ព័ត៌មានជាតិ

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា បញ្ហាព្រំដែនជាមួយថៃគឺជាបញ្ហាស្មុគស្មាញដែលបន្សល់ទុករាប់រយឆ្នាំមកហើយ ដែលត្រូវដោះស្រាយដោយសន្តិវិធី។ សម្តេចបានបញ្ជាក់ថា ការវាស់វែងនិងបោះបង្គោលព្រំដែនបណ្តោះអាសន្ននៅចន្លោះបង្គោលលេខ៤២-៤៧ និង៥២-៥៩ មិនមែនជាការងារថ្មីទេ ប៉ុន្តែជាការបន្តការងារបច្ចេកទេសដែលធ្វើជិត២០ឆ្នាំមកហើយ។ ការងារនេះធ្វើឡើងយ៉ាងហ្មត់ចត់ ដោយផ្អែកលើឯកសារគតិយុត្តពីសម័យអាណាព្យាបាលបារាំង ដើម្បីធានាភាពត្រឹមត្រូវ តម្លាភាព និងការពារអធិបតេយ្យភាពកម្ពុជា។ សម្តេចបានច្រានចោលការចោទប្រកាន់ថាការងារនេះធ្វើឡើងដោយប្រញ៉ាប់ប្រញ៉ាល់ និងបញ្ជាក់ថាគោលដៅចម្បងគឺកំណត់ខ្សែព្រំដែនដែលត្រឹមត្រូវ…

ភ្នំពេញ៖ លោក ទន់សារ៉ាត រដ្ឋលេខាធិការក្រសួងព័ត៌មាន បានដឹកនាំគណៈប្រតិភូទៅខេត្តយូណាន ប្រទេសចិន ដើម្បីចូលរួមកម្មវិធីសប្តាហ៍សោតទស្សន៍ ឡានឆាង-មេគង្គ (LMAW) និងកម្មវិធីសប្ដាហ៍ភាពយន្តអន្តរជាតិ ឡានឆាង-មេគង្គ លើកទី៧។ កម្មវិធីនេះត្រូវបានរៀបចំឡើងដោយអគ្គស្ថានីយវិទ្យុ និងទូរទស្សន៍មជ្ឈឹមនៃប្រទេសចិន ហើយបានប្រារព្ធដោយជោគជ័យក្នុងរយៈពេល៥ឆ្នាំជាប់ៗគ្នា។ កម្មវិធីនេះមានបំណងលើកកម្ពស់វប្បធម៌នៃតំបន់ទន្លេឡានឆាង-មេគង្គ និងគោលគំនិតអំពីសហគមន៍វាសនារួមមនុស្សជាតិ។ កម្មវិធីនឹងប្រព្រឹត្តទៅចាប់ពីថ្ងៃទី២៦ ខែវិច្ឆិកា ដល់ថ្ងៃទី២…

(រាជធានីភ្នំពេញ)៖ នៅថ្ងៃទី២៥ ខែវិច្ឆិកា ឆ្នាំ២០២៥ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឱ្យដឹងថា ជនសង្ស័យម្នាក់ ដែលធ្វើសកម្មភាពលួចយកម៉ូតូពីនារីម្នាក់ នៅសង្កាត់ទឹកល្អក់ទី៣ ត្រូវសមត្ថកិច្ចនគរបាលខណ្ឌទួលគោក ឃាត់ខ្លួន។ នៅវេលាម៉ោងប្រហែល១០:៣០នាទីព្រឹក កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនជនសង្ស័យ០១នាក់ ពាក់ព័ន្ធករណីលួចយកម៉ូតូ នៅចំណុចផ្លូវរថភ្លើង ភូមិ១៧…

រាជធានីភ្នំពេញ៖ នគរបាលព្រហ្មទណ្ឌកម្រិតធ្ងន់ស្រាល បានបង្ហាញមុខជនសង្ស័យចំនួន ៥នាក់ ក្រោយប្រព្រឹត្តបទល្មើសធ្ងន់ធ្ងរចំនួន ៣ករណី នៅក្នុងរាជធានីភ្នំពេញ។ កាលពីរសៀលថ្ងៃទី២៥ ខែវិច្ឆិកា ឆ្នាំ២០២៥ នៅស្នងការដ្ឋាននគរបាលរាជធានីភ្នំពេញ ការិយាល័យព្រហ្មទណ្ឌកម្រិតធ្ងន់ស្រាល បានយកជនសង្ស័យទាំង ៥នាក់មកបង្ហាញមុខជាសាធារណៈ។ លោក វរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់ បានបញ្ជាក់ថា…

ភ្នំពេញ ៖ នៅល្ងាចថ្ងៃទី២៦ ខែវិច្ឆិកា ឆ្នាំ២០២៥ លោក សុខ ឥសាន បានរៀបរាប់ពីបញ្ហាសំខាន់ៗពាក់ព័ន្ធកម្ពុជា ដោយលើកយកចំណុចសំខាន់ៗចំនួន ១០ ដូចខាងក្រោម ៖ ១- ការវាស់វែងបោះបង្គោលព្រំដែនរបស់ក្រុមច្ចេកទេសវាស់វែងព្រំដែនធ្វើការរួមជាមួយគ្នារវាងក្រុមបច្ចេកទេសកម្ពុជា និងក្រុមបច្ចេកទេសសៀម ដោយមិនមែនធ្វើការដោយឡែកពីគ្នាទេ។ ២- រាជរដ្ឋាភិបាលកម្ពុជាធ្វើអ្វីទៅតាមគោលការណ៍របស់រាជរដ្ឋាភិបាល មិនមែនធ្វើនិងរត់តាមពាក្យសំដីរបស់ក្រុមអ្នកមាត់ដាចនៅក្រៅប្រទេសទេ។…

ភ្នំពេញ៖ ការចោទប្រកាន់របស់ភាគីថៃថាកម្ពុជាដាក់មីនថ្មីតាមព្រំដែនត្រូវបានអ្នកវិភាគមើលឃើញថាជាយុទ្ធសាស្ត្រ «តម្រិះជិះកឯង» ដែលគ្រាន់តែជាលេសដើម្បីបង្ខូចឈ្មោះកម្ពុជាលើឆាកអន្តរជាតិ។ យោងតាមការវិភាគ កម្ពុជាដែលជាប្រទេសដែលធ្លាប់ឆ្លងកាត់សង្គ្រាមស៊ីវិលជិត៣ទសវត្សរ៍ បានខិតខំយ៉ាងខ្លាំងក្នុងការដោះមីននិងគ្រាប់មិនទាន់ផ្ទុះជាង៤លានគ្រាប់ រហូតក្លាយជាប្រទេសគំរូក្នុងការដោះមីនដែលទទួលបានការកោតសរសើរពីអង្គការសហប្រជាជាតិ។ ការដើរជាន់មីនរបស់ទាហានថៃបង្ហាញរូបភាពពីរយ៉ាង៖ ប្រសិនបើការផ្ទុះកើតឡើងនៅលើទឹកដីថៃ ច្បាស់ណាស់ថាជាការទទួលខុសត្រូវរបស់ថៃ ពីព្រោះប្រទេសថៃមិនធ្លាប់មានសង្គ្រាមស៊ីវិលទេ។ ប្រសិនបើការផ្ទុះនោះស្ថិតនៅលើដីខ្មែរ នោះគឺជាមីនដែលសល់ពីសង្គ្រាមដែលទាហានថៃទន្ទ្រានចូលនិងដើរជាន់។ អ្នកវិភាគបានចង្អុលបង្ហាញថា ការរៀបចំសេណារីយ៉ូរឿងគ្រាប់មីនរបស់ថៃគឺជាការភាន់ច្រឡំដ៏ធំមួយ ពីព្រោះថៃខ្លួនឯងបានបង្ហាញភស្តុតាងជារៀងរាល់ថ្ងៃថាខ្លួនជាអ្នកគំរាមកំហែងឱ្យផ្ទុះសង្គ្រាម និងជាអ្នកបង្កហេតុ។ ដោយ វង្ស…

ភ្នំពេញ៖ ហេតុការណ៍គ្រោះថ្នាក់ចរាចរណ៍ដ៏សែនឈឺចាប់បានកើតឡើងនៅយប់ថ្ងៃទី២៤ ខែវិច្ឆិកា នៅតាមផ្លូវជាតិលេខ៦ សង្កាត់បាក់ខែង ខណ្ឌជ្រោយចង្វារ ក្រោយពេលរថយន្តស៊េរីទំនើបមួយគ្រឿងបួងចង្កូតបត់ចូលបុរីយ៉ាងជ្រុល។ តាមប្រភពព័ត៌មានបានឱ្យដឹងថា យុវជនពីរនាក់ជិះម៉ូតូម៉ាកហុងដាឌ្រីមសង់ C125 បានធ្វើដំណើរតាមផ្លូវជាតិលេខ 6A ក្នុងល្បឿនលឿន។ លុះពេលមកដល់ចំណុចកើតហេតុ រថយន្តស៊េរីទំនើបម៉ាក DONG FENG បានបត់ចង្កូតចូលបុរីយ៉ាងលឿន ហើយជ្រុលទៅបុកម៉ូតូពេញទំហឹង។ ការបុកប៉ើងនេះបណ្ដាលឲ្យយុវជនម្នាក់បោកក្បាលនឹងខឿនផ្លូវស្លាប់ភ្លាមៗ…

ខេត្តកំពង់ស្ពឺ៖ នៅរសៀលថ្ងៃទី២៦ខែវិច្ឆិកា ឆ្នាំ២០២៥ ការិយាល័យស្នងការដ្ឋាននគរបាលខេត្តកំពង់ស្ពឺបានប្រកាសពីប្រតិបត្តិការចាប់ខ្លួនយុវជន៧នាក់ពាក់ព័ន្ធនឹងរឿងហិង្សាកាប់ចាក់យុវជនម្នាក់នៅមុខក្លឹបប៊ីឌីអរ។ ហេតុការណ៍នេះបានកើតឡើងនៅយប់ថ្ងៃទី២៤វិច្ឆិកា នៅមុខក្លឹបប៊ីឌីអរ ដែលស្ថិតនៅផ្លូវជាតិលេខ៤១ ភូមិឧកញ៉ាទេព ឃុំត្រពាំងគង ស្រុកសំរោងទង។ ជនរងគ្រោះឈ្មោះ ជុន កែវមេសា អាយុ១៧ឆ្នាំ ត្រូវបានកាប់ចាក់នៅខ្នងដៃ និងខ្នងជើងខាងឆ្វេង បណ្តាលឱ្យរបួសធ្ងន់ ហើយត្រូវបានគ្រួសារយកទៅព្យាបាលនៅមន្ទីរពេទ្យតេជោសន្តិភាព រាជធានីភ្នំពេញ។ ក្រោមការដឹកនាំរបស់លោកឧត្តមសេនីយ៍ទោ…

ភ្នំពេញ៖ សម្តេចធិបតី ហ៊ុន សែន បានអះអាងថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្នរវាងកម្ពុជា-ថៃ មិនមែនដើម្បីគណនាអំពីការចំណេញឬខាតដីនោះទេ ប៉ុន្តែគោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែង។ ការវាស់វែងនេះធ្វើឡើងដោយផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ ដើម្បីបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់។ សម្តេចបានបញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីរបស់ប្រទេសជិតខាង ប៉ុន្តែកម្ពុជាក៏មិនយល់ព្រមឱ្យមានការរំលោភបំពានលើដែនអធិបតេយ្យរបស់ខ្លួនដែរ។ ការវាស់វែងនិងបោះបង្គោលព្រំដែនបណ្តោះអាសន្ននេះ គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនអាចបន្តជីវភាពរស់នៅជាប្រក្រតីឡើងវិញ។ ក្រោយពីការវាស់វែងបានបញ្ចប់ ក្រុមការងារចម្រុះនៃប្រទេសទាំងពីរ…

ភ្នំពេញ៖ ក្រសួងសាធារណការ និងដឹកជញ្ជូន បានចេញសេចក្តីជូនដំណឹងដល់សាធារណជន និងអ្នកបើកបរទាំងអស់ អំពីការបិទចរាចរណ៍តាមផ្លូវជាតិលេខ២ ដោយសារការអនុវត្តរំកិលឆ្នើមស្ពាននៅគម្រោងសាងសង់ស្ពានឆ្លងកាត់ទន្លេបាសាក់។ ការរំកិលឆ្នើមស្ពាននឹងធ្វើឡើងនៅចន្លោះសសរស្ពានទី៥ កាត់រំលងផ្លូវជាតិលេខ២ (ក្បែរសាលា ACE) ចាប់ពីថ្ងៃទី២៩ ខែវិច្ឆិកា ឆ្នាំ២០២៥ ដល់ថ្ងៃទី១ ខែធ្នូ ឆ្នាំ២០២៥ ពីម៉ោង៦ព្រឹក ដល់ម៉ោង៤រសៀល។ ដើម្បីសុវត្ថិភាព…