admin

ភ្នំពេញ៖ កម្លាំងជំនាញនៃគណៈបញ្ជាការឯកភាពរដ្ឋបាលរាជធានីភ្នំពេញ បានធ្វើប្រតិបត្តិការបង្ក្រាបយ៉ាងរហ័ស ដោយឃាត់ខ្លួនជនជាតិវៀតណាមចំនួន ១៧នាក់ ក្នុងអគារ MSK ស្ថិតក្នុងសង្កាត់ទួលទំពូងទី១ ដោយសង្ស័យថាពួកគេកំពុងធ្វើសកម្មភាពឆបោកតាមប្រព័ន្ធអនឡាញ។ ប្រតិបត្តិការនេះធ្វើឡើងនៅថ្ងៃទី៣០ ខែមីនា ឆ្នាំ២០២៦ ក្រោមការដឹកនាំផ្ទាល់ពីលោកឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។…

ភ្នំពេញ៖ ក្រសួងធនធានទឹក និងឧតុនិយម បានចេញសេចក្ដីជូនដំណឹងអាកាសធាតុថ្មីសម្រាប់ថ្ងៃទី៣១ ខែមីនា ឆ្នាំ២០២៦ ដោយព្យាករថា សីតុណ្ហភាពនឹងកើនឡើងខ្ពស់រហូតដល់ ៣៦ អង្សាសេនៅតំបន់វាលទំនាប។ អាកាសធាតុនេះត្រូវបានគេរំពឹងថានឹងបន្តរហូតដល់ថ្ងៃទី២ ខែមេសា ដោយសារឥទ្ធិពលនៃរបបខ្យល់មូសុងឦសាន ដែលកំពុងបក់លើសមុទ្រចិនខាងត្បូង អាងទន្លេមេគង្គ និងសមុទ្រកម្ពុជា។ តាមការព្យាករណ៍ពីក្រសួងធនធានទឹក អាកាសធាតុនៅតំបន់ផ្សេងៗនៃប្រទេសកម្ពុជានឹងមានដូចខាងក្រោម៖ ១. តំបន់វាលទំនាប៖…

អាវុធហត្ថរាជធានីភ្នំពេញ បានចុះបង្ក្រាបទីតាំងលក់បារីអេឡិចត្រូនិកមួយកន្លែង ហើយជួបរឿងគួរឲ្យភ្ញាក់ផ្អើល នៅពេលដែលមានជនសង្ស័យប្រព្រឹត្តបោកប្រាស់ដោយប្រើឈ្មោះអាវុធហត្ថ។ កាលពីថ្ងៃទី១៨ ខែមករា ឆ្នាំ២០២៦ អាវុធហត្ថរាជធានីភ្នំពេញ បានបង្ក្រាបទីតាំងលក់ឧបករណ៍អេឡិចត្រូនិកសម្រាប់ជក់សារធាតុគីមីមួយកន្លែងនៅភូមិ១០ សង្កាត់បឹងកក់ទី២ ខណ្ឌទួលគោក។ ក្រោយមកទីតាំងនេះបានដំណើរការលក់ឡើងវិញ ដែលធ្វើឲ្យអាវុធហត្ថចុះបង្ក្រាបសារជាថ្មី។ អ្វីដែលគួរឲ្យភ្ញាក់ផ្អើលនោះ គឺនៅពេលអាវុធហត្ថចុះទៅបង្ក្រាប បានរកឃើញថា មានជនសង្ស័យ០១ក្រុម បានដើរតួជាសមត្ថកិច្ចអាវុធហត្ថនិងជាអ្នកកាសែត ទៅបញ្ចុះបញ្ចូលម្ចាស់ទីតាំងឲ្យបើកលក់ឧបករណ៍អេឡិចត្រូនិកឡើងវិញ ជាថ្នូរនឹងទឹកប្រាក់៥៦០០ដុល្លារអាមេរិក។…

ជប៉ុនបានដាក់ពង្រាយមីស៊ីលរយៈចម្ងាយឆ្ងាយដែលមាន «សមត្ថភាពវាយបក» និងគ្រាប់ផ្លោងល្បឿនលឿន (HVGP) ថ្មីជាលើកដំបូងនៅក្នុងប្រទេស ក្នុងពេលដែលតំបន់អាស៊ីប៉ាស៊ីហ្វិកកំពុងប្រឈមមុខនឹងភាពតានតឹងយោធាកើនឡើង។ យោងតាមក្រសួងការពារជាតិជប៉ុន ជំរំ Kengun ត្រូវបានបំពាក់ដោយមីស៊ីលប្រភេទ Type 12 ដែលអាចបាញ់ចេញពីដីគោក ហោះបានចម្ងាយប្រហែល ១ពាន់គីឡូម៉ែត្រ និងទៅដល់ផ្នែកខ្លះនៃឆ្នេរសមុទ្រដីគោកពីតំបន់ Kyushu។ រដ្ឋមន្ត្រីក្រសួងការពារជាតិ លោក Shinjiro…

ភ្នំពេញ៖ លោកដូណាល់ ត្រាំ ប្រធានាធិបតីសហរដ្ឋអាមេរិក បានបង្ហាញឆន្ទៈចង់បញ្ចប់សង្គ្រាមជាមួយអ៊ីរ៉ង់និងអ៊ីស្រាអែលឲ្យបានត្រឹមថ្ងៃទី៦ខែមេសាខាងមុខនេះ។ នេះបើយោងតាមរបាយការណ៍របស់ The Wall Street Journal។ លោកត្រាំ បានកំណត់ពេលវេលា៦សប្តាហ៍ដើម្បីបញ្ចប់ជម្លោះនេះ ទោះបីជាច្រកសមុទ្រហ័រមូសដែលជាផ្លូវសេដ្ឋកិច្ចសំខាន់នៅតែបិទក៏ដោយ។ លោកបានបង្ហើបប្រាប់ថា កំពុងចរចាជាមួយក្រុមដឹកនាំថ្មីរបស់អ៊ីរ៉ង់ ដែលលោកយល់ថា “មានហេតុផលជាងមុន”។ មូលហេតុសំខាន់គឺការចំណាយដ៏ធំធេង។ ត្រឹម៦ថ្ងៃដំបូង អាមេរិកបានចំណាយរួចទៅ១១,៣ពាន់លានដុល្លារហើយ។…

រាជធានីភ្នំពេញ៖ ក្នុងស្មារតីប្តេជ្ញាចិត្តខ្ពស់ដើម្បីសុវត្ថិភាពប្រជាពលរដ្ឋ និងការការពារបូរណភាពទឹកដី លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បានប្រកាសជាសាធារណៈនូវលទ្ធផលនៃកិច្ចប្រតិបត្តិការស្វែងរក និងកម្ទេចគ្រាប់យុទ្ធភណ្ឌសង្គ្រាមដែលនៅសេសសល់។ ជាក់ស្តែង លោកហេង រតនា បានប្រកាសនាល្ងាចថ្ងៃទី៣០ ខែមីនា ឆ្នាំ២០២៦ថា៖ “សំណល់យុទ្ធភណ្ឌសង្គ្រាមរបស់សៀមឈ្លានពាន កប់ជ្រៅក្នុងប្រឹថពីនៃព្រះរាជាណាចក្រកម្ពុជា!” លោក ហេង…

រាជធានីភ្នំពេញ៖ ធនាគារ ហត្ថា បានបើកសម្ពោធសាខាថ្មីចំនួន ៩ កន្លែងក្នុងថ្ងៃតែមួយ នៅថ្ងៃទី៣០ ខែមីនា ឆ្នាំ២០២៦ ដោយមានសាខាព្រះនរោត្តមដ៏សំខាន់ស្ថិតនៅកណ្តាលរាជធានីភ្នំពេញជាចំណុចផ្តេក។ ការបើកសាខាថ្មីក្នុងពេលនេះបង្ហាញពីការប្តេជ្ញាចិត្តរបស់ធនាគារ ហត្ថា ក្នុងការពង្រីកសេវាកម្មហិរញ្ញវត្ថុទៅកាន់អតិថិជនកាន់តែទូលំទូលាយ និងផ្តល់សេវាដ៏ទំនើប ងាយស្រួល និងមានសុវត្ថិភាពខ្ពស់។ សាខាថ្មីទាំង ៩ កន្លែងរួមមាន៖ សាខាព្រះនរោត្តម…

អេស្ប៉ាញបានប្រកាសជំហរម៉ឺងម៉ាត់ប្រឆាំងការចូលពាក់ព័ន្ធជាមួយសហរដ្ឋអាមេរិកក្នុងសង្គ្រាមមជ្ឈិមបូព៌ា ដោយបដិសេធមិនអនុញ្ញាតឲ្យលោកដូណាល់ត្រាំប្រើដែនអាកាសរបស់ខ្លួនសម្រាប់ប្រតិបត្តិការវាយប្រហារអ៊ីរ៉ង់។ រដ្ឋមន្ត្រីការពារជាតិអេស្ប៉ាញ លោកស្រី Margarita Robles បានបញ្ជាក់យ៉ាងច្បាស់កាលពីថ្ងៃទី៣០ មីនា ២០២៦ ថា៖ «រឿងនេះត្រូវបានបញ្ជាក់យ៉ាងច្បាស់ជូនដល់កងទ័ពនិងកម្លាំងសហរដ្ឋអាមេរិកតាំងពីដំបូងមកម៉្លេះ។ ទាំងមូលដ្ឋានទ័ពក៏មិនត្រូវបានអនុញ្ញាត ហើយសូម្បីតែការប្រើប្រាស់លំហអាកាសរបស់អេស្ប៉ាញក៏មិនត្រូវបានអនុញ្ញាតសម្រាប់សកម្មភាពណាមួយដែលពាក់ព័ន្ធនឹងសង្គ្រាមនៅអ៊ីរ៉ង់នោះដែរ។» លោកស្រី Robles បានហៅសង្គ្រាមលើអ៊ីរ៉ង់ថាជាអំពើខុសច្បាប់យ៉ាងធ្ងន់ធ្ងរ និងអយុត្តិធម៌ខ្លាំងណាស់។ តាំងពីផ្ទុះសង្គ្រាមមជ្ឈិមបូព៌ាដំបូងមក អេស្ប៉ាញបានបង្ហាញដោយចំហថាខ្លួនប្រឆាំងនឹងលោកត្រាំ ដោយមិនព្រមអនុញ្ញាតឲ្យអាមេរិកប្រើមូលដ្ឋានទ័ពរបស់ខ្លួនឡើយ។…

រាជធានីភ្នំពេញ – ព្រះនាង នរោត្តម ចេណា បានបង្ហាញការចាប់អារម្មណ៍យ៉ាងខ្លាំងក្លាចំពោះការស្លៀកសម្លៀកបំពាក់ប្រពៃណីខ្មែរ ដោយសង្ឃឹមថាគួរត្រូវបានប្រើប្រាស់ឱ្យបានច្រើនទម្រង់ ច្រើនសណ្ឋានតាមលំនាំដើម ជាពិសេសទំនៀមនៃការប្រើប្រាស់ស្បៃពានា។ ការលើកឡើងរបស់ព្រះនាងកើតឡើងក្នុងពេលដែលប្រទេសថៃកំពុងទាមទារឈុតស្បៃជារបស់គេផ្ដាច់មុខ ខណៈក្រសួងវប្បធម៌ និងវិចិត្រសិល្បៈកម្ពុជាបានចេញបញ្ជាក់យ៉ាងច្បាស់ថា «ស្បៃ» ជាផ្នែកសំខាន់មួយនៃការស្លៀកពាក់តុបតែងកាយស្ត្រីខ្មែរ។ ព្រះនាងចេណាបានចែករំលែកថា នាងបានគ្រងឈុតស្បៃខ្មែរដែលច្នៃឡើងសម្រាប់ប្រើក្នុងពិធីមង្គលការក្នុងសម័យបច្ចុប្បន្នជាមួយម្ចាស់បងរបស់នាង Emma Norodom។ នេះគឺជាលើកទី១ដែលម្ចាស់បងរបស់នាងគ្រងឈុតប្រពៃណីខ្មែរដ៏ល្អវិចិត្រនេះ។ តាមរយៈចម្លាក់នានានៅលើប្រាង្គប្រាសាទខ្មែរ…

សភាអ៊ីស្រាអែលបានអនុម័តច្បាប់ដាក់ទោសប្រហារជីវិតទៅលើជនជាតិប៉ាឡេស្ទីនដែលត្រូវបានកាត់ទោសពីបទភេរវកម្ម ដោយទទួលបានសំឡេងគាំទ្រ ៦២ ទល់នឹង ៤៨ សំឡេង។ យោងតាម BBC ច្បាប់ថ្មីនេះតម្រូវឲ្យជនជាប់ចោទត្រូវទទួលទោសដោយការព្យួរកក្នុងរយៈពេល ៣ ទៅ ៦ ខែ បន្ទាប់ពីការកាត់ទោសបានបញ្ចប់។ រដ្ឋមន្ត្រីសន្តិសុខជាតិ Itamar Ben Gvir ដែលជាអ្នកជំរុញច្បាប់នេះ បានសម្តែងការសប្បាយរីករាយយ៉ាងខ្លាំង។…