រដ្ឋការលោកត្រាំហាមទទួលនិស្សិតបរទេសនៅសាកលវិទ្យាល័យហាវ៉ឺត
សហរដ្ឋអាមេរិក ៖ សង្គ្រាមបើកចំហររវាងបណ្ដាសាកលវិទ្យាល័យល្បីៗអាមេរិកនៅបន្តទៀត ដោយរដ្ឋាភិបាលលោកដូណាល់ត្រាំ បានហាមឃាត់សាកលវិទ្យាល័យល្បីហាវ៉ឺតមិនឲ្យទទួលនិស្សិតបរទេស ចាប់ពីឆ្នាំសិក្សា ២០២៥-២០២៦ទៅ។ សេចក្ដីសម្រេចនោះត្រូវបានរដ្ឋមន្ត្រីសន្តិសុខផ្ទៃក្នុងលោកKRISTI NOEMប្រកាសជាផ្លូវការកាលពីថ្ងៃទី២២ឧសភា។ ក្នុងសារលិខិតមួយច្បាប់ផ្ញើដល់ សាកលវិទ្យាល័យនោះ រដ្ឋមន្ត្រីរូបនេះប្រកាសពីការដកហូតអាជ្ញាប័ណ្ណSEVIS ដែលរារាំងសាកលវិទ្យាល័យហាវ៉ឺតមិនអាចទទួលបណ្ដានិស្សិតបរទេសដែលមានទិដ្ឋាការFឬ 1 ។ អាជ្ញាប័ណ្ណកម្មវិធីSEVIS របស់សាកលវិទ្យាល័យនោះត្រូវដកដែលមានជាធរមានភ្លាមៗ។ សាកលវីទ្យាល័យល្បីនោះក្នុងឆ្នាំនេះ ទទួលនិស្សិតអន្តរជាតិប្រមាណជា៦៧០០នាក់ត្រូវជា២៧%នៃចំនួននិស្សិតទាំងអស់របស់គ្រឹះស្ថានឧត្ដមសិក្សានេះ។ ក្នុងសាររបស់ខ្លួនរដ្ឋមន្ត្រីសន្តិសុខផ្ទៃក្នុងបានលើកហេតុផលនៃចំណាច់ការនោះថា…
