ជីវិត និងសង្គម

រាជធានីភ្នំពេញ៖ ឧប្បត្តិហេតុចរាចរណ៍ធ្ងន់ធ្ងរបានកើតឡើងកាលពីវេលាម៉ោង៦ព្រឹក ថ្ងៃទី៣០ ខែវិច្ឆិកា ឆ្នាំ២០២៥ នៅតាមផ្លូវ៥០ម៉ែត្រ ត្រង់ចំណុចមុខបុរីប៉េង ហួត ស្ថិតនៅក្នុងសង្កាត់ជើងឯក ខណ្ឌដង្កោ។ រថយន្តម៉ាក Toyota Alphard ខណៈកំពុងបើកបរឆ្លងផ្លូវ ស្រាប់តែមានរថយន្តម៉ាក Toyota Camary បោះពួយក្នុងល្បឿនលឿនទៅដល់ជ្រុលទៅបុកចំទទឹងខ្លួនពេញទំហឹង។ រថយន្តទាំងពីរគ្រឿងរងការខូចខាតយ៉ាងដំណំ ដោយរថយន្ត…

ប្រទេសចិន៖ ចំនួនបេក្ខជនចូលរួមប្រឡងជ្រើសរើសមន្ត្រីរាជការស៊ីវិលក្នុងប្រទេសចិនបានកើនឡើងដល់កម្រិតខ្ពស់បំផុតមិនធ្លាប់មានពីមុន ដោយមានបេក្ខជនប្រហែល៣,៧លាននាក់ចុះឈ្មោះចូលរួមការប្រឡងនៅថ្ងៃទី២៩និងថ្ងៃទី៣០ខែវិច្ឆិកា ឆ្នាំ២០២៥។ ការប្រឡងមន្ត្រីរាជការនៅឆ្នាំនេះជាការប្រឡងលើកដំបូងដែលធ្វើឡើងបន្ទាប់ពីរដ្ឋាភិបាលចិនបានដំឡើងអាយុសម្រាប់បេក្ខជនផងដែរ។ អាយុសម្រាប់បេក្ខជនទាំងអស់បានដំឡើងពី៣៥ដល់៣៨ឆ្នាំ។ ចំណែកបេក្ខជនមានសញ្ញាបត្រថ្នាក់បរិញ្ញាបត្រជាន់ខ្ពស់ អាយុត្រូវបានដំឡើងដល់៤៣ឆ្នាំ។ បេក្ខជនរាប់លាននាក់ត្រូវប្រកួតប្រជែងនៅក្នុងការប្រឡងដ៏ពិបាក ខណៈដែលរដ្ឋាភិបាលចិនបានផ្តល់កូតាជ្រើសរើសមន្ត្រីរាជការត្រឹមតែ៣៨,១០០នាក់ប៉ុណ្ណោះនៅទូទាំងប្រទេស។ ដូច្នេះជាមធ្យម បេក្ខជន៩៧នាក់នឹងត្រូវប្រកួតប្រជែងសម្រាប់មុខតំណែងការងារនីមួយៗ។ តាមទិន្នន័យដែលបានចេញផ្សាយដោយប្រព័ន្ធផ្សព្វផ្សាយចិន មុខតំណែងដែលបេក្ខជនចង់បានបំផុតគឺមន្ត្រីអន្តោប្រវេសន៍នៅទីក្រុងរួយលីនៅភាគខាងលិចខេត្តយូណាន។ តំណែងនេះត្រូវការមន្ត្រីតែម្នាក់ប៉ុណ្ណោះ ប៉ុន្តែបេក្ខជនដាក់ពាក្យមានរហូតដល់៦,៤៧០នាក់។ ការកើនចំនួនបេក្ខជនប្រឡងមន្ត្រីរាជការក្នុងប្រទេសចិននេះឆ្លុះបញ្ចាំងពីការគិតថ្មីរបស់កម្មករចិនដែលស្វែងរកការងាររដ្ឋដោយសង្ឃឹមថានឹងមានស្ថិរភាព។

ខេត្តសៀមរាប – កងកម្លាំងនគរបាលខេត្តសៀមរាប បានបង្ហាញពីទឹកចិត្តមនុស្សធម៌ តាមរយៈសកម្មភាពចុះជួយប្រមូលផលស្រូវជូនគ្រួសារដែលមានជីវភាពខ្វះខាតនៅក្នុងសង្កាត់គោកចក។ នៅព្រឹកថ្ងៃទី២៩ ខែវិច្ឆិកា ឆ្នាំ២០២៥ កម្លាំងប៉ុស្តិ៍នគរបាលរដ្ឋបាលគោកចក បានចុះជួយច្រូតស្រូវជូនប្រជាពលរដ្ឋដែលមានជីវភាពខ្វះខាត លើផ្ទៃដីប្រមាណជា២ហិកតា នៅភូមិគោកបេង។ សកម្មភាពនេះឆ្លុះបញ្ចាំងពីភាពស្និទ្ធស្នាលរវាងនគរបាលនិងប្រជាជន ដែលជាគំរូល្អសម្រាប់កងកម្លាំងប្រដាប់អាវុធក្នុងការបម្រើប្រជាពលរដ្ឋដោយស្មោះត្រង់។

ទីក្រុងបាងកក៖ មេដឹកនាំថៃបានទទួលស្គាល់ពីបរាជ័យរបស់ខ្លួនក្នុងការគ្រប់គ្រងបញ្ហាគ្រោះទឹកជំនន់ដែលវាយប្រហារខេត្តភាគខាងត្បូង បណ្តាលឱ្យមនុស្សស្លាប់យ៉ាងរង្គាល។ រហូតមកដល់ពេលនេះ ចំនួនអ្នកស្លាប់នៅប្រទេសថៃកើនឡើងដល់ ១៦២ នាក់។ ផ្ទះជាង ១,៤ លានខ្នង និងប្រជាជន ៣,៨ លាននាក់រងគ្រោះដោយទឹកជំនន់ដែលហក់ឡើងយ៉ាងគំហុកក្រោយការធ្លាក់ភ្លៀងខ្លាំងនៅក្នុងខេត្តចំនួន ១២។ ខេត្តសុងខ្លាមានអ្នកស្លាប់ច្រើនជាងគេរហូតដល់ ១២៦ នាក់។ ដោយសារទឹកជំនន់ក៏ធំ មនុស្សក៏ស្លាប់ច្រើនធ្វើឱ្យមហាជនថៃផ្ទុះកំហឹង និងរិះគន់រដ្ឋាភិបាលយ៉ាងខ្លាំង។…

ទីក្រុងស្តុកតុន៖ មានហេតុការណ៍បាញ់ប្រហារដ៏សាហាវមួយកើតឡើងនៅទីក្រុងស្តុកតុន រដ្ឋកាលីហ្វ័រញ៉ា ប្រទេសអាមេរិក បណ្ដាលឱ្យមនុស្សយ៉ាងតិច៤នាក់ស្លាប់។ អ្នកដែលរងការបាញ់ប្រហារមានចំនួនសរុប១៤នាក់។ នៅពេលនោះមានកម្មវិធីជួបជុំគ្នាជាមហាគ្រួសារតែមួយ។ ហេតុការណ៍នេះកើតឡើងនៅឯពិធីខួបកំណើតដែលគេរៀបចំដើម្បីរំលឹកខួបរបស់កុមារតូចម្នាក់។ នេះបើយោងតាមការអះអាងរបស់ចៅហ្វាយក្រុងរងទីក្រុងស្តុកតុន លោកចេសុនលី (Jason Lee) នៅលើទំព័រហ្វេសប៊ុក។ អភិបាលរងរូបនេះថ្លែងបន្តទៀតថាលោកកំពុងតែភ្ជាប់ទំនាក់ទំនងទៅបុគ្គលិក និងមន្ត្រីការពារសុវត្ថិភាពសាធារណៈដើម្បីសិក្សាស្វែងយល់ថាតើមានអ្វីកើតឡើង។ នគរបាលប្រាប់ថាមុនម៉ោង៦ល្ងាច ពួកគេទទួលការហៅទូរស័ព្ទថាមានករណីបាញ់ប្រហារ។ អធិការនគរបាលប្រចាំតំបន់កើតហេតុបង្ហោះសារនៅលើបណ្ដាញអ៊ិចថា «យើងអាចបញ្ជាក់បានថាមនុស្សប្រហែល១៤នាក់រងការបាញ់ប្រហារដោយគ្រាប់កាំភ្លើង។ ក្នុងនោះ…

ខេត្តស្វាយរៀង៖ ដើម្បីធានាបាននូវប្រសិទ្ធភាពនៃការគ្រប់គ្រង និងការកែប្រែឥរិយាបថរបស់ជនជាប់ឃុំ ពន្ធនាគារខេត្តស្វាយរៀងបានរៀបចំកម្មវិធីអប់រំផ្សព្វផ្សាយប្រចាំសប្តាហ៍ជូនដល់បងប្អូនជនជាប់ឃុំដោយផ្ទាល់ដល់តាមបន្ទប់។ ក្រោមការដឹកនាំរបស់លោកឧត្តមអគ្គានុរក្សថ្នាក់លេខ៣ គង់ សំអាត ប្រធានពន្ធនាគារខេត្តស្វាយរៀង ការិយាល័យអប់រំកែប្រែ និងស្ដារនីតិសម្បទាបានសហការជាមួយការិយាល័យប្រតិបត្តិ ប្រជុំអប់រំជនជាប់ឃុំប្រចាំសប្តាហ៍ដល់ជនជាប់ឃុំតាមបន្ទប់នីមួយៗ។ កម្មវិធីនេះមានការចូលរួមពីមន្ត្រីជំនាញ និងជនជាប់ឃុំនៅអាគារE បន្ទប់E2 ចំនួន៦៣នាក់ ជាបុរស។ ការអប់រំណែនាំរួមមានខ្លឹមសារដូចជា៖ បទបញ្ជាផ្ទៃក្នុងរបស់ជនជាប់ឃុំ សីលធម៌រស់នៅ បញ្ហាផលប៉ះពាល់នៃគ្រឿងញៀន…

ភ្នំពេញ៖ លោក ហេង រតនា អគ្គនាយកស៊ីម៉ាក់ បានប្រកាសថា ករណីជនជាតិចិនម្នាក់រងរបួសដាច់ជើងម្ខាងដោយផ្ទុះមីន នៅថ្ងៃទី២៩ ខែវិច្ឆិកា ឆ្នាំ២០២៥ នៅតំបន់ចម្ការមីនកម្ពុជា គឺជាចម្ការមីនចាស់សំណល់សង្គ្រាម។ លោកបញ្ជាក់ថា តំបន់នេះមានភស្តុតាងច្បាស់លាស់ រួមមានប្រភេទគ្រាប់មីន ទំនប់ជីក លេណដ្ឋានកងទ័ព របងបន្លាលួសចាស់ និងជាព្រៃក្រាស់។ ការដាក់គ្រាប់មីនបានកើតឡើងតាំងពីទសវត្សរ៍១៩៨០…

ខេត្តបន្ទាយមានជ័យ៖ មន្ទីរធម្មការ និងសាសនាខេត្តបន្ទាយមានជ័យ បានរៀបចំពិធីប្រកាសទទួលស្គាល់សមាសភាពអាចារ្យខ្មែរខេត្ត ក្រុង-ស្រុក ដើម្បីចូលរួមលើកកម្ពស់ និងពង្រឹងវិស័យធម្មការ និងសាសនាឱ្យកាន់តែប្រសើរ។ ពិធីនេះប្រារព្ធធ្វើឡើងក្រោមអធិបតីភាពឯកឧត្ដម ប្លែក វ៉ារី ប្រធានក្រុមប្រឹក្សាខេត្ត និងឯកឧត្ដម អ៊ុំ រាត្រី អភិបាលខេត្ត ព្រមទាំងមានការនិមន្តចូលរួមពីថ្នាក់ដឹកនាំព្រះមន្ត្រីសង្ឃទាំង២គណៈ អាចារ្យ អាចារិនីប្រមាណ២៥០នាក់ ធ្វើឡើងនៅសាលប្រជុំសាលាខេត្តបន្ទាយមានជ័យ…

ខេត្តកំពង់ស្ពឺ៖ លោក ជាម ចន្ទ័សោភ័ណ អភិបាលខេត្តកំពង់ស្ពឺ បានជម្រុញមន្ត្រីពាក់ព័ន្ធនិងអាជ្ញាធរក្រុងស្រុកទាំង៩ ឱ្យបង្កើនការយកចិត្តទុកដាក់ឱ្យបានខ្ពស់ ដើម្បីឆ្លើយតបប្រកបដោយប្រសិទ្ធភាពរាល់សំណើ សំណូមពរ និងតម្រូវការរបស់ប្រជាពលរដ្ឋក្នុងមូលដ្ឋាន។ ការជម្រុញនេះធ្វើឡើងក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តកំពង់ស្ពឺ ក្នុងក្រុងច្បារមន ខេត្តកំពង់ស្ពឺ ក្រោមវត្តមានលោក យឹម សុខុម ប្រធានក្រុមប្រឹក្សាខេត្ត ថ្ងៃទី២៧ ខែវិច្ឆិកា ឆ្នាំ២០២៥។…

ខេត្តកំពង់ស្ពឺ៖ កម្លាំងកងរាជអាវុធហត្ថស្រុកបសេដ្ឋ និងខេត្តតាកែវ បានធ្វើការសហការចុះឆែកឆេរផ្ទះជនសង្ស័យម្នាក់ នៅភូមិត្មាតលេង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។ ការប្រតិបត្តិការនេះធ្វើឡើងនៅម៉ោង ៦:៥០ ព្រឹក ថ្ងៃទី២៩ ខែវិច្ឆិកា ឆ្នាំ២០២៥ ដោយមានការអនុញ្ញាតពីព្រះរាជអាជ្ញាអមសាលាដំបូងខេត្តកំពង់ស្ពឺ និងខេត្តតាកែវ។ ក្រោយពេលធ្វើការឆែកឆេរ កម្លាំងជំនាញបានដកហូតវត្ថុតាងដ៏សំខាន់ៗ រួមមាន៖ រថយន្តស៊េរីទំនើបចំនួន០២គ្រឿង…