ព័ត៌មានជាតិ

(ខេត្តព្រះវិហារ)៖ ទេសរដ្ឋមន្ត្រី គន់ គីម បានចុះពិនិត្យស្ថានភាពជនភៀសសឹកនៅតាមមណ្ឌលសុវត្ថិភាពក្នុងខេត្តព្រះវិហារ បន្ទាប់ពីកងទ័ពថៃបើកការវាយប្រហារជាថ្មីតាមបណ្តោយព្រំដែន។ ការចុះពិនិត្យនេះធ្វើឡើងតាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដើម្បីធានាសុវត្ថិភាពជនភៀសសឹកដែលត្រូវគេបង្ខំចិត្តចាកចេញពីលំនៅដ្ឋាន។ ទេសរដ្ឋមន្ត្រី គន់ គីម បានបញ្ជាក់ថា៖ “យើងត្រូវរៀបចំមណ្ឌលសុវត្ថិភាពយ៉ាងយកចិត្តទុកដាក់ និងបន្ទាន់សម្រាប់ប្រជាពលរដ្ឋដែលរងគ្រោះពីការវាយប្រហារ។” រដ្ឋបាលខេត្តព្រះវិហារបានរៀបចំមណ្ឌលសុវត្ថិភាពតាមទីតាំងដែលមានអំណោយផល ដោយផ្តល់រោងស្នាក់នៅ ទឹកស្អាត…

ភ្នំពេញ៖ ក្នុងពេលដែលស្ថានការណ៍ព្រំដែនកម្ពុជា-ថៃ កំពុងតែតានតឹងឡើងវិញ អ្នកវិភាគសង្គមយល់ឃើញថា ភាគីចិននៅតែបន្តយកចិត្តទុកដាក់ចំពោះស្ថិរភាពក្នុងតំបន់ និងការដោះស្រាយជម្លោះដោយសន្តិវិធី។ លោក Wang Wenbin ឯកអគ្គរដ្ឋទូតចិនប្រចាំកម្ពុជា បានចូលរួមរំលែកទុក្ខយ៉ាងក្រៀមក្រំបំផុតជូនចំពោះជនរងគ្រោះក្នុងជម្លោះព្រំដែន នៅថ្ងៃទី៨ ខែធ្នូ ឆ្នាំ២០២៥។ អ្នកវិភាគសង្គមចាត់ទុកថា នេះគឺជាកាយវិការកាទូតដ៏សំខាន់មួយ ដែលបង្ហាញពីការយកចិត្តទុកដាក់របស់ចិន។ លោកបណ្ឌិត កៅ មុយថង…

ខេត្តព្រៃវែង – ក្រសួងមហាផ្ទៃបានប្រកាសពីការសម្ពោធដាក់ឱ្យដំណើរការជាផ្លូវការនូវច្រកទ្វារព្រំដែនអន្តរជាតិ ម៉ឺនជ័យ (ខេត្តព្រៃវែង)-តឹនណាម (ខេត្តតៃនិញ) នាថ្ងៃទី៨ ខែធ្នូ ឆ្នាំ២០២៥។ ពិធីសម្ពោធដ៏ខ្ពង់ខ្ពស់នេះបានប្រព្រឹត្តទៅក្រោមអធិបតីភាពរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក ផាម មិញវិញ នាយករដ្ឋមន្ត្រីនៃសាធារណរដ្ឋសង្គមនិយមវៀតណាម។ ពិធីនេះមានការអញ្ជើញចូលរួមពីថ្នាក់ដឹកនាំក្រសួង ស្ថាប័ន ថ្នាក់ដឹកនាំខេត្ត…

ខេត្តប៉ៃលិន៖ ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី១៩ អាណត្តិទី៤ នាព្រឹកថ្ងៃទី០៨ ខែធ្នូ ឆ្នាំ២០២៥ ក្រោមអធិបតីភាពរបស់លោក ជាចាន់ឌិន ប្រធានក្រុមប្រឹក្សាខេត្ត និងលោក ស្រី អភិបាលខេត្តប៉ៃលិន។ កិច្ចប្រជុំនេះមានការចូលរួមពីសមាជិកក្រុមប្រឹក្សាខេត្ត គណៈអភិបាលខេត្ត នាយករដ្ឋបាលខេត្ត និងអាជ្ញាធរក្រុង-ស្រុកជាច្រើន។ របៀបវារៈសំខាន់ៗមាន៖ ពិនិត្យកំណត់ហេតុកិច្ចប្រជុំលើកទី១៨ ពិនិត្យរបាយការណ៍ការងារខែវិច្ឆិកា…

ភ្នំពេញ៖ នៅរសៀលថ្ងៃទី៩ ខែធ្នូ ឆ្នាំ២០២៥ លោក សុខ ឥសាន បានធ្វើការវិភាគលម្អិតអំពីស្ថានភាពព្រំដែនកម្ពុជា-សៀម និងបញ្ហាសំខាន់ៗដែលកំពុងប្រឈមមុខប្រទេសជាតិ។ លោកបានលើកយកចំណុចសំខាន់ៗចំនួន ១០ ដូចខាងក្រោម៖ ១. សំដីរបស់មេដឹកនាំនិងមេទាហ៊ានសៀមដែលថានឹងវ៉ៃយកទឹកដីខ្មែរ និងធ្វើឲ្យកងទ័ពខ្មែរបាត់បង់សមត្ថភាពយូរ។ នេះជាកត្តាជម្រុញឲ្យកម្ពុជាប្រើសិទ្ធិការពារខ្លួន។ ២. ឥរិយាបថមើលងាយរបស់មេដឹកនាំសៀមនិងមេទ័ពសៀមចំពោះខ្មែរ កំពុងទទួលរងផលវិបាកឆ្លើយតបយ៉ាងធ្ងន់ធ្ងរពីកម្លាំងកងទ័ពកម្ពុជា។ ៣.…

ខេត្តកំពង់ស្ពឺ៖ កម្លាំងនគរបាលស្រុកសាមគ្គីមុនីជ័យបានឃាត់ខ្លួនក្មេងទំនេីងចំនួន៤នាក់ ដែលបានធ្វើសកម្មភាពបង្ហោះម៉ូតូនៅលើផ្លូវសាធារណៈ និងដេញវាយគ្នាក្នុងសាលារៀន។ ព្រឹកថ្ងៃទី៩ ខែធ្នូ ឆ្នាំ២០២៥ មន្ត្រីនគរបាលបានបញ្ជាក់ថា ក្រុមសិស្សទាំង៤នាក់នេះត្រូវបានអញ្ជើញមកអធិការដ្ឋាននគរបាលស្រុក ក្រោយពីបានធ្វើសកម្មភាពរំខានក្នុងសាលាវិទ្យាល័យ ប៊ុន រ៉ានី ហ៊ុនសែនចាន់ថ្នាល។ សិស្សទាំង៤នាក់មានឈ្មោះដូចខាងក្រោម៖ ទិត្យ ឧត្តម (១៦ឆ្នាំ) សិស្សថ្នាក់ទី១១ វុធ ម៉េងលី…

ភ្នំពេញ៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានថ្លែងនៅយប់ថ្ងៃទី៩ ខែធ្នូ ឆ្នាំ២០២៥ ដោយប្រៀបធៀបស្ថានភាពប្រាសាទតាក្របីជាមួយការរស់នៅរវាងម្តាយបង្កើត និងម្តាយក្លែងក្លាយ។ លោករដ្ឋមន្ត្រីបានពន្យល់ថា៖ “ម្តាយបង្កើតថែរក្សាបីបមថ្មមថ្នាក់កូនស្ងួនមិនឱ្យនរណាមកប៉ះពាល់ឡើយ ហើយក៏មិនហ៊ានធ្វើបាបកូនឡើយ។ តែម្តាយក្លែងក្លាយគេមិនខ្លាចនឹងធ្វើបាបកូនដែលគេដណ្តើមយកនោះឡើយ ព្រោះមកពីកូននោះមិនមែនកូនគេពិតប្រាកដ គេមិនខ្លាចធ្វើឱ្យកូននោះឈឺឡើយ។” លោករដ្ឋមន្ត្រីបានថ្លែងបន្តថា ឃើញរូបភាពនេះ ពិតជាសោកស្តាយណាស់នូវសម្បត្តិបេតិកភណ្ឌពីដូនតាខ្មែរដ៏ល្អប្រពៃ «ប្រាសាទតាក្របី»។…

រាជធានីភ្នំពេញ — ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងធនាគារ វីង បានចុះអនុស្សរណៈយោគយល់យុទ្ធសាស្ត្រ ដើម្បីផ្តល់ហិរញ្ញប្បទានចំនួន ២០០ លានដុល្លារអាមេរិក សម្រាប់សហគ្រាសធុនមីក្រូ តូច និងមធ្យម (MSMEs) នៅទូទាំងប្រទេសកម្ពុជា។ កិច្ចសហប្រតិបត្តិការនេះបានប្រព្រឹត្តិទៅក្រោមអធិបតីភាពរបស់ឯកឧត្តមរដ្ឋមន្ត្រី ហែម វណ្ណឌី…

ភ្នំពេញ៖ ក្រសួងមហាផ្ទៃបានធ្វើពិធីប្រកាសដាក់ឱ្យប្រើប្រព័ន្ធតាមដានថវិកាឃុំ-សង្កាត់ និងផ្សព្វផ្សាយសារាចរអន្តរក្រសួងស្តីពីការគ្រប់គ្រងមូលនិធិសេវាសង្គម និងអនាម័យបរិស្ថាន។ ពិធីនេះបានប្រព្រឹត្តទៅក្រោមអធិបតីភាពរបស់លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃទី៨ ខែធ្នូ ឆ្នាំ២០២៥ នៅសាលប្រជុំខេត្តព្រៃវែង។ លោក សួស ប្រាថ្នា អគ្គនាយកអគ្គនាយកដ្ឋានរដ្ឋបាល បានធ្វើសេចក្ដីរាយការណ៍អំពីលទ្ធផលដំណើរការរៀបចំប្រព័ន្ធតាមដានថវិកា និងសារាចរអន្តរក្រសួងរវាងក្រសួងមហាផ្ទៃ និងក្រសួងសេដ្ឋកិច្ចនិងហិរញ្ញវត្ថុ។…

អគ្គនាយកដ្ឋានពន្ធនាគារ បានចូលរួមជាមួយអគ្គស្នងការដ្ឋាននគរបាលជាតិ និងអាជ្ញាធរខេត្តពាក់ព័ន្ធ អនុវត្តប្រតិបត្តិការជម្លៀសជនជាប់ឃុំចំនួន ១,០៦៦ នាក់ រួមទាំងស្រី ៦៧ នាក់ ពីពន្ធនាគារខេត្តឧត្តរមានជ័យ ទៅឃុំបន្តនៅពន្ធនាគារខេត្តសៀមរាប។ ឯកឧត្តម ឈន សាណាត អគ្គនាយកអគ្គនាយកដ្ឋានពន្ធនាគារ បានចុះប្រតិបត្តិការខាងលើ ក្រោយទទួលបានគោលការណ៍ និងមតិដឹកនាំពី ឯកឧត្តម អភិសន្តិបណ្ឌិត…