សន្តិសុខសង្គម

មន្ត្រីជំនាញពេទ្យសត្វបានចុះត្រួតពិនិត្យឃ្លាំងស្តុកសាច់បង្កក ២ កន្លែងនៅក្រុងប៉ោយប៉ែត កាលពីថ្ងៃទី២៦ ខែវិច្ឆិកា ឆ្នាំ២០២៥។ ការត្រួតពិនិត្យនេះដឹកនាំដោយរដ្ឋបាលខេត្តបន្ទាយមានជ័យ និងមន្ត្រីក.ប.ប។ លោក ហ៊ុយ ទូច ប្រធានការិយាល័យបសុពេទ្យខេត្តបន្ទាយមានជ័យ បានឲ្យដឹងថា ក្នុងឃ្លាំងទី១ មានលក់ផលិតផលសាច់បង្កកចំនួន ៦ ប្រភេទ សរុប ៦៨០០ គីឡូក្រាម។…

ពលករខ្មែរចំនួន ៤២នាក់ ដែលកំពុងធ្វើការនៅប្រទេសថៃ បានវិលត្រឡប់មកកម្ពុជាដោយសុវត្ថិភាពតាមច្រករបៀង ក្នុងស្រុកកំរៀង ខេត្តបាត់ដំបង។ កិច្ចប្រតិបត្តិការនេះបានធ្វើឡើងនៅថ្ងៃទី២៧ ខែវិច្ឆិកា ឆ្នាំ២០២៥ វេលាម៉ោង៥:៣០នាទី ទាបភ្លឺ។ កម្លាំងសមត្ថកិច្ចដែលដឹកនាំដោយលោកនាយចំណង់ សុខ សេម មេបញ្ជាការកងអនុសេនាតូចទី១ បានទទួលពលករទាំងអស់នៅចំណុចដើមឬស្សីផ្អែមអូរព្រំដែន។ ក្នុងចំណោមពលករ ៤២នាក់នេះ មានស្រី ២០នាក់។…

រដ្ឋបាលខណ្ឌសែនសុខ បានប្រកាសឲ្យប្រជាពលរដ្ឋ និងអាជីវករ ដែលកំពុងប្រើប្រាស់ចិញ្ចើមផ្លូវ និងទ្រូងផ្លូវប្រកបអាជីវកម្មតាមបណ្ដោយផ្លូវចូល វិទ្យាស្ថានជាតិបណ្តុះបណ្តាលបច្ចេកទេស (NTTI) ត្រូវរុះរើ និងយកចេញសម្ភារៈចេញក្នុងរយៈពេល ៣ថ្ងៃ។ ការជូនដំណឹងនេះធ្វើឡើងបន្ទាប់ពីរដ្ឋបាលខណ្ឌពិនិត្យឃើញមានប្រជាពលរដ្ឋមួយចំនូនបានសាងសង់តូប និងដាក់សម្ភារៈផ្សេងៗលើចិញ្ចើមផ្លូវថ្មើរជើង និងប្រើប្រាស់ទ្រូងផ្លូវសម្រាប់ជាចំណតកង់ ម៉ូតូ និងរថយន្ដ។ តាមរយៈសេចក្ដីជូនដំណឹង កាលពីថ្ងៃទី១៦ ខែវិច្ឆិកា ឆ្នាំ២០២៥ របស់រដ្ឋបាលខណ្ឌសែនសុខ…

យុវជន២នាក់ត្រូវបានជនសង្ស័យជាគ្នាឯងកាប់ច្រឡំពីក្រោយ បណ្តាលឱ្យម្នាក់ដាច់ក្បាលស្លាប់ និងម្នាក់ទៀតរបួសធ្ងន់ក្នុងផ្នែកខាងក្រោយ។ ហេតុការណ៍នេះបានកើតឡើងនៅវេលាម៉ោង១២:៤០នាទីរំលងអធ្រាត្រ ថ្ងៃទី២៧ ខែវិច្ឆិកា ឆ្នាំ២០២៥ នៅតាមបណ្តោយផ្លូវជាតិលេខ១ ក្នុងភូមិព្រែកត្រែង ស្រុកកៀនស្វាយ ខេត្តកណ្តាល។ តាមការបញ្ជាក់ពីឪពុកជនរងគ្រោះ មុនកើតហេតុកូនរបស់គាត់បានសុំមកលេងបាល់ជាមួយមិត្តភក្តិ ហើយបន្តចេញទៅកម្មវិធីនៅផ្ទះឪពុកធម៌។ លុះមកដល់វេលាម៉ោង១២យប់ សមត្ថកិច្ចបានទូរស័ព្ទទៅប្រាប់ថា កូនរបស់គាត់ត្រូវបានគេកាប់ដាច់ក្បាលស្លាប់ហើយ។ ប្រភពពីសមត្ថកិច្ចបានប្រាប់ថា កម្លាំងនគរបាលប៉ុស្តិ៍កំពុងល្បាតពួនស្ទាក់ការពារសន្តិសុខសុវត្ថិភាព ក៏បានប្រទះឃើញមានយុវជន៤នាក់កំពុងភ័យស្លន់ស្លោ…

ប្រជាពលរដ្ឋដែលរស់នៅក្នុងឃុំពាមឯក ស្រុកឯកភ្នំ ខេត្តបាត់ដំបង បានសំណូមពរឲ្យអាជ្ញាធរពាក់ព័ន្ធជួសជុលផ្លូវមួយខ្សែដែលកំពុងខូចខ្លាំង។ ផ្លូវនេះមានប្រវែងជាង ១០គីឡូម៉ែត្រ ចាប់ពីប្រាសាទឯកភ្នំ កាត់តាមភូមិគោកដូង ទៅទល់នឹងទំនប់អាងភាស។ កន្លងមកផ្លូវនេះត្រូវបានស្ថាបនាដោយក្រាលក្រួសក្រហម ប៉ុន្តែបានខូចទៅវិញដោយសាររថយន្តធំៗដឹកស្រូវ និងម៉ាស៊ីនច្រូតស្រូវ។ លោក វ៉ាន់ ថុល ប្រធានមន្ទីរអភិវឌ្ឍន៍ជនបទ បានបញ្ជាក់ថា មន្ទីររបស់លោកបានសម្រេចក្រាលកៅស៊ូនៅឆ្នាំក្រោយ ដែលនឹងចាប់អនុវត្តឆ្នាំក្រោយនេះ។

រាជធានីភ្នំពេញ៖ កម្លាំងអាវុធហត្ថរាជធានីភ្នំពេញ បានចាប់ខ្លួនក្មេងទំនើងចំនួន ៥ នាក់ ក្នុងករណីបង្កហិង្សា និងប្រើប្រាស់សារធាតុញៀន នៅក្នុងខណ្ឌពោធិ៍សែនជ័យ។ ព្រឹត្តិការណ៍នេះកើតឡើងកាលពីយប់ថ្ងៃទី២៣ ខែវិច្ឆិកា ឆ្នាំ២០២៥ នៅភូមិព្រៃទា១ សង្កាត់ចោមចៅទី៣។ ក្រុមក្មេងទំនើងនេះបានប្រើប្រាស់កាំបិត ដុំថ្ម និងគប់លើប្រជាពលរដ្ឋ បណ្តាលឲ្យមានការខូចខាតម៉ូតូ និងកញ្ចក់ទ្វារផ្ទះ។ ក្មេងទំនើងដែលត្រូវបានចាប់ខ្លួនមានអាយុពី ១៥…

ភ្នំពេញ៖ នៅថ្ងៃទី១៩ ខែវិច្ឆិកា ឆ្នាំ២០២៥ នេះ មន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ បានចេញសេចក្ដីប្រកាសព័ត៌មានជាផ្លូវការមួយ ដោយច្រានចោលយ៉ាងដាច់អហង្ការចំពោះការផ្សាយព័ត៌មានមិនពិត បំភ្លៃការពិត និងគ្មានមូលដ្ឋានច្បាស់លាស់របស់គណនី TikTok អនាមិកមួយឈ្មោះ «បក្សីចាំក្រុង»។ ការផ្សាយនេះ បានបង្កការប៉ះពាល់យ៉ាងធ្ងន់ធ្ងរដល់កិត្តិយស និងសេចក្ដីថ្លៃថ្នូររបស់ថ្នាក់ដឹកនាំ ក៏ដូចជាកម្លាំងមន្ទីរប្រឆាំងគ្រឿងញៀនទាំងមូល ជុំវិញករណីបង្ក្រាបបទល្មើសគ្រឿងញៀនដ៏ធំមួយនៅទីតាំងខារ៉ាអូខេ «ពេជ្រលើមេឃ»…

នាយកដ្ឋាននគរបាលព្រហ្មទណ្ឌ នៃអគ្គស្នងការនគរបាលជាតិ បានចេញសេចក្ដីថ្លែងការណ៍ច្រានចោលយ៉ាងដាច់អហង្ការចំពោះការចោទប្រកាន់ថា កងកម្លាំងរបស់ខ្លួនបានប្រព្រឹត្តអំពើបៀតបៀន ឬប៉ះពាល់កិត្តិយសស្ត្រី ក្នុងអំឡុងពេលប្រតិបត្តិការបង្ក្រាបករណីរំដោះអ្នកទោសនៅខេត្តស្វាយរៀងនាពេលថ្មីៗនេះ។ នាយកដ្ឋានបានអះអាងយ៉ាងមុតមាំថា កងកម្លាំងនគរបាលជំនាញទាំងអស់ បានប្រកាន់ខ្ជាប់យ៉ាងម៉ឺងម៉ាត់នូវក្រមសីលធម៌វិជ្ជាជីវៈ និងវិន័យកងកម្លាំង ពិសេសការគោរពចំពោះស្ត្រី។ ក្នុងសេចក្ដីបំភ្លឺដែលបានផ្សាយលើទំព័រហ្វេសប៊ុកផ្លូវការ កាលពីថ្ងៃទី១៩ ខែវិច្ឆិកា នាយកដ្ឋាននគរបាលព្រហ្មទណ្ឌបានបញ្ជាក់ថា បន្ទាប់ពីការចាប់ខ្លួនបានជោគជ័យនូវអ្នកទោសចំនួន ៦នាក់ និងស្ត្រីម្នាក់ដែលបានចូលរួមរំដោះចេញពីសាលាដំបូងខេត្តស្វាយរៀង នៅក្នុងភូមិសាស្ត្រស្រុកស្វាយទាប ខេត្តស្វាយរៀង…

ភ្នំពេញ៖ រាជធានីភ្នំពេញបានរងការវាយប្រហារដោយអគ្គិភ័យដ៏សន្ធោសន្ធៅរហូតដល់ ៣ ករណី ក្នុងរយៈពេលត្រឹមតែ ២ ថ្ងៃប៉ុណ្ណោះ ពោលគឺចាប់ពីថ្ងៃទី ១៥ ដល់ថ្ងៃទី ១៦ ខែវិច្ឆិកា ឆ្នាំ២០២៥ ដែលបណ្តាលឱ្យផ្ទះប្រជាពលរដ្ឋចំនួន ២០ ខ្នង ត្រូវអណ្តាតភ្លើងលេបត្របាក់ទាំងស្រុង។ ហេតុការណ៍ដ៏រន្ធត់ទាំងនេះ ភាគច្រើនបណ្តាលមកពីការឆ្លងចរន្តអគ្គិសនី។ យោងតាមរបាយការណ៍ផ្លូវការរបស់ការិយាល័យបង្ការពន្លត់អគ្គិភ័យនិងសង្គ្រោះ…

ក្រុមគ្រួសារយុវតីពលករខ្មែរម្នាក់ដែលបានរងគ្រោះដោយការចាប់រំលោភពីសំណាក់ក្រុមទាហានឈុតខ្មៅថៃ បានបញ្ជាក់ថា ស្ថានភាពសុខភាពរបស់នាងពេលនេះមានភាពល្អប្រសើរឡើងវិញហើយ។ ដំណឹងនេះកើតឡើងចំពេលដែលលោក សុខ លូ អភិបាលខេត្តបាត់ដំបង កាលពីព្រឹកថ្ងៃទី១៨ ខែវិច្ឆិកា ឆ្នាំ២០២៥ បានចុះសួរសុខទុក្ខ និងនាំយកអំណោយមនុស្សធម៌ទៅជូនដល់យុវតីរងគ្រោះ ដែលកំពុងសម្រាកព្យាបាលនៅមន្ទីរពេទ្យបង្អែកខេត្ត។ ក្នុងឱកាសនោះ លោក សុខ លូ បានថ្កោលទោសយ៉ាងដាច់អហង្ការចំពោះទង្វើអមនុស្សធម៌ និងឃោរឃៅបំផុតរបស់ក្រុមទាហានឈុតខ្មៅថៃ ដែលជាការរំលោភបំពានយ៉ាងធ្ងន់ធ្ងរលើសិទ្ធិមនុស្ស…