កម្ពុជាកំណត់គោលដៅទឹកស្អាត និងអនាម័យជនបទ ១០០% ត្រឹមឆ្នាំ២០៣០
រាជធានីភ្នំពេញ៖ រាជរដ្ឋាភិបាលកម្ពុជាបានប្តេជ្ញាផ្តល់សេវាផ្គត់ផ្គង់ទឹកស្អាត និងអនាម័យជនបទឱ្យបាន ១០០% នៅត្រឹមឆ្នាំ២០៣០។ ការប្តេជ្ញាចិត្តនេះត្រូវបានលើកឡើងជាថ្មីម្តងទៀតក្នុងឱកាសអបអរសាទរទិវាជាតិលើកកម្ពស់អនាម័យជនបទលើកទី១៦ កាលពីថ្ងៃទី១៣ ខែវិច្ឆិកា ឆ្នាំ២០២៥។ ក្នុងសារលិខិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា រាជរដ្ឋាភិបាលបានកំណត់យកថ្ងៃទី១៣ ខែវិច្ឆិកា ជាទិវាជាតិដើម្បីផ្សព្វផ្សាយ និងបង្កើនការយល់ដឹងអំពីសារៈសំខាន់នៃអនាម័យជនបទ ក្នុងគោលបំណងធ្វើឱ្យស្ថានភាពអនាម័យនៅកម្ពុជាកាន់តែប្រសើរឡើង ស្របតាមគោលនយោបាយជាតិស្តីពីការផ្គត់ផ្គង់ទឹកស្អាត…
