បំណុលកម្ពុជា ឆ្នាំ២០២៥៖ តើស្ថានភាពបំណុលសាធារណៈស្ថិតនៅកម្រិតណា?
ក្រសួងសេដ្ឋកិច្ច និងហិរញ្ញវត្ថុបានអះអាងថា កម្ពុជាបានខ្ចីគេបន្ថែម ដើម្បីយកមកអភិវឌ្ឍន៍ប្រទេសត្រឹមតែប្រមាណជាជិត៧៩លានដុល្លារប៉ុណ្ណោះ នៅត្រីមាសទី១ ដើមឆ្នាំ២០២៥កន្លងទៅនេះ ។ ព្រឹត្តិបត្រស្ថិតិបំណុលសាធារណៈកម្ពុជា ដែលបានចេញផ្សាយ កាលពីចុងខែឧសភា ឆ្នាំ២០២៥បានបង្ហាញថា នៅត្រីមាសទី១ ដើមឆ្នាំនេះ រដ្ឋាភិបាលកម្ពុជាជំពាក់បំណុលសរុបទំហំ១២,១៨ ពាន់លានដុល្លារ ។ ប្រភពដដែលបានអះអាងថា ពីខែមករាដល់ខែមីនា ឆ្នាំ២០២៥ កម្ពុជាបានចុះកិច្ចព្រមព្រៀងឥណទានថ្មីត្រឹមតែជិត៧៩លានដុល្លារ…
