ព័ត៌មានជាតិ

ភ្នំពេញ៖ ក្រសួងមហាផ្ទៃបានផ្សព្វផ្សាយព័ត៌មានថ្មីបំផុតអំពីស្ថានភាពពលរដ្ឋភៀសសឹកនៅតាមព្រំដែនកម្ពុជា-ថៃ ដោយរាយការណ៍ថា មានពលរដ្ឋភៀសសឹក៩០នាក់បន្ថែមទៀតបានវិលត្រឡប់ទៅលំនៅឋានវិញហើយ។ ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានជាង៦សែន១ម៉ឺននាក់ ឬជាង៩៤% បានវិលត្រឡប់ទៅលំនៅឋានវិញហើយ។ ទោះជាយ៉ាងណា នៅមានពលរដ្ឋចំនួន៣៦,៩៩៦នាក់ទៀត (ស្រ្តី១៩,១៩៤នាក់ និងកុមារ១២,៧៦២នាក់) ដែលពុំទាន់អាចវិលទៅលំនៅឋានវិញបាន។ ក្រសួងមហាផ្ទៃបានចោទប្រកាន់ថា ភាគីថៃពុំទាន់អនុវត្តពេញលេញតាមសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) ដែលចុះថ្ងៃទី២៧ ខែធ្នូ ឆ្នាំ២០២៥។…

ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសពីឱកាសការងារជាង ២ម៉ឺនកន្លែង ដែលកំពុងរង់ចាំអតីតពលករដែលត្រឡប់មកពីប្រទេសថៃ និងបងប្អូនដែលកំពុងស្វែងរកការងារធ្វើនៅរាជធានីភ្នំពេញ។ តាមការបង្ហាញពីក្រសួងការងារ គិតត្រឹមថ្ងៃទី១៤ ខែមីនា ឆ្នាំ២០២៦ រាជធានីភ្នំពេញមានឱកាសការងារសរុបចំនួន ២០,៧៧១ កន្លែង ក្នុងវិស័យឧស្សាហកម្ម និងសេវាកម្មជាច្រើន។ ឱកាសទាំងនេះត្រូវបានរៀបចំជាពិសេសសម្រាប់អតីតពលករដែលទើបត្រឡប់មកពីការងារនៅប្រទេសថៃ និងអ្នកស្វែងរកការងារទូទៅ។ ដើម្បីទទួលបានឱកាសការងារទាំងនេះ បងប្អូនអាចស្វែងរកព័ត៌មានលម្អិតអំពីលេខទំនាក់ទំនង…

ភ្នំពេញ៖ លោក ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលកម្ពុជា (SSCA) បានដាស់តឿនពីហានិភ័យនៃការកើនឡើងតម្លៃសំបុត្រយន្តហោះ ដោយសារតែវិបត្តិប្រេងដែលកើតឡើងពីសង្គ្រាមនៅតំបន់មជ្ឈិមបូព៌ា។ លោកបានពន្យល់ថា៖ «ប្រសិនបើតម្លៃប្រេងនៅតែបន្តអូសបន្លាយពេលយូរ តម្លៃសំបុត្រយន្តហោះអាចនឹងមានការប្រែប្រួលខុសពីតម្លៃដើម។ វិបត្តិប្រេងមិនមែនប៉ះពាល់ត្រឹមតែវិស័យអាកាសចរណ៍ទេ តែវាប៉ះពាល់ដល់វិស័យទាំងអស់នៃសេដ្ឋកិច្ច។» អ្នកនាំពាក្យរូបនេះបានបញ្ជាក់ថា ក្រុមហ៊ុនអាកាសចរណ៍ធំៗតែងតែទិញប្រេងស្តុកទុកពី ២ សប្តាហ៍ទៅ ១ ខែមុន ដើម្បីគណនាតម្លៃសំបុត្រយន្តហោះ។…

ភ្នំពេញ៖ ក្រសួងពាណិជ្ជកម្មបានប្រកាសពីតម្លៃប្រេងឥន្ធនៈថ្មី ដែលនឹងអនុវត្តចាប់ពីថ្ងៃទី១៤ ដល់ថ្ងៃទី១៦ ខែមីនា ឆ្នាំ២០២៦ ដោយប្រេងសាំងធម្មតានៅតែរក្សាតម្លៃ ៥,២០០រៀល ខណៈប្រេងម៉ាស៊ូតឡើងដល់ ៦,៤០០រៀល។ សេចក្តីជូនដំណឹងនេះត្រូវបានចេញដោយក្រសួងពាណិជ្ជកម្មនៅយប់ថ្ងៃទី១៣ មីនា ឆ្នាំ២០២៦ ដោយកំណត់តម្លៃលក់រាយនៅតាមស្ថានីយប្រេងទាំងអស់នៅទូទាំងប្រទេសកម្ពុជា។ នេះគឺជាផ្នែកមួយនៃយុទ្ធសាស្ត្ររបស់រាជរដ្ឋាភិបាលក្នុងការគ្រប់គ្រងតម្លៃប្រេងឥន្ធនៈដើម្បីជួយសម្រួលដល់ជីវភាពប្រជាពលរដ្ឋ។ យោងតាមក្រសួងពាណិជ្ជកម្ម រាជរដ្ឋាភិបាលបានបន្តបញ្ចុះតម្លៃលក់រាយប្រេងឥន្ធនៈចំនួន ៦,៥ សេនដុល្លារក្នុងមួយលីត្រ ដោយមានគោលបំណងជួយសម្រួលដល់ជីវភាពរបស់ប្រជាពលរដ្ឋ។…

ភ្នំពេញ៖ ក្រសួងធនធានទឹក និងឧតុនិយម បានចេញសេចក្ដីជូនដំណឹងព្រមានអំពីស្ថានភាពអាកាសធាតុដែលនឹងប៉ះពាល់ដល់ប្រទេសកម្ពុជា ចាប់ពីថ្ងៃទី១៤ ដល់ថ្ងៃទី១៦ ខែមីនា ឆ្នាំ២០២៦នេះ។ យោងតាមក្រសួង របបខ្យល់មូសុងឦសានដែលកំពុងបក់លើសមុទ្រចិនខាងត្បូង អាងទន្លេមេគង្គ និងសមុទ្រកម្ពុជា នឹងមានឥទ្ធិពលយ៉ាងខ្លាំងលើអាកាសធាតុនៅទូទាំងប្រទេស។ សម្រាប់តំបន់វាលទំនាប សីតុណ្ហភាពនឹងស្ថិតនៅចន្លោះ ២៣°C ដល់ ៣៦°C ដោយមានខ្យល់បក់មកពីទិសឦសាន និងទិសបូព៌ដែលមានល្បឿនមធ្យម…

ខេត្តកំពង់ស្ពឺ – កម្លាំងកងរាជអាវុធហត្ថក្រុងច្បារមនបានឃាត់ខ្លួនបុរសម្នាក់ដែលបានដេញកាប់ឪពុករបស់ខ្លួននៅក្នុងភូមិក្រាំងពលទេព សង្កាត់រការធំ ក្រុងច្បារមន។ ប្រភពពីកងរាជអាវុធហត្ថបានឱ្យដឹងថា កាលពីថ្ងៃទី១១ ខែមីនា ឆ្នាំ២០២៦ នៅម៉ោង១២:១០នាទី ក្រុមការងារប្រចាំមណ្ឌលប្រតិបត្តិការ Hotline 1292 នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ បានទទួលការហៅចូលពីប្រជាពលរដ្ឋម្នាក់ រាយការណ៍ប្តឹងសុំកិច្ចអន្តរាគមន៍ពីកម្លាំងកងរាជអាវុធហត្ថ ករណីប្រើអំពើហិង្សាក្នុងគ្រួសារ។ ក្រោយពីទទួលបានពាក្យបណ្តឹងភ្លាម នៅម៉ោង១២:៤៥នាទីនៃថ្ងៃដដែល កម្លាំងមូលដ្ឋានកងរាជអាវុធហត្ថក្រុងច្បារមនបានចុះទៅដល់ទីតាំងកើតហេតុ…

ភ្នំពេញ៖ ប្រធានពន្ធនាគារខេត្តស្ទឹងត្រែង លោក លីម វាសនា រួមជាមួយមន្ត្រីពន្ធនាគារចំនួន៣រូបទៀត ត្រូវបានឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ សម្រេចផ្អាកការងារ និងមុខងារជាបណ្ដោះអាសន្ន។ ការសម្រេចចិត្តនេះបានមកពីលិខិតសម្រេចរបស់អភិសន្តិបណ្ឌិត ស សុខា ដែលបានចេញនៅថ្ងៃទី១៣ ខែមីនា ឆ្នាំ២០២៦។ ការផ្អាកមុខងារនេះ កើតឡើងក្រោយពីមានការចែកចាយព័ត៌មានតាមបណ្ដាញសង្គមថា…

ខេត្តតាកែវ – ក្រោមអធិបតីភាពរបស់លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ និងលោក ភួន ឈីម អភិបាលស្រុកបាទី ពិធីប្រកាសផ្ទេរភារកិច្ចតែងតាំងមុខតំណែងថ្មីត្រូវបានប្រារព្ធឡើងនៅថ្ងៃទី១៣ ខែមីនា។ លោកវរសេនីយ៍ទោ មូល សារ៉ាត់ ដែលធ្លាប់បម្រើការជាអធិការរងនៃអធិការដ្ឋាននគរបាលស្រុកអង្គរបូរី ឥឡូវត្រូវបានតែងតាំងជាអធិការនគរបាលស្រុកបាទីជាផ្លូវការ។ ការតែងតាំងនេះធ្វើឡើងដើម្បីជំនួសលោកវរសេនីយ៍ឯក ឆាយ កែវមន្នី…

ភ្នំពេញ៖ សាលាដំបូងរាជធានីភ្នំពេញបានបើកសវនាការសាធារណៈនៅព្រឹកថ្ងៃទី១២ ខែមីនា ឆ្នាំ២០២៦ ដើម្បីផ្តន្ទាទោសជនជាប់ចោទសរុប៥នាក់ ក្នុងនោះមានអតីតអធិការរងស្រុកបវេល ខេត្តបាត់ដំបង និងបក្ខពួក៤នាក់ទៀត ដែលជាប់ពាក់ព័ន្ធពីបទប៉ុនប៉ងសូកប៉ាន់ និងសម្អាតប្រាក់។ សវនាការនេះដឹកនាំដោយលោក យ៉ែម តុលា ជាចៅក្រមជំនុំជម្រះ និងលោក ទុង រតនា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។ ជនជាប់ចោទទាំង៥នាក់មាន៖ ១.…

ភ្នំពេញ៖ ក្រសួងការបរទេស និងសហប្រតិបត្តិការអន្តរជាតិ បានធ្វើការតវ៉ាយ៉ាងខ្លាំងក្លាប្រឆាំងនឹងសកម្មភាពខុសច្បាប់របស់កងកម្លាំងប្រដាប់អាវុធថៃ ដែលបានរំលោភលើអធិបតេយ្យ និងបូរណភាពទឹកដីរបស់កម្ពុជា។ នៅចន្លោះថ្ងៃទី២៣-២៥ ខែកុម្ភៈ ឆ្នាំ២០២៦ បុគ្គលិកយោធា និងជនស៊ីវិលថៃបានធ្វើការសាងសង់ និងជីកកកាយខុសច្បាប់នៅលើពយភ្នំប្រាសាទព្រះវិហារ រួមទាំងការសាងសង់ប៉ុស្តិ៍យាម និងផ្លូវឆ្ពោះទៅកាន់វត្តកែវសិក្ខាគិរីស្វារៈ។ សកម្មភាពទាំងនេះផ្ទុយពីសាលក្រមតុលាការយុត្តិធម៌អន្តរជាតិឆ្នាំ១៩៦២ និង២០១៣។ កងកម្លាំងប្រដាប់អាវុធ និងព្រះសង្ឃថៃក៏បានបន្តសាងសង់ព្រះពុទ្ធរូបធំមួយអង្គនៅតំបន់បុស្សស្បូវ-ជាំតែ ស្រុកជាំក្សាន្ត ខេត្តព្រះវិហារ…