ព័ត៌មានអន្ដរជាតិ

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានប្រកាសនៅថ្ងៃចន្ទថា សង្គ្រាមនៅអ៊ីរ៉ង់បានសម្រេចគោលដៅជាងពាក់កណ្តាលហើយ ប៉ុន្តែគាត់បដិសេធកំណត់ពេលវេលាច្បាស់លាស់ថាតើពេលណាវានឹងបញ្ចប់។ យោងតាមរបាយការណ៍ពី CNA និង AFP កាលពីថ្ងៃទី៣១ ខែមីនា ឆ្នាំ២០២៦ លោកណេតាន់យ៉ាហ៊ូបានផ្តល់សម្ភាសន៍ដល់អ្នកផ្សាយព័ត៌មានអាមេរិក Newsmax ដោយបញ្ជាក់ថា៖ «វាពិតជាហួសពីចំណុចកណ្តាលហើយ។ ប៉ុន្តែខ្ញុំមិនចង់កំណត់ពេលវេលាលើសង្គ្រាមនេះនោះទេ»។ លោកបន្ថែមថា៖…

សភាពការណ៍នៅមជ្ឈិមបូព៌ាកំពុងតែក្លាយទៅជាស្មុគស្មាញថែមទៀត បន្ទាប់ពីលោកបេនចាមីន ណេតាន់យ៉ាហ៊ូ នាយករដ្ឋមន្ត្រីអ៊ីស្រាអែល បានប្រកាសយ៉ាងច្បាស់លាស់ទៅកាន់រដ្ឋាភិបាលអាមេរិកថា ទោះបីជាក្រុងវ៉ាស៊ីនតោន និងអ៊ីរ៉ង់អាចឈានដល់កិច្ចព្រមព្រៀងសន្តិភាពណាមួយក៏ដោយ ក៏អ៊ីស្រាអែលនឹងមិនបញ្ឈប់ការវាយប្រហារយោធារបស់ខ្លួននៅក្នុងប្រទេសលីបង់ឡើយ។ យោងតាមរបាយការណ៍ពីទីភ្នាក់ងារព័ត៌មាន Anadolu ដែលចុះផ្សាយនៅថ្ងៃទី៣១ ខែមីនា ឆ្នាំ២០២៦ លោកណេតាន់យ៉ាហ៊ូបានបញ្ជាក់ក្នុងកិច្ចពិភាក្សាផ្ទៃក្នុងថា គោលដៅចម្បងរបស់អ៊ីស្រាអែលគឺត្រូវតែដេញក្រុមហេសបូឡាឲ្យចេញឆ្ងាយពីព្រំដែន រហូតដល់ហួសទន្លេ Litani ទើបលោកអស់ចិត្ត។ អ្វីដែលគួរឲ្យភ្ញាក់ផ្អើលនោះគឺ មន្ត្រីជាន់ខ្ពស់របស់អ៊ីស្រាអែលបានបង្ហើបថា…

ភ្នំពេញ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ ទំនងស្នើសុំឲ្យប្រទេសនៅឈូងសមុទ្រចូលរួមចេញថ្លៃចំណាយសង្គ្រាមប្រឆាំងនឹងអ៊ីរ៉ង់ ដែលមានតម្លៃរាប់សិបពាន់លានដុល្លារ។ សេចក្តីរាយការណ៍ពីសារព័ត៌មាន Financial Times និង Al Jazeera បង្ហាញថា លោកត្រាំចាប់អារម្មណ៍យ៉ាងខ្លាំងក្នុងការអំពាវនាវឱ្យប្រទេសឈូងសមុទ្រចេញថ្លៃចំណាយសង្គ្រាមនេះ។ នៅក្នុងសន្និសីទសារព័ត៌មានមួយ អ្នកនាំពាក្យសេតវិមាន លោកស្រី Karoline Leavitt…

អ្នកការទូតកំពូលចិនប្រចាំនៅហុងកុង បានជួបជាមួយអគ្គកុងស៊ុលអាមេរិក ដើម្បីតវ៉ាយ៉ាងខ្លាំងទាក់ទងនឹងការជូនដំណឹងសាធារណៈរបស់វ៉ាស៊ីនតោន អំពីច្បាប់សន្តិសុខថ្មីនៅលើទឹកដីហុងកុង។ ការិយាល័យហុងកុងរបស់ក្រសួងការបរទេសចិនបានចេញសេចក្តីថ្លែងការណ៍ថា លោក Cui Jianchun បានជួបជាមួយអគ្គកុងស៊ុលសហរដ្ឋអាមេរិកលោកស្រី Julie Eadeh កាលពីថ្ងៃទី២៧មីនា ហើយបានសម្តែងការមិនពេញចិត្តយ៉ាងខ្លាំង និងប្រឆាំងយ៉ាងម៉ឺងម៉ាត់។ ភាគីចិនបានជំរុញឲ្យទីក្រុងវ៉ាស៊ីនតោន ឈប់ជ្រៀតជ្រែកក្នុងកិច្ចការរបស់ហុងកុង រួមទាំងកិច្ចការផ្ទៃក្នុងរបស់ប្រទេសចិន ទោះ «ក្នុងទម្រង់ណាមួយ» ក៏ដោយ។…

ភ្នំពេញ – លោកស្រី Cheng Li-wun ប្រធានគណបក្ស Kuomintang ដែលជាបក្សប្រឆាំងធំជាងគេនៅតៃវ៉ាន់ បានសម្រេចចិត្តទទួលយកការអញ្ជើញពីលោកប្រធានាធិបតីស៊ី ជិនពីង ដើម្បីធ្វើទស្សនកិច្ចនៅចិនដីគោកក្នុងខែមេសាខាងមុខ។ លោកស្រី Cheng ដែលទើបតែជាប់ឆ្នោតជាប្រធានបក្សកាលពីខែតុលាឆ្នាំមុន បានបង្ហាញពីសញ្ញាចង់ពង្រឹងទំនាក់ទំនងជាមួយក្រុងប៉េកាំងឱ្យកាន់តែរឹងមាំ។ នេះជាជំហានសំខាន់ក្នុងការស្វែងរកដំណោះស្រាយសន្តិភាពនៅតំបន់ច្រកសមុទ្រតៃវ៉ាន់។ យោងតាមទីភ្នាក់ងារព័ត៌មានរ៉យទ័រ ដំណើរទស្សនកិច្ចនេះនឹងប្រព្រឹត្តទៅចាប់ពីថ្ងៃទី៧ ដល់ថ្ងៃទី១២ ខែមេសា…

ឥណ្ឌូណេស៊ីបានចេញសេចក្តីថ្លែងការណ៍ដាក់ទោសយ៉ាងខ្លាំង បន្ទាប់ពីកងកម្លាំងសន្តិភាពរបស់ខ្លួនចំនួន៣នាក់ត្រូវបានសម្លាប់នៅក្នុងប្រទេសលីបង់ ដោយការវាយប្រហាររបស់អ៊ីស្រាអែល។ រដ្ឋាភិបាលឥណ្ឌូណេស៊ីបានជំរុញឲ្យគ្រប់ភាគីជម្លោះនៅតំបន់មជ្ឈិមបូព៌ា «គោរពច្បាប់មនុស្សធម៌អន្តរជាតិ» និងអំពាវនាវឲ្យមានកិច្ចប្រជុំបន្ទាន់របស់ក្រុមប្រឹក្សាសន្តិសុខអង្គការសហប្រជាជាតិ។ លោក Rico Ricardo Sirait អ្នកនាំពាក្យក្រសួងការពារជាតិឥណ្ឌូណេស៊ីបានបញ្ជាក់ថា៖ «សុវត្ថិភាពរបស់កងទ័ពរក្សាសន្តិភាពត្រូវតែជាអាទិភាពចម្បង។ គ្រប់ភាគីជម្លោះទាំងអស់ត្រូវបានជំរុញឲ្យគោរពច្បាប់មនុស្សធម៌អន្តរជាតិ និងធានាសុវត្ថិភាពរបស់បុគ្គលិករក្សាសន្តិភាព»។ កងកម្លាំងបណ្ដោះអាសន្នរបស់អង្គការសហប្រជាជាតិប្រចាំប្រទេសលីបង់ (UNIFIL) បានរបាយការណ៍ថា បុគ្គលិកពីរនាក់ត្រូវបានសម្លាប់កាលពីថ្ងៃចន្ទទី៣០មីនា និងម្នាក់ទៀតបានស្លាប់នៅយប់ថ្ងៃអាទិត្យ បន្ទាប់ពីគ្រាប់ផ្លោងវាយប្រហារទីតាំងរបស់ពួកគេ។…

ភ្នំពេញ – អ្នកនាំពាក្យក្រសួងការបរទេសចិន លោកស្រី Mao Ning បានប្រកាសនៅថ្ងៃអង្គារទី៣១ មីនា ថា កប៉ាល់ដឹកទំនិញចិនចំនួន៣គ្រឿងបានឆ្លងកាត់ច្រកសមុទ្រហ័រមូហ្សដោយសុវត្ថិភាព បន្ទាប់ពីមានការសម្របសម្រួលជាមួយភាគីពាក់ព័ន្ធ។ ការប្រកាសនេះធ្វើឡើងក្រោយពីមានព័ត៌មានថា អ៊ីរ៉ង់បានអនុញ្ញាតឱ្យកប៉ាល់របស់ប្រទេសមួយចំនួនឆ្លងកាត់ច្រកសមុទ្រដែលត្រូវបានបិទក្រោយជម្លោះរវាងអ៊ីស្រាអែល សហរដ្ឋអាមេរិក និងអ៊ីរ៉ង់ផ្ទុះឡើងកាលពីចុងខែមុន។ លោកស្រី Mao បានថ្លែងថា៖ «ច្រកសមុទ្រហ័រមូហ្ស និងដែនទឹកជុំវិញ…

សង្គ្រាមនៅមជ្ឈិមបូព៌ា កំពុងបង្ហាញយ៉ាងច្បាស់នូវភាពបែកបាក់រវាងសហរដ្ឋអាមេរិក និងសហភាពអឺរ៉ុប ដោយមានប្រទេសខ្លះគាំទ្រលោក ដូណាល់ ត្រាំ ក្នុងការវាយប្រហារអ៊ីរ៉ង់ ខណៈអេស្ប៉ាញជាដើមជំទាស់យ៉ាងខ្លាំង។ អឺរ៉ុបបានព្រមានជាប្រចាំថា ប្រសិនបើរុស្ស៊ីទទួលជោគជ័យនៅអ៊ុយក្រែន លោក វ្ល៉ាឌីមៀរ ពូទីន នឹងបន្តផែនការវាយលុកប្រទេសអឺរ៉ុបផ្សេងទៀត ដែលធ្វើឲ្យសម្ព័ន្ធមិត្តអឺរ៉ុបព្រួយបារម្ភ។ បញ្ហាធ្ងន់ធ្ងរបន្ថែមគឺ ប្រធានាធិបតីអាមេរិក ដូណាល់ ត្រាំ មិនសប្បាយចិត្តជាមួយសហភាពអឺរ៉ុប…

ប្រទេសបារាំងបានអំពាវនាវឲ្យមានការកោះប្រជុំបន្ទាន់នៅក្រុមប្រឹក្សាសន្តិសុខអង្គការសហប្រជាជាតិ (UNSC) បន្ទាប់ពីកងរក្សាសន្តិភាព UN ស្លាប់នៅលីបង់ ដោយសារការវាយប្រហាររបស់អ៊ីស្រាអែល។ បង្ហោះសារលើបណ្តាញសង្គម X កាលពីថ្ងៃចន្ទទី៣០ខែមីនាឆ្នាំ២០២៦ រដ្ឋមន្ត្រីការបរទេសបារាំង Jean-Noel Barrot បានថ្កោលទោសអ៊ីស្រាអែល ដោយអះអាងថា៖ «បារាំងសូមថ្កោលទោសក្នុងកម្រិតខ្លាំងក្លាបំផុត ចំពោះការបាញ់ប្រហារកាលពីថ្ងៃទី២៩ខែមីនា ដែលបណ្តាលឲ្យកងរក្សាសន្តិភាព UNIFIL ជនជាតិឥណ្ឌូណេស៊ីម្នាក់បាត់បង់ជីវិតនិងសមាជិកកងកម្លាំង៣នាក់ផ្សេងទៀតរងរបួស ព្រមទាំងការផ្ទុះកាលពីថ្ងៃទី៣០ខែមីនា…

អាមេរិកបានបង្ហាញសញ្ញាបញ្ច្រាសទិសលើគុយបា នៅពេលដែលប្រធានាធិបតី ដូណាល់ ត្រាំ ប្រកាសថា លោកមិនមានបញ្ហាជាមួយប្រទេសណាដែលចង់ផ្គត់ផ្គង់ប្រេងឱ្យកោះនេះទេ។ ការប្រកាសនេះមកក្រោយពីនាវាដឹកប្រេងរបស់រុស្ស៊ីមួយគ្រឿងបានចូលទៅជិតកំពង់ផែគុយបា និងត្រូវបានគេរំពឹងថានឹងទៅដល់នៅថ្ងៃចន្ទ។ នាវានេះជាផ្នែកមួយនៃ«កងនាវាស្រមោល»របស់ម៉ូស្គូ ដែលត្រូវបានហាមឃាត់ពីមុន។ លោកត្រាំបានថ្លែងទៅកាន់អ្នកយកព័ត៌មាននៅលើយន្តហោះ Air Force One ថា៖ «ឥឡូវនេះប្រសិនបើប្រទេសណាមួយចង់បញ្ជូនប្រេងមួយចំនួនទៅកាន់ប្រទេសគុយបា ខ្ញុំមិនមានបញ្ហាជាមួយទេ មិនថាវាជាប្រទេសរុស្ស៊ីឬប្រទេសណានោះទេ»។ ប្រធានាធិបតីអាមេរិកបន្ថែមទៀតថា៖ «ប្រទេសគុយបាចប់ហើយ។…