ព័ត៌មានជាតិ

ភ្នំពេញ៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិលកម្ពុជា បានចេញមុខបញ្ជាក់យ៉ាងច្បាស់ថា ស្ថាប័នរបស់លោកពុំទាន់ទទួលបានលិខិតផ្លូវការណាមួយ ដែលនិយាយអំពីការផ្អាកជើងហោះហើរពីប្រទេសថៃ មកកាន់កម្ពុជានៅឡើយទេ។ ការថ្លែងបញ្ជាក់នេះ ធ្វើឡើងបន្ទាប់ពីមានការចែកចាយព័ត៌មានយ៉ាងព្រោងព្រាត នៅលើបណ្ដាញសង្គម ដោយភ្ជាប់មកជាមួយនូវលិខិតជាភាសាថៃមួយ ដែលអះអាងថា ថៃបានសម្រេចផ្អាកជើងហោះហើរជាមួយកម្ពុជាទាំងស្រុង ចាប់ពីថ្ងៃទី២៥ ខែវិច្ឆិកា ឆ្នាំ២០២៥ ខាងមុខនេះ។…

កំពង់ធំ៖ មានករណីឃាតកម្មដ៏សាហាវឃោរឃៅមួយបានកើតឡើង ទៅលើនារីបុគ្គលិកមីក្រូហិរញ្ញវត្ថុម្នាក់ ដែលត្រូវជនសង្ស័យជាអ្នកជំពាក់លុយ សម្លាប់រួចកប់សពនៅក្រោយផ្ទះ ស្ថិតក្នុងភូមិក្រូច ឃុំស្វាយភ្លើង ស្រុកតាំងគោក ខេត្តកំពង់ធំ បង្កការភ្ញាក់ផ្អើលទូទាំងមូលដ្ឋាន កាលពីថ្ងៃទី១៤ ខែវិច្ឆិកា ឆ្នាំ២០២៥។ យោងតាមរបាយការណ៍របស់សមត្ថកិច្ចបានឲ្យដឹងថា ជនរងគ្រោះឈ្មោះ ហឹម ទីណា អាយុ២២ឆ្នាំ មុខរបរជាបុគ្គលិកមីក្រូហិរញ្ញវត្ថុ មានទីលំនៅភូមិឫស្សីលរ៍…

ខេត្តបន្ទាយមានជ័យ៖ សពពលរដ្ឋខ្មែរម្នាក់ឈ្មោះ ឌី ណៃ (ហៅ សល់) ដែលបានបាត់បង់ជីវិតដោយសារការបាញ់ប្រហារពីសំណាក់ទាហានថៃកាលពីពេលថ្មីៗនេះ នឹងត្រូវដង្ហែទៅកាន់ទីបូជានាពេលល្ងាចថ្ងៃទី១៣ ខែវិច្ឆិកានេះ។បច្ចុប្បន្ន សពរបស់លោក ឌី ណៃ កំពុងត្រូវបានក្រុមគ្រួសារ និងបងប្អូនធ្វើបុណ្យតាមប្រពៃណីព្រះពុទ្ធសាសនានៅវត្តចាន់ស៊ី សាមគ្គី រតនារាម ដែលស្ថិតក្នុងបរិវេណជំរំសុវត្ថិភាព ឃុំកូប ស្រុកអូរជ្រៅ ខេត្តបន្ទាយមានជ័យ។…

ខេត្តស្ទឹងត្រែង៖ នៅរសៀលថ្ងៃទី១៣ ខែវិច្ឆិកា ឆ្នាំ២០២៥ លោក សរ សុពុត្រា អភិបាលខេត្តស្ទឹងត្រែង បានអញ្ជើញជាវាគ្មិនកិត្តិយសដ៏ឆ្នើម ដើម្បីចែករំលែកបទបាឋកថាដ៏មានអត្ថន័យជ្រាលជ្រៅមួយ ស្តីពី «ការដឹកនាំ និងនវានុវត្តន៍របស់រដ្ឋបាលខេត្តស្ទឹងត្រែង»។ ព្រឹត្តិការណ៍ដ៏សំខាន់នេះ បានប្រព្រឹត្តទៅចំពោះមុខកម្មសិក្សាការីវគ្គវិក្រឹតការមន្ត្រីជាន់ខ្ពស់ ឆ្នាំ២០២៥ (ថ្នាក់គុណភាព) នៃសាលាភូមិន្ទរដ្ឋបាល (ERA) នៅសាលាខេត្តស្ទឹងត្រែង។…

(ខេត្តសៀមរាប)៖ អង្គរវត្តនៅតែជាគោលដៅទេសចរណ៍ដ៏ទាក់ទាញបំផុត ហើយថ្មីៗនេះ ភ្ញៀវទេសចរកាន់តែច្រើនឡើងៗ បានងាកមកជ្រើសរើសការជិះកង់កម្សាន្តតាមប្រាសាទនានាក្នុងរមណីយដ្ឋានអង្គរ ដែលផ្តល់នូវបទពិសោធន៍ប្លែក និងស្និទ្ធស្នាលនឹងធម្មជាតិ។ ក្រសួងវប្បធម៌ និងវិចិត្រសិល្បៈ បានគូសបញ្ជាក់អំពីកំណើនដ៏គួរឲ្យកត់សម្គាល់នេះ ខណៈអាជ្ញាធរជាតិអប្សរាក៏បានសង្កេតឃើញផងដែរថា ចាប់តាំងពីស្ថានភាពជំងឺកូវីដ-១៩ បានធូរស្បើយមក ចំនួនអ្នកទេសចរដែលនិយមជិះកង់ទស្សនាប្រាសាទនៅវង់តូច និងវង់ធំ បានកើនឡើងជាលំដាប់។ លោក សេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍…

(តាកែវ)៖ ដើម្បីធានាសុវត្ថិភាពជូនប្រជាពលរដ្ឋ និងទប់ស្កាត់បទល្មើសឆ្លងដែនគ្រប់ប្រភេទ រដ្ឋបាលខេត្តតាកែវ និងរដ្ឋបាលខេត្តកំពង់ស្ពឺ បានឯកភាពគ្នាក្នុងការបង្កើតប៉ុស្តិ៍នគរបាលចល័ត ប្រចាំការជាអចិន្ត្រៃយ៍នៅតាមបណ្តោយព្រំប្រទល់រួមនៃខេត្តទាំងពីរ។ នេះជាជំហានថ្មីមួយក្នុងការបង្កើនកិច្ចសហប្រតិបត្តិការរវាងអាជ្ញាធរខេត្តទាំងពីរឲ្យកាន់តែរឹងមាំ។ ការឯកភាពគ្នានេះ បានធ្វើឡើងនៅក្នុងកិច្ចប្រជុំគណៈបញ្ជាការឯកភាពរវាងខេត្តទាំងពីរ ដែលប្រព្រឹត្តទៅកាលពីព្រឹកថ្ងៃព្រហស្បតិ៍ ទី១៣ ខែវិច្ឆិកា ឆ្នាំ២០២៥ នៅសាលប្រជុំរដ្ឋបាលខេត្តតាកែវ។ កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីឯកឧត្តម វ៉ី សំណាង អភិបាលខេត្តតាកែវ…

ខេត្តបន្ទាយមានជ័យ៖ រូបភាពដ៏កម្សត់ និងមិនអាចបំភ្លេចបាន! ជនភៀសសឹកប្រមាណ ២៥០គ្រួសារ បានបង្ខំចិត្តភៀសខ្លួនមករស់នៅជំរំវត្តច័ន្ទស៊ី សាមគ្គី រតនារាម ស្ថិតក្នុងស្រុកអូរជ្រៅ ខេត្តបន្ទាយមានជ័យ បន្ទាប់ពីការបាញ់ប្រហារយ៉ាងព្រៃផ្សៃពីសំណាក់ទាហានថៃ។ ក្រុមគ្រួសារទាំងនេះកំពុងប្រឈមនឹងការខ្វះខាតជាច្រើន ជាពិសេសមុងសម្រាប់ការពារកូនតូចៗ និងសមាជិកគ្រួសារពីសត្វមូសយប់។ នៅពេលរាត្រីឈានចូលមកដល់ ក្រោមពន្លឺអំពូលភ្លើងដ៏សែនសង្កត់ចិត្ត ដែលព្យួរពីលើតង់ពណ៌ខៀវ គ្រួសារនីមួយៗបានត្រៀមខ្លួនចូលសម្រាក។ ឪពុកម្តាយបានអោបក្រសោបកូនតូចៗ ដែលមិនបានចូលរៀនសូត្រ…

ភ្នំពេញ៖ នៅរសៀលថ្ងៃទី១២ ខែវិច្ឆិកា ឆ្នាំ២០២៥ ក្រសួងការងារ និងបណ្តុះបណ្តាលវិជ្ជាជីវៈកម្ពុជា បានចុះអនុស្សរណៈយោគយល់ជាមួយទីភ្នាក់ងារអភិវឌ្ឍន៍លិចតិនស្តាញ (LED) ដំណាក់កាលទី២ លើគម្រោង “សម្ភារៈសិក្សាឌីជីថលសម្រាប់ អ.ប.វ.” ដែលមានគោលដៅពង្រឹងគុណភាពអប់រំឌីជីថល និងជំនាញបច្ចេកទេសនៅកម្ពុជា។ ពិធីចុះហត្ថលេខានេះ ធ្វើឡើងក្រោមវត្តមានដ៏ខ្ពង់ខ្ពស់របស់លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ…

ខេត្តព្រះវិហារ៖ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា បានអញ្ជើញជួបសំណេះសំណាលជាមួយនិវត្តជន និងប្រកាសសមាសភាពគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តព្រះវិហារ។ ពិធីដ៏មានសារៈសំខាន់នេះ ត្រូវបានរៀបចំឡើងយ៉ាងអធិកអធម នៅសាលប្រជុំអគាររដ្ឋបាលសាលាខេត្ត កាលពីរសៀលថ្ងៃទី១៣ ខែវិច្ឆិកា ឆ្នាំ២០២៥។ លោក គីម…

ភ្នំពេញ៖ រថយន្តចំនួន២គ្រឿងបានបើកបរចូលទៅក្នុងការដ្ឋានស្ថាបនាផ្លូវបេតុងមួយកន្លែង កំពុងដំណើរការចាក់ថ្មីស្រឡាង ដែលស្ថិតនៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ បណ្តាលឱ្យរងការខូចខាតយ៉ាងធ្ងន់ធ្ងរ ហើយថែមទាំងបានបើកគេចខ្លួនបាត់ កាលពីវេលាម៉ោង៧និង៣០នាទីយប់ ថ្ងៃទី១៣ ខែវិច្ឆិកា ឆ្នាំ២០២៥។ តាមប្រភពព័ត៌មានពីក្រុមជាងជួសជុលផ្លូវបេតុងខាងលើបានឱ្យដឹងថា ការស្ថាបនាផ្លូវបេតុងនេះគឺជាគម្រោងអភិវឌ្ឍន៍របស់សាលារាជធានីភ្នំពេញ។ ខណៈដែលក្រុមជាងកំពុងមមាញឹកក្នុងការងារស្ថាបនា ហើយបានដាក់ប៉ារ៉ាស់សម្គាល់នៅខាងមុខយ៉ាងច្បាស់លាស់ផងនោះ ស្រាប់តែមានរថយន្តធុនធំមួយគ្រឿងបានបើកបុកលុកឆ្លងកាត់ទាំងកម្រោល។ ទោះបីជាពួកគាត់ជាជាងបានប្រឹងប្រែងឃាត់យ៉ាងណាក៏ដោយ ក៏រថយន្តខាងលើមិនបានឈប់នោះទេ ហើយបានព្យាយាមបើកគេចបាត់ទៅបណ្តាលឱ្យផ្លូវរងការខូចខាត។…