ព័ត៌មានជាតិ

ខេត្តស្វាយរៀង៖ លោក ប៉ាត់ សាក់ ប្រធានស្តីទីនៃមន្ទីររ៉ែ និងថាមពលខេត្តស្វាយរៀង បានដឹកនាំក្រុមមន្ត្រីជំនាញចុះត្រួតពិនិត្យស្ថានីយលក់ប្រេងឥន្ធនៈ និងឧស្ម័ន នៅថ្ងៃទី៧ ខែមីនា ឆ្នាំ២០២៦។ ការចុះត្រួតពិនិត្យនេះ មានគោលបំណងណែនាំម្ចាស់ស្ថានីយឱ្យបើកដំណើរការ និងលក់ប្រេងស្របតាមសេចក្តីណែនាំរបស់ក្រសួងពាណិជ្ជកម្ម ដើម្បីធានាសុវត្ថិភាពអ្នកប្រើប្រាស់។ ក្រសួងពាណិជ្ជកម្មបានអំពាវនាវដល់ក្រុមហ៊ុនចែកចាយ ម្ចាស់ស្ថានីយ និងសាធារណជន ឱ្យអនុវត្តតាមស្តង់ដាបច្ចេកទេសក្នុងការលក់ និងស្តុកប្រេងឥន្ធនៈ។…

ភ្នំពេញ៖ លោក ហ៊ុយ វណ្ណៈ រដ្ឋលេខាធិការទីស្តីការគណៈរដ្ឋមន្ត្រី និងជាប្រធានសហភាពសហព័ន្ធអ្នកសារព័ត៌មានកម្ពុជា បានចេញមុខព្រមានពីផលវិបាកធ្ងន់ធ្ងរនៃសង្គ្រាមរវាងសហរដ្ឋអាមេរិក-អ៊ីស្រាអែល និងអ៊ីរ៉ង់ ដែលអាចប៉ះពាល់យ៉ាងធ្ងន់ធ្ងរដល់សេដ្ឋកិច្ចពិភពលោក។ លោកបានលើកឡើងពីផលវិបាកសំខាន់ៗចំនួន ៩ចំណុច ដែលរួមមាន៖ តម្លៃប្រេងនឹងឡើងថ្លៃខ្លាំង ហើយតំបន់ខ្លះអាចប្រឈមមុខនឹងការខ្វះប្រេង សេដ្ឋកិច្ចពិភពលោកនឹងធ្លាក់ចុះយ៉ាងធ្ងន់ធ្ងរ ទីផ្សារហិរញ្ញវត្ថុនឹងបាត់លំនឹង និងមានភាពចលាចល វិស័យទេសចរណ៍នឹងធ្លាក់ចុះដោយសារភាពមិនស្ថិតស្ថេរនៃតំបន់ មេដឹកនាំអ៊ីស្រាអែលឆ្លាតក្នុងការទាញសហរដ្ឋអាមេរិកឱ្យចូលរួមសង្គ្រាម លោកដូណាល់…

ភ្នំពេញ៖ សម្ដេចកិត្ដិសង្គហបណ្ឌិត ម៉ែន សំអន បានចែងថា ប្រធានបទនៃទិវាអន្តរជាតិ៨មីនាខួបលើកទី១១៥ បានបង្ហាញយ៉ាងច្បាស់ពីសារៈសំខាន់ដ៏មិនអាចកាត់ថ្លៃបាននៃសន្តិភាព និងសន្តិសុខសម្រាប់ស្ត្រី ក្រុមគ្រួសារ និងការចូលរួមចំណែកយ៉ាងសកម្មរបស់ស្ត្រីក្នុងការកសាង និងថែរក្សាសន្តិភាព។ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានធ្វើការបញ្ជាក់នេះក្នុងពេលដែលលោកជំទាវធ្វើជាអធិបតីក្នុងពិធីអបអរសាទរខួបលើកទី១១៥ ទិវាអន្តរជាតិនារី៨មីនា ឆ្នាំ២០២៦…

ខេត្តកំពង់ឆ្នាំង៖ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានចេញបទបញ្ជាចំពោះមន្ទីរជំនាញ និងអាជ្ញាធរមូលដ្ឋានទាំងអស់ ឱ្យយកចិត្តទុកដាក់តាមដាន និងទប់ស្កាត់ការដំឡើងតម្លៃប្រេងឥន្ធនៈ និងទំនិញទូទៅនៅក្នុងខេត្ត។ ការណែនាំនេះត្រូវបានធ្វើឡើងក្នុងកិច្ចប្រជុំការងារពង្រឹងសន្តិសុខ និងសណ្ដាប់ធ្នាប់សាធារណៈ នាថ្ងៃទី៧ ខែមីនា ឆ្នាំ២០២៦ ដោយមានការអញ្ជើញចូលរួមពីថ្នាក់ដឹកនាំជាន់ខ្ពស់របស់ខេត្ត។ លោក ស៊ុន សុវណ្ណារិទ្ធិ បានណែនាំឱ្យអាជ្ញាធរមូលដ្ឋានក្រុង-ស្រុក-ឃុំ-សង្កាត់…

ខេត្តកណ្តាល – ហេតុការណ៍គួរឱ្យសោកស្តាយមួយបានកើតឡើងនៅព្រឹកថ្ងៃទី០៧ ខែមីនា ឆ្នាំ២០២៦ នៅពេលក្មេងស្រីអាយុ១៣ឆ្នាំម្នាក់បានលង់លិចស្លាប់ក្នុងស្រះទឹកមួយ ខណៈក្មេងប្រុស២នាក់ទៀតត្រូវពលរដ្ឋសង្គ្រោះបាន។ ហេតុការណ៍នេះបានកើតឡើងនៅម៉ោង ៩:៥០នាទីព្រឹក នៅស្រះទឹកមួយកន្លែងក្នុងភូមិត្នោតមួយដើម ឃុំបែកចាន ស្រុកអង្គស្នួល ខេត្តកណ្តាល។ ក្មេងទាំង៣នាក់បាននាំគ្នាចុះហែលទឹកលេង ស្រាប់តែក្មេងស្រីម្នាក់លង់លិចបាត់ខ្លួនក្នុងទឹក។ ក្មេងស្រីរងគ្រោះមានឈ្មោះ អុី នាង អាយុ១៣ឆ្នាំ រស់នៅក្នុងភូមិដដែល។…

ខេត្តស្ទឹងត្រែង៖ ខេត្តស្ទឹងត្រែងបានក្លាយជាខេត្តទីមួយនៅកម្ពុជាដែលចាប់ផ្ដើមប្រើប្រាស់ប្រេនឌីងទេសចរណ៍ថ្មីគឺ «ស្ទឹងត្រែងលើសពីទន្លេ លើសពីធម្មតា»។ លោក ហួត ហាក់ រដ្ឋមន្ត្រីក្រសួងទេសចរណ៍ បានអះអាងថា ការផ្ដួចផ្ដើមនេះបានធ្វើឡើងក្នុងព្រឹត្តិការណ៍ព្យុហយាត្រាទេសចរណ៍ដែលទាក់ទាញភ្ញៀវទេសចរជាតិ និងអន្តរជាតិយ៉ាងច្រើនកុះករ។ ពិធីនេះត្រូវបានរៀបចំឡើងដោយមានវត្តមានរបស់លោក ហួត ហាក់ រដ្ឋមន្ត្រីក្រសួងទេសចរណ៍ និងលោក សរ សុពុត្រា អភិបាលខេត្តស្ទឹងត្រែង ជាអធិបតីក្នុងពិធីបើកព្រឹត្តិការណ៍ព្យុហយាត្រាទេសចរណ៍ចម្ងាយ…

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសពីយុទ្ធនាការថ្មីដើម្បីប្រយុទ្ធប្រឆាំងនឹងការឆបោកតាមប្រព័ន្ធអនឡាញ (Online Scam) ដោយចាត់ទុកជាទស្សនវិស័យសំខាន់ក្នុងការលុបបំបាត់សេដ្ឋកិច្ចខ្មៅនៅកម្ពុជា។ ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់អាជ្ញាធរជាតិប្រយុទ្ធប្រឆាំងគ្រឿងញៀន នាថ្ងៃសុក្រ ទី៦ មីនា ២០២៦ សម្ដេចនាយករដ្ឋមន្ត្រីបានធ្វើការប្រកាសយ៉ាងច្បាស់លាស់អំពីគោលនយោបាយថ្មីនេះ។ “យើងត្រូវសម្អាតផ្ទះឱ្យបានស្អាត និងថែរក្សាឱ្យបានល្អ ដោយមានគោលដៅច្បាស់លាស់គឺលុបបំបាត់សេដ្ឋកិច្ចខ្មៅ…

ខេត្តកំពង់ធំ៖ លោក នួន ផារ័ត្ន អភិបាលខេត្តកំពង់ធំ បានប្រកាសពីវិធានការតឹងរឹងចំពោះអ្នកដំណើរការស្ថានីយប្រេងឥន្ធនៈដែលដំឡើងថ្លៃខុសពីការណែនាំរបស់ក្រសួងពាណិជ្ជកម្ម។ ក្នុងសារនៅលើបណ្តាញសង្គមការងារផ្លូវការ លោកអភិបាលបានចេញសារបញ្ជាក់ថា៖ «យើងសង្កេតឃើញមានក្រុមអ្នកឆក់ឱកាសមួយក្តាប់តូច បានដំឡើងថ្លៃប្រេងឥន្ធនៈខុសពីការកំណត់របស់ក្រសួង ហើយមានអ្នកទិញដើម្បីស្តុកទុកជាច្រើន ដែលប៉ះពាល់ដល់ខ្សែច្រវាក់ផ្គត់ផ្គង់និងសណ្តាប់ធ្នាប់សង្គម។» លោកបានណែនាំឱ្យគណៈបញ្ជាការឯកភាពរដ្ឋបាលក្រុងស្រុកទាំង៩ រួមជាមួយមន្ទីររ៉ែនិងថាមពល និងមន្ទីរពាណិជ្ជកម្ម តាមដានស្ថានភាពនេះយ៉ាងជិតស្និទ្ធ។ វិធានការសំខាន់ៗមាន៖ ១. ស្ថានីយប្រេងទាំងអស់ត្រូវបន្តចាក់ប្រេងជូនប្រជាពលរដ្ឋដូចធម្មតា និងជួយទប់ស្កាត់អ្នកទិញប្រេងក្នុងបរិមាណច្រើនសម្រាប់ស្តុកទុក…

ភ្នំពេញ៖ កម្លាំងអាវុធហត្ថរាជធានីភ្នំពេញបានចាប់ខ្លួនក្មេងទំនើងចំនួន៣នាក់ ពាក់ព័ន្ធនឹងករណីហិង្សាដោយចេតនាចំនួន២ករណីផ្សេងគ្នា នៅក្នុងរាជធានីភ្នំពេញ។ ការចាប់ខ្លួននេះបានធ្វើឡើងក្រោយពីកម្លាំងសមត្ថកិច្ចបានធ្វើការស៊ើបអង្កេតជាបន្តបន្ទាប់ ដោយករណីទីមួយកើតឡើងនៅថ្ងៃទី២ ខែមីនា ឆ្នាំ២០២៦ នៅជិតវិទ្យាល័យជាស៊ីម សង្កាត់ជ្រោយចង្វារ។ ក្នុងករណីនេះ ក្រុមក្មេងទំនើងប្រដាប់ដោយដាវ កាំបិត និងឧបករណ៍ប្រើប្រាស់ផ្សេងៗ បានវាយ កាប់ និងគប់ថ្មទៅលើជនរងគ្រោះ បណ្តាលឱ្យមានរបួស។ កម្លាំងសមត្ថកិច្ចបានចាប់ខ្លួនជនសង្ស័យម្នាក់ឈ្មោះ ផាន…

ខេត្តបាត់ដំបង៖ នគរបាលខេត្តបាត់ដំបងបានចុះបង្រ្កាបឃាត់ខ្លួនជនសង្ស័យ ៤នាក់ និងរកឃើញគ្រឿងញៀនទម្ងន់សរុបជាង ៥០០ក្រាម កាលពីថ្ងៃទី៥ ខែមីនា ឆ្នាំ២០២៦។ ការប្រតិបត្តិការនេះធ្វើឡើងក្រោមការដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងទទួលផែនការងារប្រឆាំងគ្រឿងញៀន។ ជនសង្ស័យទាំង ៤នាក់រួមមាន៖ ១. រឿប…