រថយន្តយីឌុបដឹកទំនិញពេញៗពីវៀតណាម ក្រឡាប់ផ្ងាចាក់ប្រេងឆា និងមីរាប់រយកេសលើផ្លូវ នៅស្វាយរៀង
ខេត្តស្វាយរៀង ៖ ហេតុការណ៍ភ្ញាក់ផ្អើលមួយបានកើតឡើងកាលពីព្រឹកថ្ងៃទី១៣ ខែវិច្ឆិកា ឆ្នាំ២០២៥ ក្រោយមានរថយន្តយីឌុបមួយគ្រឿងធំសម្បើម ដឹកទំនិញសំពីងសំពោងសង្ស័យលើសទម្ងន់ពីប្រទេសវៀតណាម បានក្រឡាប់ផ្ងារជើងម្ខាងយ៉ាងគួរឲ្យខ្លាច នៅលើចិញ្ចើមផ្លូវក្នុងភូមិបុសមន ឃុំបុសមន ស្រុករំដួល។ គ្រោះថ្នាក់នេះបានបណ្ដាលឲ្យទំនិញជាប្រេងឆា និងមីរាប់រយកេសត្រូវបានកំពប់មកលើផ្លូវដូចចាក់ចោល ដែលបានទាក់ទាញការចាប់អារម្មណ៍ពីអ្នកដំណើរយ៉ាងខ្លាំង។ ប្រជាពលរដ្ឋដែលរស់នៅក្បែរកន្លែងកើតហេតុបានឲ្យដឹងថា រថយន្តយីឌុបនេះបានធ្វើដំណើរចេញពីច្រកទ្វារទ្វេភាគីបុសមន ដោយមានគោលដៅបន្តទៅរាជធានីភ្នំពេញ តាមបណ្ដោយផ្លូវជាតិលេខ១៣។ លុះមកដល់ចំណុចកើតហេតុ រថយន្តបានផ្អៀងក្រឡាប់ផ្ងារជើងលើចិញ្ចើមផ្លូវ…
