្មឌីជីថលថ្មី និងកិច្ចព្រមព្រៀងសហប្រតិបត្តិការគយ នៅថ្ងៃព្រហស្បតិ៍ទី៤ ខែធ្នូ ឆ្នាំ២០២៥។ កិច្ចព្រមព្រៀងនេះបង្ហាញពីការតម្រឹមគ្នាកាន់តែខ្លាំងឡើងរវាងតៃវ៉ាន់ និងជប៉ុន ក្នុងពេលដែលមានភាពតានតឹងយ៉ាងខ្លាំងក្លាជាមួយចិន។ យោងតាម Nikkei Asia កិច្ចព្រមព្រៀងទាំងពីរនេះត្រូវបានបញ្ចប់នៅក្នុងសន្និសីទពាណិជ្ជកម្ម និងសេដ្ឋកិច្ចតៃវ៉ាន់-ជប៉ុនលើកទី៤៩ នៅទីក្រុងតៃប៉ិ។ កិច្ចព្រមព្រៀងពាណិជ្ជកម្មឌីជីថលដែលបានធ្វើបច្ចុប្បន្នភាពនេះ ពង្រីកលើកិច្ចព្រមព្រៀងឆ្នាំ២០១៣ និងនាំយកក្របខ័ណ្ឌនេះឲ្យស្របតាមស្តង់ដារអន្តរជាតិបច្ចុប្បន្ន។ កិច្ចព្រមព្រៀងនេះរួមបញ្ចូលបទប្បញ្ញត្តិស្តីពីការបញ្ជូនតាមអេឡិចត្រូនិកឆ្លងដែនដោយមិនយកពន្ធគយ, លំហូរទិន្នន័យគ្មានការរឹតត្បិត,…

ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ កំពុងដេកនៅកន្លែងផ្សេងគ្នារៀងរាល់យប់ និងប្តូរទូរសព្ទចល័តញឹកញាប់ ដោយសារការភ័យខ្លាចការវាយប្រហារពីសហរដ្ឋអាមេរិក។ នេះបើយោងតាមកាសែត New York Times ដោយដកស្រង់ប្រភពជិតស្និទ្ធនឹងរដ្ឋាភិបាលរបស់លោក។ របាយការណ៍ដែលត្រូវយកចុះផ្សាយបន្តដោយ Independent នាថ្ងៃទី៤ ខែធ្នូ ឆ្នាំ២០២៥ បានបង្ហើបថា មេដឹកនាំវ័យ៦៣ឆ្នាំបានពង្រីកក្រុមសន្តិសុខ និងបង្កើនចំនួនមន្ត្រីប្រឆាំងការស៊ើបការណ៍សម្ងាត់បរទេសបន្ថែមទៀត។…

សមាជិកសភាតំណាងរាស្រ្តខេត្តអយុធ្យា លោក Tawiwong Totawiwong បានរិះគន់រដ្ឋាភិបាលថៃយ៉ាងខ្លាំង ដោយចោទប្រកាន់ថា មានការអនុវត្តស្តង់ដារពីរយ៉ាងក្នុងការផ្ដល់ជំនួយសង្គ្រោះដល់ជនរងគ្រោះទឹកជំនន់។ លោកបានលើកឡើងថា ខេត្តនានានៅតំបន់ភាគកណ្តាលដែលរងការលិចលង់អស់រយៈពេលជាច្រើនខែ មិនទទួលបានជំនួយស្មើគ្នាទៅនឹងប្រជាជនរងគ្រោះនៅខេត្តភាគខាងត្បូងនោះទេ។ លោកអះអាងថា ខេត្តភាគខាងត្បូងបានចូលដល់ដំណាក់កាលស្តារឡើងវិញរួចទៅហើយ ខណៈសហគមន៍ជាច្រើននៅខេត្តអយុធ្យានៅតែបន្តលិចទឹកអស់រយៈពេល ៤-៥ ខែ ហើយមានមនុស្សស្លាប់រហូតដល់ ២០ នាក់។ ប្រជាពលរដ្ឋនៅភាគកណ្ដាលនៅតែបន្តប្រឈមមុខនឹងការលំបាកផ្សេងៗរយៈពេលយូរ រួមទាំងការរំខានដល់ជីវិតរស់នៅ…

ប្រទេសថៃកំពុងប្រឈមមុខនឹងគ្រោះធម្មជាតិពីរយ៉ាងក្នុងពេលតែមួយ។ ភាគខាងត្បូងជួបព្យុះភ្លៀងខ្លាំងក្លា ចំណែកឯភាគខាងជើងនិងកណ្តាលត្រូវខ្យល់ពុលគ្របដណ្តប់។ យោងតាមនាយកដ្ឋានឧតុនិយមថៃ កាលពីថ្ងៃព្រហស្បតិ៍ទី៤ ខែធ្នូ ឆ្នាំ២០២៥ បានឲ្យដឹងថា ខេត្ត៧នៅភាគខាងត្បូងដែលទើបតែធូរស្រាលពីគ្រោះទឹកជំនន់ នឹងត្រូវជួបព្យុះភ្លៀងដ៏ខ្លាំងបន្ថែមទៀតដល់ចុងសប្តាហ៍នេះ។ ខេត្តទាំង៧នោះរួមមាន៖ Prachuap Khiri Khan, Pattani, Chumphon, Surat Thani, Phatthalung, Songkhla…

របាយការណ៍ថ្មីបង្ហាញថា ការនាំចេញទុរេនរបស់វៀតណាមបានកើនឡើងគួរឱ្យកត់សម្គាល់ ដល់ ៣,៣ ប៊ីលានដុល្លារ ក្នុងរយៈពេល ១០ ខែដំបូងនៃឆ្នាំ២០២៤ ទោះបីជាប្រឈមមុខនឹងការត្រួតពិនិត្យរកសារធាតុគីមីដ៏តឹងតែងពីចិនក៏ដោយ។ យោងតាមទិន្នន័យពីគយវៀតណាម ការនាំចេញទុរេនក្នុងរយៈពេលខែមករា-តុលា បានកើនឡើង ១០,៤% បើធៀបនឹងរយៈពេលដូចគ្នាកាលពីឆ្នាំមុន។ នេះជាកំណត់ត្រាថ្មីមួយ ដែលធ្វើឱ្យទុរេនក្លាយជាផលិតផលកសិកម្មដែលរួមចំណែកច្រើនជាងគេក្នុងការនាំចេញទំនិញកសិកម្ម។ លោក Dang Phuc Nguyen…

រដ្ឋមន្ត្រីសន្តិសុខមាតុភូមិអាមេរិក លោកស្រី Kristi Noem បានបញ្ជាក់ថា សហរដ្ឋអាមេរិកនឹងពង្រីកការហាមឃាត់ធ្វើដំណើរទៅកាន់ប្រទេសជាង ៣០ ប្រទេស ក្រោមរដ្ឋបាលប្រធានាធិបតី ដូណាល់ ត្រាំ។ ការសម្រេចចិត្តនេះមកបន្ទាប់ពីការបាញ់ប្រហារនៅទីក្រុងវ៉ាស៊ីនតោន ដែលជនសង្ស័យជាពលរដ្ឋអាហ្វហ្គានីស្ថានដែលចូលអាមេរិកក្រោមកម្មវិធីតាំងទីលំនៅថ្មី។ ករណីនេះបានជំរុញឱ្យរដ្ឋបាលត្រាំពង្រឹងសន្តិសុខព្រំដែន។ នៅក្នុងបទសម្ភាសន៍ជាមួយ Fox News លោកស្រី Noem បាននិយាយថា៖…

ពិធីបើកកីឡាស៊ីហ្គេមលើកទី៣៣ (SEA Games) របស់ប្រទេសថៃ នឹងមិនមានភាពអស្ចារ្យដូចកម្ពុជាកាលពីឆ្នាំមុន។ នេះជាការទទួលស្គាល់ពីមន្ត្រីកីឡាជាន់ខ្ពស់ថៃ ដោយសារតែថវិកាមានកម្រិតតិចជាងឆ្ងាយ។ លោក Gongsak Yodmanee ប្រធានអាជ្ញាធរកីឡាថៃ (SAT) បានបញ្ជាក់កាលពីថ្ងៃទី៥ ខែធ្នូ ឆ្នាំ២០២៥ ថា៖ «ពិធីបើកប្រហែលជាមិនអស្ចារ្យខ្លាំងទេ ប៉ុន្តែវានឹងមានលក្ខណៈប្រណីត និងសក្តិសម»។ ថវិការបស់ថៃសម្រាប់ស៊ីហ្គេមលើកនេះមានត្រឹមតែជាង២ពាន់លានបាតប៉ុណ្ណោះ…

ទីក្រុងភ្នំពេញ – ប្រធានាធិបតីអាមេរិក ដូណាល់ ត្រាំ បានបង្ហាញថា ប្រធានាធិបតីរុស្ស៊ី វ្ល៉ាឌីមៀរ ពូទីន ពិតជាចង់បញ្ចប់សង្គ្រាមនៅអ៊ុយក្រែន និងចង់មានកិច្ចព្រមព្រៀងសន្តិភាព។ ការបញ្ជាក់នេះមកបន្ទាប់ពីបេសកជនអាមេរិក Steve Witkoff និង Jared Kushner បានជួបចរចាជាមួយលោកពូទីននៅទីក្រុងមូស្គូអស់រយៈពេល៥ម៉ោងកាលពីថ្ងៃអង្គារទី២ខែធ្នូឆ្នាំ២០២៥។ ទោះជាយ៉ាងណា ជំនួបនេះបានបញ្ចប់ទៅដោយគ្មានផលវិជ្ជមានណាមួយលើផែនការសន្តិភាពអ៊ុយក្រែន។…