By ភ្នំពេញ៖ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានថ្លែងថា នៅថ្ងៃទី១១ ខែឧសភា ឆ្នាំ២០២៦នេះ កម្លាំងជំនាញរបស់អង្គភាព CMAC កំពុងបន្តបេសកកម្មតាមប្រមាញ់ «ខ្មាំងឈ្លានពាន» ពោលគឺសំណល់គ្រាប់យុទ្ធភណ្ឌមិនទាន់ផ្ទុះរបស់សៀម ដែលបាននិងកំពុងលាក់ខ្លួនក្នុងជម្រៅដីនៃព្រះរាជាណាចក្រកម្ពុជា។
ក្នុងឱកាសនោះ លោក ហេង រតនា បានសម្តែងនូវក្តីសោកស្តាយយ៉ាងខ្លាំង នៅពេលឃើញកេរ្តិ៍មរតកដូនតាខ្មែរត្រូវរងនូវការបំផ្លិចបំផ្លាញ ដោយសារសង្គ្រាម ដោយសារធម្មជាតិ និងដោយសារទង្វើជីកកកាយលួចប្លន់!
គួរបញ្ជាក់ថា ការងារបោសសម្អាតសំណល់គ្រាប់យុទ្ធភណ្ឌនេះ គឺជាកិច្ចការដ៏សំខាន់មួយ ដើម្បីស្តារនូវសុវត្ថិភាព និងសន្តិភាពជូនប្រជាពលរដ្ឋកម្ពុជា។
លោកអគ្គនាយកបានបញ្ជាក់ថា កម្លាំង CMAC នឹងបន្តបេសកកម្មប្រមាញ់សំណល់គ្រាប់ទាំងនេះ រហូតដល់គ្មានសល់ ដើម្បីរំដោះដីធ្លីជូនប្រជាពលរដ្ឋ។
រូបភាពទាំងឡាយដែលត្រូវបានចែករំលែក បង្ហាញពីភាពស្វិតស្វាញរបស់កម្លាំង CMAC ក្នុងការបំពេញភារកិច្ចលំបាកនេះ។
ដោយ៖ សិលា
០៩ ខែ ឧសភា ឆ្នាំ២០២៦
