By 
សង្គ្រាមរវាងសហរដ្ឋអាមេរិក និងអ៊ីរ៉ង់ បានឈានចូលដល់ថ្ងៃទី៥០ ដោយបណ្ដាលឱ្យក្រុងវ៉ាស៊ីនតោនចំណាយប្រាក់អស់ជិត៥៦ពាន់លានដុល្លារ នេះបើតាមទិន្នន័យពីគេហទំព័រតាមដានតម្លៃសង្គ្រាមអ៊ីរ៉ង់ (Iran War Cost Tracker)។
ការចំណាយដ៏ធំធេងនេះរួមមានការថែទាំកម្លាំងទ័ព ការចល័តនាវាចម្បាំងទៅតំបន់មជ្ឈិមបូព៌ា និងប្រតិបត្តិការយោធាផ្សេងៗទៀត។ គួរឱ្យភ្ញាក់ផ្អើលគឺក្នុង៦ថ្ងៃដំបូង អាមេរិកបានចំណាយរួចហើយ១១,៣ពាន់លានដុល្លារ!
បច្ចុប្បន្ន ការចំណាយប្រចាំថ្ងៃត្រូវបានប៉ាន់ស្មានថាមានចំនួនប្រហែល១ពាន់លានដុល្លារក្នុងមួយថ្ងៃៗ។ តួលេខទាំងនេះបង្ហាញពីបន្ទុកហិរញ្ញវត្ថុយ៉ាងធ្ងន់ធ្ងរដែលរដ្ឋបាលលោកត្រាំកំពុងជួបប្រទះ។
គេហទំព័រតាមដានតម្លៃសង្គ្រាមនៅតែបន្តធ្វើបច្ចុប្បន្នភាពទិន្នន័យជាពេលវេលាជាក់ស្ដែង ដែលបង្ហាញថារាល់នាទីដែលសង្គ្រាមបន្តឆាបឆេះ គឺសុទ្ធតែជាការចំណាយប្រាក់យ៉ាងសន្ធឹកសន្ធាប់ពីថវិកាជាតិអាមេរិក។
