admin

ភ្នំពេញ៖ ក្រសួងធនធានទឹក និងឧតុនិយមបានចេញព្រឹត្តិបត្រព័ត៌មានអំពីស្ថានភាពអាកាសធាតុ សម្រាប់ថ្ងៃទី១២ ខែធ្នូ ឆ្នាំ២០២៥ ដែលព្រមានថា តាមបណ្តាខេត្ត និងរាជធានីភ្នំពេញ អាចមានភ្លៀងធ្លាក់ និងខ្យល់កន្ត្រាក់គ្របដណ្តប់លើផ្ទៃដីប្រមាណ ១០%។ សម្ពាធទាបដែលកើតនៅសមុទ្រចិនខាងត្បូង កំពុងមានឥទ្ធិពលខ្លាំងលើរបបខ្យល់មូសុងឦសាន ដែលបក់លើអាងទន្លេមេគង្គ សមុទ្រកម្ពុជា និងតំបន់ជុំវិញ។ ស្ថានភាពនេះនឹងបន្តពីថ្ងៃទី១២ ដល់ថ្ងៃទី១៤ ខែធ្នូ…

ភ្នំពេញ៖ គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានធ្វើការថ្កោលទោសយ៉ាងខ្លាំងចំពោះការវាយប្រហារយ៉ាងព្រៃផ្សៃរបស់យោធាថៃ ដែលបានប្រើប្រាស់អាវុធគ្រប់ប្រភេទ រួមទាំងផ្សែងពុល មកលើទីតាំងភូមិសាស្ត្រដែលមានប្រជាជនស៊ីវិលរស់នៅ។ ការវាយប្រហារនេះកើតឡើងក្រោមការដឹកនាំរបស់លោក Weerayuth Raksil មេបញ្ជាការភូមិភាគ២ថៃ និងលោក Worayos Luangsuwan មេបញ្ជាការភូមិភាគ១ថៃ ដោយវាយប្រហារលើខេត្តបន្ទាយមានជ័យ ពោធិ៍សាត់ ឧត្តរមានជ័យ បាត់ដំបង និងព្រះវិហារ…

ភ្នំពេញ៖ ហេតុការណ៍គ្រោះថ្នាក់មួយបានកើតឡើងនៅពេលយប់ នៅក្នុងសង្កាត់ឫស្សីកែវ ខណ្ឌឫស្សីកែវ កាលពីវេលាម៉ោង ១២:៣០នាទីរំលងអាធ្រាត ថ្ងៃទី១២ ខែធ្នូ ឆ្នាំ២០២៥។ ជនសង្ស័យម្នាក់បានដកកាំភ្លើងខ្លីបាញ់តដៃសមត្ថកិច្ចជាច្រើនគ្រាប់ បន្ទាប់ពីរត់គេចខ្លួនពីការតាមឃាត់។ សមត្ថកិច្ចបានឲ្យដឹងថា នៅមុនពេលកើតហេតុ កម្លាំងសមត្ថកិច្ចខណ្ឌឫស្សីកែវបានឈរជើងនិងចេញល្បាតនៅលើផ្លូវជាតិលេខ៥។ ក្រោយមកឃើញជនសង្ស័យជិះម៉ូតូម៉ាក SUZUKI NEX ផ្លាកលេខភ្នំពេញ 1HH-8184 សមត្ថកិច្ចក៏សង្ស័យតាមឃាត់សួរនាំ…

ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានប្រកាសថា លោកត្រៀមខ្លួនជាស្រេចរៀបចំការបោះឆ្នោតក្នុងអំឡុងសង្គ្រាម ក្នុងរយៈពេល៦០-៩០ថ្ងៃខាងមុខ ប្រសិនបើសភា និងសម្ព័ន្ធមិត្តខាងលិចយល់ព្រម។ ការប្រកាសនេះធ្វើឡើងក្រោយការរិះគន់របស់អតីតប្រធានាធិបតីអាមេរិក លោក ដូណាល់ ត្រាំ។ យោងតាមការចុះផ្សាយរបស់ NBC កាលពីថ្ងៃទី១០ ធ្នូ ២០២៥ លោកហ្សេលេនស្គីបានសង្កត់ធ្ងន់ថា៖ «នេះគឺជាសំណួរសម្រាប់ប្រជាជនអ៊ុយក្រែន…

ព្រំដែនបាត់ដំបង៖ នៅវេលាម៉ោងប្រមាណ ១០:៣០នាទីព្រឹក ថ្ងៃទី១១ ខែធ្នូ ឆ្នាំ២០២៥ យោធាថៃបានបន្ដបាញ់កាំភ្លើងផ្លោងធន់ធ្ងន់ចូលមកមូលដ្ឋានស្រុកសំពៅលូន ខេត្តបាត់ដំបង។ ការបាញ់ផ្លោងនេះគឺជាការរំលោភបំពានម្ដងហើយម្ដងទៀតពីសំណាក់យោធាថៃ ដែលបានបង្កឱ្យមានភាពតានតឹងនៅតាមបណ្ដោយព្រំដែនកម្ពុជា-ថៃ។ កម្លាំងជួរមុខរបស់កម្ពុជាបានរក្សាការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការរំលោភបំពានដែលកើតឡើងជាបន្ដបន្ទាប់។ ប្រតិភូយោធាកម្ពុជាបានអះអាងថា កម្លាំងការពារព្រំដែននៅតែរក្សាភាពស្ងៀមស្ងាត់ និងត្រៀមខ្លួនពេញលេញក្នុងការឆ្លើយតបនឹងសកម្មភាពណាមួយដែលគំរាមកំហែងដល់សន្តិសុខជាតិ។ រដ្ឋាភិបាលកម្ពុជាបានអំពាវនាវឱ្យភាគីថៃឈប់ធ្វើសកម្មភាពបង្កភាពតានតឹង និងគោរពអធិបតេយ្យភាព និងអព្យាក្រឹតភាពរបស់កម្ពុជា។ សូមបញ្ជាក់ថា…

ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា បានផ្ដល់ការលើកទឹកចិត្ដដល់វីរៈកងទ័ពចំនួន ០៣រូប ដែលរងរបួសកាលពីថ្ងៃទី៨ ខែធ្នូ ឆ្នាំ២០២៥ ក្នុងការតស៊ូប្រយុទ្ធយ៉ាងស្វិតស្វាញការការពារបូរណភាពទឹកដឹកដីតាមបណ្តោយព្រំដែនកម្ពុជា-ថៃ។ សម្តេចកិត្តិសង្គហបណ្ឌិត ម៉ែន សំអន ក៏បានលើកទឹកចិត្ត និងថ្លែងនូវការកោតសសើរ ចំពោះការលះបង់ដ៏ធំធេង ដែលមិនអាចកាត់ថ្លៃបាន…

ភាគខាងជើងប្រទេសថៃ – ខេត្ត Phayao បានជួបគ្រោះរញ្ជួយដីកម្រិត 2.8 រ៉ិចទ័រ នៅជម្រៅ 6 គីឡូម៉ែត្រ បណ្តាលឲ្យមានរញ្ជួយរង្គើនៅតំបន់ជាច្រើន និងឈានដល់ការព្រមានសម្រាប់ស្រុកចំនួន 9 ។ តាមការផ្សាយរបស់ The Nation រញ្ជួយដីនេះកើតឡើងនៅម៉ោង 9:58 នាទីយប់…

ឆាប់ៗខាងមុខនេះ ប្រជាពលរដ្ឋចំនួន៣ភូមិ និងសិស្សានុសិស្សនៅស្រុកត្រាំកក់ នឹងទទួលបានភាពងាយស្រួលក្នុងការធ្វើដំណើរ បន្ទាប់ពីមានគម្រោងផ្លូវបេតុងមួយខ្សែត្រូវបានបើកការដ្ឋានសាងសង់។ ផ្លូវបេតុងដែលកំពុងសាងសង់មានប្រវែង ១,៦៣៧ម៉ែត្រ ត្រូវបានបើកការដ្ឋានក្រោមអធិបតីសំណាក់លោក កេត ម៉ៅ អភិបាលស្រុកត្រាំកក់ និងលោក ទូច ចន្ធី អភិបាលរងស្រុក កាលពីថ្ងៃទី០៨ ធ្នូ ២០២៥។ តាមការបញ្ជាក់ ផ្លូវនេះជាគម្រោងមូលនិធិឃុំលាយបូរ…

ភ្នំពេញ៖ កម្លាំងសមត្ថកិច្ចចម្រុះកម្ពុជា បានធ្វើប្រតិបត្តិការបង្ក្រាបយ៉ាងធំមួយ ដោយឃាត់ខ្លួនជនជាតិថៃចំនួន ៧៥នាក់ ក្នុងនោះមានស្ត្រី ៤៨នាក់ នៅទីតាំងកសិដ្ឋានមួយកន្លែងឈ្មោះ “អមរៈ” ក្នុងភូមិកោះក្របី១ សង្កាត់ព្រែកថ្មី ខណ្ឌច្បារអំពៅ។ ប្រតិបត្តិការនេះធ្វើឡើងនៅរសៀលថ្ងៃទី០៩ ខែធ្នូ ឆ្នាំ២០២៥ ក្រោមការដឹកនាំរបស់លេខាធិការដ្ឋានគណៈកម្មការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) ដោយសហការជាមួយអគ្គស្នងការដ្ឋាននគរបាលជាតិ និងអាជ្ញាធរពាក់ព័ន្ធផ្សេងៗទៀត។ សមត្ថកិច្ចបានចុះត្រួតពិនិត្យទីតាំងសង្ស័យបន្ទាប់ពីទទួលបានព័ត៌មានស្រាវជ្រាវថា…

ខេត្តបន្ទាយមានជ័យ៖ អគ្គនាយកដ្ឋានគយនិងរដ្ឋាករកម្ពុជា (អ.គ.រ.) នៃក្រសួងសេដ្ឋកិច្ចនិងហិរញ្ញវត្ថុ បានចេញសេចក្តីថ្លែងការណ៍ថ្កោលទោសយ៉ាងដាច់អហង្ការ ចំពោះសកម្មភាពព្រៃផ្សៃរបស់យោធាថៃ ដែលបានបាញ់បំផ្លាញអគារការិយាល័យគយនិងរដ្ឋាករបឹងត្រកួន កាលពីថ្ងៃទី៨ ខែធ្នូ ឆ្នាំ២០២៥។ អគាររដ្ឋបាលស៊ីវិលនេះ ដែលមានកម្ពស់ ២ជាន់ ស្ថិតនៅក្នុងភូមិបន្ទាយមានឬទ្ធិ ឃុំគោករមៀត ស្រុកថ្មពួក ខេត្តបន្ទាយមានជ័យ ត្រូវបានបំផ្លាញដោយយោធាថៃ។ អគារនេះធ្លាប់បម្រើការងារប្រមូលចំណូលថវិកាជាតិ និងផ្តល់កិច្ចសម្រួលពាណិជ្ជកម្មអន្តរជាតិ។…