ដំណឹងល្អ! ទំនប់អាងទឹកសួង៧៨ ត្រូវបានជួសជុល និងស្ដារឡើងវិញ ត្រៀមបម្រើវិស័យកសិកម្ម និងជីវភាពប្រជាពលរដ្ឋរាប់ពាន់គ្រួសារនៅស្រុកជីក្រែង!
ខេត្តសៀមរាប ៖ ទំនប់អាងទឹកសួង៧៨ ដែលមានទីតាំងក្នុងឃុំស្ពានត្នោត ស្រុកជីក្រែង ខេត្តសៀមរាប ត្រូវបានកសាងឡើងតាំងពីសម័យប៉ុលពតម្ល៉េះ។ ទំនប់នេះមានតួនាទីយ៉ាងសំខាន់ក្នុងការស្ទាក់ទឹកពីស្ទឹងជីក្រែង និងផ្ទៃរងទឹកភ្លៀង ដើម្បីផ្គត់ផ្គង់ដល់ការស្រោចស្រពលើផ្ទៃដីកសិកម្ម ដំណាំរួមផ្សំ និងសម្រាប់បំពេញតម្រូវការប្រើប្រាស់ប្រចាំថ្ងៃរបស់ប្រជាពលរដ្ឋក្នុងមូលដ្ឋាន។ ទោះជាយ៉ាងណា ក្នុងរយៈពេលកន្លងមក តួទំនប់អាងទឹកសួង៧៨ បានរងការខូចខាតយ៉ាងដំណំដោយសារជំនន់ទឹកភ្លៀងនារដូវវស្សា បណ្តាលឱ្យមានការហូរច្រោះដាច់ និងទ្រុឌទ្រោមស្ទើរទាំងស្រុង។ សំណង់សិល្បការ្យនានាដែលបំពាក់លើទំនប់ ក៏មិនអាចគ្រប់គ្រង…
