ធ្លាក់យន្តហោះនៅរដ្ឋ Tennessee អាមេរិក៖ អ្នកដំណើរជាច្រើនរបួសធ្ងន់ធ្ងរ តែគ្មានអ្នកបាត់បង់ជីវិត។
អាមេរិក៖ យន្តហោះដឹកអ្នកដំណើរខ្នាតតូចមួយគ្រឿងបានធ្លាក់នៅក្នុងទីក្រុង Tullahoma នៃរដ្ឋ Tennessee ភាគខាងត្បូងសហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី៩ ខែមិថុនា។ យ៉ាងណាក្តី ហេតុការណ៍គ្រោះថ្នាក់នេះមិនបានបណ្តាលឱ្យមានអ្នកស្លាប់បាត់បង់ជីវិតនោះទេ។ បើទោះជាគ្មានអ្នកស្លាប់បាត់បង់ជីវិតក៏ពិតមែន តែមានអ្នកដំណើរមួយចំនួនបានរងរបួសធ្ងន់ធ្ងរនិងត្រូវបញ្ជូនទៅសង្គ្រោះបន្ទាន់នៅក្នុងមន្ទីរពេទ្យ។ ប្រភពខាងលើបានបន្តថា ក្នុងពេលកើតហេតុនោះ យន្តហោះដែលកំពុងធ្វើការហោះហើរជាលក្ខណៈកម្សាន្តមួយគ្រឿងនេះមានផ្ទុកមនុស្សសរុបចំនួន ២០នាក់ ដោយក្នុងនោះ ២នាក់ជាអ្នកបើកបរយន្តហោះ។…
