ព័ត៌មានអន្ដរជាតិ

លោកប្រធានាធិបតី ដូណាល់ ត្រាំ បានធ្វើឲ្យពិភពលោកចាប់អារម្មណ៍យ៉ាងខ្លាំង កាលពីថ្ងៃអង្គារទី២៤ ខែមីនា ដោយលោកបានបង្ហាញថា អ៊ីរ៉ង់បានផ្ដល់«កាដូដ៏ធំបំផុត»មួយដែលទាក់ទងនឹងវិស័យប្រេង ឧស្ម័ន និងច្រកសមុទ្រ Hormuz។ លោកត្រាំបានបង្ហាញក្ដីសង្ឃឹមយ៉ាងខ្លាំងលើការចរចា ដើម្បីបញ្ចប់សង្គ្រាមដែលបានអូសបន្លាយពេល៤សប្តាហ៍មកនេះ។ លោកអះអាងថា វ៉ាស៊ីនតោនកំពុងដើរលើផ្លូវត្រូវ និងបានជួបចរចាជាមួយ«មនុស្សត្រូវ» ទោះបីជាទីក្រុងតេហេរ៉ង់បដិសេធថាមិនបានចូលរួមក៏ដោយ។ សញ្ញាវិជ្ជមាននេះបានកើតឡើងបន្ទាប់ពីលោកត្រាំសម្រេចផ្អាកការវាយប្រហារលើហេដ្ឋារចនាសម្ព័ន្ធថាមពលអ៊ីរ៉ង់។ លោកបញ្ជាក់ថា កាដូនេះមិនមែនជារឿងអាវុធនុយក្លេអ៊ែរទេ…

ហ្វីលីពីនកំពុងចរចាយ៉ាងសកម្មជាមួយសហរដ្ឋអាមេរិក ដើម្បីទទួលបានការលើកលែងពីទណ្ឌកម្ម សម្រាប់ការទិញប្រេងឥន្ធនៈពីប្រទេសដែលជាប់ទណ្ឌកម្មរបស់អាមេរិក។ ដំណើរការនេះកើតឡើងនៅពេលដែលហានិភ័យនៃវិបត្តិថាមពលក្នុងស្រុកកំពុងកើនឡើងដោយសារជម្លោះនៅមជ្ឈិមបូព៌ា។ លោក Jose Manuel Romualdez ឯកអគ្គរដ្ឋទូតហ្វីលីពីនប្រចាំសហរដ្ឋអាមេរិក បានប្រាប់ទីភ្នាក់ងារសារព័ត៌មានរ៉យទ័រថា៖ «យើងកំពុងធ្វើការជាមួយក្រសួងការបរទេសអាមេរិក ដើម្បីទទួលបានការលើកលែងសម្រាប់ការទិញប្រេងពីប្រទេសរងទទួលទណ្ឌកម្មរបស់សហរដ្ឋអាមេរិក»។ ការចរចានេះធ្វើឡើងក្រោយពីហ្វីលីពីនបានប្រកាសអាសន្នថាមពលជាតិកាលពីថ្ងៃអង្គារ (២៤ មីនា) ដើម្បីដោះស្រាយផលវិបាកពីសង្គ្រាមមជ្ឈិមបូព៌ា រួមទាំងការខាន និងកង្វះផ្នែកផ្គត់ផ្គង់។ នៅពេលសួរថាតើប្រេងរបស់វេណេស៊ុយអេឡា និងអ៊ីរ៉ង់ជាផ្នែកមួយនៃការពិភាក្សាដែរឬទេ…

ហ្សឺណែវ – ប្រទេសនៅតំបន់ឈូងសមុទ្រពែរ្សបានចេញមុខទាមទារសំណងពេញលេញពីអ៊ីរ៉ង់ បន្ទាប់ពីការវាយប្រហាររបស់ទីក្រុងតេហេរ៉ង់ដែលពួកគេចាត់ទុកថាជាការរំលោភបំពានយ៉ាងធ្ងន់ធ្ងរលើអធិបតេយ្យភាព។ ក្នុងកិច្ចប្រជុំបន្ទាន់នៃក្រុមប្រឹក្សាសិទ្ធិមនុស្សអង្គការសហប្រជាជាតិ (UN) នៅទីក្រុងហ្សឺណែវ លោក Abdulmohsen Majed bin Khothaila តំណាងអារ៉ាប៊ីសាអូឌីតបានថ្កោលទោសយ៉ាងខ្លាំងចំពោះសកម្មភាពរបស់អ៊ីរ៉ង់។ «រដ្ឋជាសមាជិកក្រុមប្រឹក្សាសហប្រតិបត្តិការឈូងសមុទ្រ (GCC) កំពុងរងការវាយប្រហារ ទោះបីជាមិនពាក់ព័ន្ធនឹងជម្លោះក៏ដោយ» លោកបានអះអាងក្នុងសម័យប្រជុំ។ លោកបន្តថា៖ «ការវាយប្រហាររបស់អ៊ីរ៉ង់បានរំលោភលើធម្មនុញ្ញអង្គការសហប្រជាជាតិ…

ប្រធានាធិបតីអាមេរិក ដូណាល់ ត្រាំ បានអះអាងថា អ៊ីរ៉ង់បានយល់ព្រមបោះបង់កម្មវិធីអាវុធនុយក្លេអ៊ែររបស់ខ្លួន ប៉ុន្តែភាគីអ៊ីរ៉ង់បានបដិសេធយ៉ាងខ្លាំង។ លោកត្រាំបានប្រាប់អ្នកកាសែតនៅសេតវិមានថា៖ «ពួកគេឯកភាពហើយ។ ពួកគេនឹងមិនមានអាវុធនុយក្លេអ៊ែរទេ។ ពួកគេព្រមព្រៀងលើរឿងហ្នឹងហើយ»។ ទោះជាយ៉ាងណា អ៊ីរ៉ង់បានចេញមុខបដិសេធភ្លាមៗ ដោយអះអាងថានេះគ្រាន់តែជាព័ត៌មានក្លែងក្លាយ និងថាពួកគេមិនបានចរចាអ្វីជាមួយអាមេរិកទេ។ ប្រធានសភាអ៊ីរ៉ង់លោក Mohammad Bagher Ghalibaf បានទាត់ចោលការអះអាងរបស់លោកត្រាំ ដោយបញ្ជាក់យ៉ាងច្បាស់ថា…

ហាណូយ – ក្រុមហ៊ុនអាកាសចរណ៍វៀតណាមកំពុងត្រៀមខ្លួនកាត់បន្ថយជើងហោះហើរក្នុងស្រុកជាង ២០ ជើងក្នុងមួយសប្តាហ៍ ចាប់ពីខែមេសាខាងមុខនេះ ដោយសារបញ្ហាខ្វះប្រេងយន្តហោះដែលបណ្តាលមកពីជម្លោះនៅតំបន់មជ្ឈិមបូព៌ា។ អាជ្ញាធរអាកាសចរណ៍ស៊ីវិលវៀតណាម (CAAV) បានបញ្ជាក់ថា ក្រុមហ៊ុនអាកាសចរណ៍ជាតិ Vietnam Airlines នឹងផ្អាកប្រតិបត្តិការផ្លូវហោះហើរក្នុងស្រុកចំនួន ៧ ផ្លូវ និងកាត់ជើងហោះហើរចំនួន ២៣ ជើងក្នុងមួយសប្តាហ៍ ចាប់ពីថ្ងៃទី១…

ទីក្រុងតេហេរ៉ង់បានបដិសេធយ៉ាងច្បាស់លាស់ចំពោះការស្នើចរចាពីសហរដ្ឋអាមេរិក ដោយអះអាងថា «ពេលនេះមិនមែនជាពេលត្រូវចរចាគ្នាទេ»។ សម្ដីរឹងមាំនេះចេញពីមាត់រដ្ឋមន្ត្រីការបរទេសអ៊ីរ៉ង់ Abbas Araghchi ក្នុងបទសម្ភាសជាមួយទូរទស្សន៍រដ្ឋនៅថ្ងៃពុធទី២៥ ខែមីនា ឆ្នាំ២០២៦។ លោកបានបញ្ជាក់ថា អាមេរិកបានផ្ញើសារជាច្រើនតាមរយៈអ្នកសម្របសម្រួល ប៉ុន្តែអ៊ីរ៉ង់បានឆ្លើយតបដោយការបញ្ជាក់ពីគោលជំហររបស់ខ្លួន។ «យើងបានបញ្ជាក់យ៉ាងច្បាស់ថា នេះមិនមែនជាកិច្ចសន្ទនា ឬការចរចាឡើយ» លោក Araghchi បានថ្លែង។ លោកបន្តថា គោលនយោបាយរបស់អ៊ីរ៉ង់នាពេលនេះគឺបន្តការពារខ្លួន…

អ្នកជំនាញអង្គការសហប្រជាជាតិ (UN) បានចេញរបាយការណ៍ថ្មីដ៏ធ្ងន់ធ្ងរ ដោយចោទប្រកាន់ថា ពិភពលោកបានផ្តល់អាជ្ញាប័ណ្ណដល់អ៊ីស្រាអែលក្នុងការធ្វើទារុណកម្មលើប្រជាជនប៉ាឡេស្ទីន។ លោកស្រី Francesca Albanese អ្នករាយការណ៍ពិសេស UN ស្តីពីស្ថានភាពសិទ្ធិមនុស្សនៅទឹកដីប៉ាឡេស្ទីន បានបង្ហាញថា៖ «ការធ្វើទារុណកម្មបានក្លាយជាគោលនយោបាយរបស់រដ្ឋក្នុងប្រទេសអ៊ីស្រាអែលទៅហើយ»។ ក្នុងរបាយការណ៍ដែលបង្ហាញទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិ លោកស្រីបានពន្យល់ថា៖ «អាជ្ញាប័ណ្ណត្រូវបានផ្តល់ឱ្យអ៊ីស្រាអែលដើម្បីធ្វើទារុណកម្មដល់ប្រជាជនប៉ាឡេស្ទីន ព្រោះរដ្ឋាភិបាលរបស់ពួកគេភាគច្រើន រួមទាំងរដ្ឋមន្ត្រី អនុញ្ញាតឱ្យធ្វើបែបនេះ»។ លោកស្រីបន្ថែមថា៖…

ទោះកំពុងជាប់ដៃប្រយុទ្ធនៅអ៊ីរ៉ង់ផងនិងហ្គាហ្សាផងក៏ដោយ ប៉ុន្តែអ៊ីស្រាអែលនៅតែបន្តវាយលុកខ្លាំងក្នុងប្រទេសលីបង់ ដោយបានសម្លាប់ពលរដ្ឋជាង 1,000 នាក់ហើយនៅក្នុងរយៈពេលត្រឹមតែពីរសប្តាហ៍ប៉ុណ្ណោះ។ យោងតាមក្រុមឃ្លាំមើលមជ្ឈិមបូព៌ា ដោយដកស្រង់ប្រភពពីក្រសួងសុខាភិបាលលីបង់កាលពីថ្ងៃអង្គារទី២៤ខែមីនាឆ្នាំ២០២៦ ចាប់តាំងពីការផ្ទុះសង្គ្រាមថ្មីនៅថ្ងៃទី២ខែមីនាមក អ៊ីស្រាអែលបានសម្លាប់ពលរដ្ឋចំនួន ១,០៧២នាក់ ខណៈ២,៩៦៦នាក់ទៀតរងរបួស។ កាលពីថ្ងៃចន្ទ តួលេខមនុស្សស្លាប់នៅត្រឹម ១,០៣៩នាក់ប៉ុណ្ណោះ ដែលនេះមានន័យថា មនុស្ស៣៣នាក់ទៀត បានបាត់បង់ជីវិតក្នុងរយៈពេល២៤ម៉ោងចុងក្រោយ។ ក្រៅពីជនរងគ្រោះហើយនោះ វិបត្តិមនុស្សធម៌នៅលីបង់ ក៏បានឈានដល់កម្រិតអាសន្នផងដែរ…

ប្រទេសថៃកំពុងប្រឈមមុខនឹងរលកកម្តៅធ្ងន់ធ្ងរដែលនឹងវាយប្រហាររហូតដល់ចុងខែមីនា ដោយសីតុណ្ហភាពនៅតំបន់ខ្លះអាចកើនលើស ៤០°C និងសន្ទស្សន៍កម្តៅឡើងដល់ ៥២°C ដែលជាកម្រិតគ្រោះថ្នាក់ខ្លាំង។ នាយកដ្ឋានឧតុនិយមថៃបានចេញការព្រមានថា រលកកម្តៅនឹងបន្តវាយប្រហារប្រទេសថៃរហូតដល់ថ្ងៃទី៣០មីនា ឆ្នាំ២០២៦ ដោយតំបន់ភាគខាងជើងនិងកណ្តាលនឹងរងគ្រោះខ្លាំងជាងគេ។ ក្រៅពីកម្តៅខ្លាំង តំបន់ភាគខាងជើង ខាងកើត និងកណ្តាលអាចមានបាតុភូតផ្គររន្ទះនិងខ្យល់កន្ត្រាក់ដោយសារប្រព័ន្ធសម្ពាធទាប។ នៅភាគខាងជើង សីតុណ្ហភាពអប្បបរមានឹងស្ថិតក្នុងចន្លោះ ២០°C ទៅ ២៦°C ខណៈសីតុណ្ហភាពអតិបរមានឹងឡើងដល់…

ភ្នំពេញ – មេដឹកនាំអឺរ៉ុបកំពុងព្រួយបារម្ភយ៉ាងខ្លាំងចំពោះលទ្ធភាពដែលសហរដ្ឋអាមេរិកអាចបោះបង់អ៊ុយក្រែន ប្រសិនបើប្រធានាធិបតីដូណាល់ ត្រាំផ្ដោតតែលើសង្រ្គាមនៅអ៊ីរ៉ង់។ យោងតាមព័ត៌មានពី POLITICO កាលពីថ្ងៃទី២៣ ខែមីនា អ្នកការទូតសហភាពអឺរ៉ុបចំនួន៤រូបបានបង្ហាញពីការព្រួយបារម្ភថា លោកត្រាំអាចសងសឹកប្រឆាំងនឹងសម្ព័ន្ធមិត្តអឺរ៉ុប ដែលបដិសេធចំពោះការអំពាវនាវរបស់លោកសម្រាប់ជំនួយនៅមជ្ឈិមបូព៌ា។ «ការភ័យខ្លាចដ៏ធំបំផុតរបស់យើងគឺពេលលោកត្រាំផ្ដោតតែលើសង្រ្គាមអ៊ីរ៉ង់ ហើយបោះបង់អ៊ុយក្រែនចោល» នេះជាបញ្ហាចម្បងមួយដែលអាមេរិកអាចកាត់ផ្ដាច់ជំនួយដែលនៅសល់ទៅទីក្រុងកៀវ។ ខណៈមេដឹកនាំអឺរ៉ុបតែងតែខិតខំជៀសវាងការបែកបាក់គ្នាជាអចិន្រ្តៃយ៍ក្នុងទំនាក់ទំនងឆ្លងមហាសមុទ្រអាត្លង់ទិក ក៏មានការសង្ឃឹមថា ការផ្ដល់ការគាំទ្រមួយចំនួនសម្រាប់សកម្មភាពរបស់លោកត្រាំប្រឆាំងនឹងទីក្រុងតេហេរ៉ង់ គឺគ្រប់គ្រាន់ដើម្បីបញ្ចុះបញ្ចូលលោកឱ្យបន្តជំនួយក្នុងជម្លោះរុស្ស៊ីលើអ៊ុយក្រែន។ ប្រធានាធិបតីបារាំង…