ជីវិត និងសង្គម

ភ្នំពេញ៖ ប្រធានាធិបតីអាមេរិក លោក ដូណាល់ ត្រាំ បានសម្ដែងការគោរពចំពោះសពទាហានអាមេរិកដែលស្លាប់ក្នុងសង្គ្រាមអ៊ីរ៉ង់ ប៉ុន្តែអះអាងថា ប្រតិបត្តិការយោធាកំពុងដំណើរការទៅយ៉ាងល្អ។ កងទ័ពអាមេរិកប្រកាសនាថ្ងៃទី៨ មីនា ថា ទាហានអាមេរិកទី៧បានត្រូវស្លាប់ក្នុងសង្គ្រាមប្រឆាំងអ៊ីរ៉ង់ ដោយទាហាននោះស្លាប់មកពីរបួសធ្ងន់ពេក ពេលអ៊ីរ៉ង់វាយប្រហារលើអារ៉ាប៊ីសាអូឌីត កាលពីដើមខែមីនា។ តាមបណ្ដាញសង្គម ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈិមបូព៌ាសរសេរថា ទាហានអាមេរិកថ្មីដែលស្លាប់នោះ គឺក្រោយពីរងរបួសធ្ងន់ ក្នុងការវាយប្រហារដំបូងៗរបស់អ៊ីរ៉ង់ក្នុងតំបន់។…

ខេត្តកំពង់ស្ពឺ – ករណីហិង្សាដ៏គួរឱ្យភ្ញាក់ផ្អើលបានកើតឡើងនៅស្រុកគងពិសី នៅពេលដែលប្តីវ័យចំណាស់ម្នាក់ដោយសារអន់ចិត្តជាមួយប្រពន្ធក្មេង បានទាញដាវកាប់ឪពុកក្មេករបស់ខ្លួន បណ្តាលឱ្យរងរបួសធ្ងន់ដៃខាងឆ្វេងដេរជិត២០ថ្នេរ។ ហេតុការណ៍នេះបានកើតឡើងនៅវេលាម៉ោង០២និង៥៤នាទីរសៀលថ្ងៃទី៨ ខែមីនា ឆ្នាំ២០២៦ នៅភូមិត្រពាំងជ្រៃ ឃុំព្រៃវិហារ ស្រុកគងពិសី។ ជនសង្ស័យដៃដល់គឺ ប្រាក់ សុផាត អាយុ៦៤ឆ្នាំ ដែលជាកូនប្រសាររបស់ជនរងគ្រោះ។ តាមការបញ្ជាក់ពីនគរបាលស្រុកគងពិសី បុរសជាប្តីវ័យចំណាស់នេះបានជិះរ៉ឺម៉កមកដល់ផ្ទះឪពុកក្មេក ហើយស្រែកហៅប្រពន្ធឈ្មោះ…

ខេត្តក្រចេះ៖ មន្ទីរសាធារណការ និងដឹកជញ្ជូនខេត្តក្រចេះ បានចេញប្រកាសផ្អាកចរាចរណ៍បណ្ដោះអាសន្នសម្រាប់យានយន្តធុនធំ ចាប់ពីថ្ងៃទី១០ ខែមីនា ឆ្នាំ២០២៦ តទៅ ដើម្បីធានាសុវត្ថិភាពក្នុងការសាងសង់ស្ពានព្រែកសំរោងថ្មី។ យោងតាមប្រកាសផ្លូវការនាព្រឹកថ្ងៃទី៩ មីនា ឆ្នាំ២០២៦ រថយន្តធុនធំគ្រប់ប្រភេទដែលមានទម្ងន់លើសពី១៥តោន នឹងត្រូវហាមឃាត់មិនឱ្យធ្វើចរាចរណ៍លើកំណាត់ផ្លូវខេត្តលេខ៣៧១ (ឆ្លូង-រកាខ្នុរ)។ ការហាមឃាត់នេះគឺដើម្បីអនុញ្ញាតឱ្យក្រុមអ្នកសាងសង់រុះរើស្ពានដែកបេឡេត៍ចាស់ រួចសាងសង់ស្ពានបេតុងសរសៃដែកថ្មីនៅតំបន់ឃុំខ្សាច់អណ្ដែត ស្រុកឆ្លូង។ ទោះជាយ៉ាងណា រថយន្តធុនតូច…

អន្តរជាតិ៖ តម្លៃមាសអន្តរជាតិបានធ្លាក់ចុះយ៉ាងខ្លាំងក្នុងថ្ងៃទី៩ ខែមីនា ឆ្នាំ២០២៦ ដោយសារសម្ពាធពីប្រាក់ដុល្លារអាមេរិកកើនឡើង និងការព្រួយបារម្ភពីអត្រាការប្រាក់ខ្ពស់។ ការធ្លាក់ចុះនេះកើតឡើងទោះបីសង្គ្រាមនៅតំបន់មជ្ឈិមបូព៌ាបានបន្តដល់សប្ដាហ៍ទី២ ហើយប្រេងឆៅអន្តរជាតិបានកើនលើសពី១១០ដុល្លារក្នុង១បារ៉ែលក៏ដោយ។ តម្លៃមាសអន្តរជាតិធ្លាក់ចុះដល់២,៥% មកនៅក្រោម៥,០៥០ដុល្លារក្នុងមួយអោន ឬ៦០៨៤ដុល្លារក្នុង១តម្លឹង ក្នុងការជួញដូរដំបូងនៃថ្ងៃទី៩មីនា។ តម្លៃក្រោយមករក្សាត្រឹម៥០៧៥ដុល្លារ/អោន ឬ៦១១៤ដុល្លារ/តម្លឹង គិតត្រឹមម៉ោង៩:៣០ព្រឹក (ម៉ោងកម្ពុជា)។ ក្រុមហ៊ុនផលិតប្រេងធំៗនៅតំបន់ឈូងសមុទ្រពែក្សបានកាត់បន្ថយផលិតផល ដោយសារសង្គ្រាមអាមេរិក និងអ៊ីស្រាអែលជាមួយអ៊ីរ៉ង់ ដែលមិនទាន់បង្ហាញសញ្ញាថមថយ។…

រាជធានីភ្នំពេញ៖ រដ្ឋមន្ត្រីក្រសួងរ៉ែ និងថាមពល ឯកឧត្តម កែវ រតនៈ បានចេញការព្រមានយ៉ាងធ្ងន់ធ្ងរទៅកាន់ស្ថានីយប្រេងឥន្ធនៈទាំងអស់ ដែលឆ្លៀតឱកាសផ្ទុកប្រេងសាំងទុកច្រើន ហើយបិទទ្វារមិនលក់ ដើម្បីទុកដំឡើងថ្លៃ។ ការព្រមាននេះត្រូវបានថ្លែងកាលពីថ្ងៃទី៨ មីនា ឆ្នាំ២០២៦ ដោយឯកឧត្តមរដ្ឋមន្ត្រីបានបញ្ជាក់យ៉ាងច្បាស់ថា៖ «ស្ថានីយប្រេងឥន្ធនៈណា ដែលឆ្លៀតឱកាសផ្ទុកប្រេងសាំងទុកដ៏ច្រើន ហើយបិទទ្វារមិនលក់ ដើម្បីទុកដំឡើងថ្លៃ នោះក៏ប្រឈមនឹងត្រូវបិទសិទ្ធិលែងឱ្យលក់មួយជីវិតដូចគ្នាផងដែរ»។ ក្នុងសប្តាហ៍ខាងមុខនេះ…

ខេត្តស្វាយរៀង – អគ្គនាយកដ្ឋានពន្ធនាគារបានធ្វើការផ្ទេរទណ្ឌិតចំនួន ១៦២ នាក់ចេញពីពន្ធនាគារខេត្តស្វាយរៀង ទៅកាន់មណ្ឌលអប់រំកែប្រែទី៣ (ម៣) ក្នុងគោលបំណងរំដោះភាពចង្អៀតណែននៅក្នុងពន្ធនាគារ។ ជាក់ស្តែងបើយោងតាមផេកអគ្គនាយកដ្ឋានពន្ធនាគារ បានប្រកាសនាថ្ងៃទី០៧ ខែមីនា ឆ្នាំ២០២៦នេះថា ទណ្ឌិតចំនួន១៦២នាក់ ត្រូវបានផ្ទេរចេញពីពន្ធនាគារខេត្តស្វាយរៀង ទៅកាន់មណ្ឌលអប់រំកែប្រែទី៣ ដើម្បីរំដោះភាពចង្អៀតណែន។ ដោយបានការអនុញ្ញាតជាគោលការណ៍ដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី…

ភ្នំពេញ៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃកម្ពុជា នឹងអញ្ជើញទៅបំពេញទស្សនកិច្ចផ្លូវការនៅសាធារណរដ្ឋសិង្ហបុរី ពីថ្ងៃទី១០ ដល់ថ្ងៃទី១១ ខែមីនា ឆ្នាំ២០២៦។ ការបំពេញទស្សនកិច្ចរបស់ប្រមុខការទូតកម្ពុជាតបតាមការអញ្ជើញរបស់លោកបណ្ឌិត វីរៀន បាឡាគ្រឹស្សណាន់ រដ្ឋមន្ត្រីការបរទេសសិង្ហបុរី។ នេះបើតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា។ ប្រភពបានឱ្យដឹងថា ក្នុងអំឡុងពេលទស្សនកិច្ចនេះ ឯកឧត្តម…

សង្គ្រាមអ៉ីរ៉ង់បានឈានដល់ដំណាក់កាលថ្មី នៅពេលដែលទីតាំងស្តុកប្រេងចំនួន៦កន្លែងនៅក្រុងតេហេរ៉ង់ត្រូវបានវាយប្រហារដោយកងកម្លាំងអាមេរិក និងអ៉ីស្រាអែលនៅយប់ថ្ងៃទី៧-៨មីនា។ ការវាយប្រហារនេះបណ្តាលឱ្យមនុស្ស៤នាក់ស្លាប់ និងធ្វើឱ្យការចែកចាយប្រេងនៅរដ្ឋធានីត្រូវផ្អាកបណ្តោះអាសន្ន។ លោកកេរ៉ាម៉ាត វេសាករ៉ាមី ប្រធានក្រុមហ៊ុនជាតិចែកចាយផលិតផលប្រេងអ៉ីរ៉ង់បញ្ជាក់ថា ទីតាំងប្រេង៦កន្លែងរងការវាយប្រហារ និងរងការខូចខាត ដោយក្នុងចំណោមនិយោជិត៤នាក់ដែលស្លាប់ មានអ្នកបើករថយន្ត២នាក់។ នេះជាការវាយប្រហារលើកដំបូងប្រឆាំងហេដ្ឋារចនាសម្ព័ន្ធថាមពលអ៉ីរ៉ង់តាំងពីចាប់ផ្តើមសង្គ្រាម។ អភិបាលក្រុងតេហេរ៉ង់លោកម៉ូហាំម៉ាដ ដាដេស ម៉ូតាមេឌីយ៉ានបានប្រកាសផ្អាកការចែកចាយប្រេងបណ្តោះអាសន្ន ដោយលោកអះអាងថាសភាពការណ៍កំពុងតែដោះស្រាយ។ កងទ័ពអ៉ីស្រាអែលបានទទួលស្គាល់ការវាយប្រហារអាងស្តុកប្រេងជាច្រើន ដោយអះអាងថាអ៉ីរ៉ង់ប្រើទីតាំងទាំងនេះសម្រាប់ដំណើរការហេដ្ឋារចនាសម្ព័ន្ធយោធា។ សង្គ្រាមនៅអ៉ីរ៉ង់បានឈានចូលថ្ងៃទី៩…

រាជធានីភ្នំពេញ៖ អ្នកនាំពាក្យរាជរដ្ឋាភិបាល បានបញ្ជាក់ថា មកទល់ពេលនេះ មានពលរដ្ឋភៀសសឹកសរុបជិត៩៣% បានវិលត្រឡប់ទៅផ្ទះសម្បែងវិញ ខណៈជាង៤ម៉ឺន៥ពាន់នាក់នៅមិនទាន់អាចត្រឡប់ទៅវិញនៅឡើយ។ ក្នុងសន្និសីទប្រចាំថ្ងៃនាព្រឹកថ្ងៃទី០៩ ខែមីនា ឆ្នាំ២០២៦ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានលើកឡើងថា រាជរដ្ឋាភិបាល និងថ្នាក់ដឹកនាំដែលមានសម្តេចតេជោ ហ៊ុន សែន ប្រធានព្រឹទ្ធសភា…

ខេត្តស្វាយរៀង – អាជ្ញាធរខេត្តស្វាយរៀងបានចុះដោះស្រាយវិវាទការងារបន្ទាន់ បន្ទាប់ពីក្រុមហ៊ុនសាងសង់ខកខានបើកប្រាក់ឈ្នួលជាលើកទី២ដល់កម្មករនៅក្រុងបាវិត។ ក្រោមការដឹកនាំរបស់លោក ប៉េង ពោធិ៍សា អភិបាលខេត្តស្វាយរៀង ក្រុមការងារចម្រុះដឹកនាំដោយលោក ម៉ែន អេង អភិបាលរង បានចុះទៅការដ្ឋានសំណង់អគារក្រុមហ៊ុន រេឌាន ភើល អិនវេសមេន លីមីធីត នៅភូមិថ្នល់កែង សង្កាត់បាទី ក្រុងបាវិត…