ជីវិត និងសង្គម

រាជធានីភ្នំពេញ៖ អយ្យការអមសាលាដំបូងរាជធានីភ្នំពេញ បានចេញសេចក្ដីថ្លែងការណ៍ជាផ្លូវការកាលពីថ្ងៃទី២៤ ខែវិច្ឆិកា ឆ្នាំ២០២៥ ស្ដីពីការសម្រេចដោះលែងយុវជនជំទង់ម្នាក់ដែលជាប់ចោទពីបទរួមភេទជាមួយអនីតិជនអាយុក្រោម១៥ឆ្នាំដូចគ្នា។ អ្នកនាំពាក្យអយ្យការបានបញ្ជាក់ថា ការសម្រេចដោះលែងនេះធ្វើឡើងស្របតាមច្បាប់ ដោយផ្អែកលើមាត្រា៤៤នៃច្បាប់ស្ដីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ដែលចែងថា «ជនណាដែលមានអាយុក្រោម១៥ឆ្នាំ នឹងត្រូវលើកលែងពីការផ្ដន្ទាទោស»។ ក្រោយពីការពិនិត្យផ្ទៀងផ្ទាត់លើអង្គហេតុ និងភ័ស្ដុតាងនានា គេឃើញថាជនសង្ស័យនិងជនរងគ្រោះមានទំនាក់ទំនងជាគូសង្សារនឹងគ្នា និងបានឆ្លើយបញ្ជាក់ដូចគ្នាថា «ពួកខ្លួនពិតជាបានព្រមព្រៀងរួមភេទជាមួយគ្នា ដោយកើតចេញពីការស្រឡាញ់ មិនមានការបង្ខិតបង្ខំឡើយ…»។…

ក្រុងបាងកក៖ រឿងចម្លែកបំផុតដែលគួរឱ្យភ្ញាក់ផ្អើលបានកើតឡើងនៅប្រទេសថៃ ក្រោយស្ត្រីម្នាក់ត្រូវបានគេរកឃើញថានៅមានជីវិត ដោយសារកម្រើកធ្វើឱ្យឮសំឡេងគោះក្ដារក្នុងមឈូស ខណៈដែលគេបម្រុងនឹងយកទៅបូជានៅឈាបនដ្ឋាន។ វត្ត Rat Prakhong Tham នៅក្នុងខេត្ត Nonthaburi បានបង្ហោះវីដេអូទាក់ទិននឹងហេតុការណ៍ដ៏កម្រកើតមាននេះ នៅលើទំព័រ Facebook ដោយបង្ហាញពីស្ត្រីម្នាក់កំពុងដេកនៅក្នុងមឈូសពណ៌ស បានកម្រើកដៃ និងក្បាល។ លោក Pairat Soodthoop…

រាជធានីភ្នំពេញ៖ អគ្គនាយកដ្ឋានអន្តោប្រវេសន៍ បានប្រកាសថា ក្នុងរយៈពេល៧ថ្ងៃ សមត្ថកិច្ចនគរបាលជាតិ បានបង្ក្រាបក្មេងទំនើង១១ករណី ឃាត់ខ្លួន៣០នាក់ និងល្បែងស៊ីសង៧ករណី ឃាត់ខ្លួន២៣នាក់។ លោក ទូច សុឃៈ អ្នកនាំពាក្យរងក្រសួងមហាផ្ទៃ បានបញ្ជាក់ថា ករណីទាំងនេះត្រូវបានអនុវត្តតាមវិធានការច្បាប់ ដោយបញ្ជូនក្រុមក្មេងទំនើងទាំងអស់ទៅតុលាការ ខណៈអ្នកប្រព្រឹត្តល្បែង២២នាក់ក៏ត្រូវបញ្ជូនទៅតុលាការ និងអប់រំធ្វើកិច្ចសន្យាបញ្ឈប់១នាក់។ ប្រតិបត្តិការនេះគ្របដណ្តប់លើរាជធានីភ្នំពេញ ខេត្តកណ្ដាល…

ខេត្តស្ទឹងត្រែង – នៅថ្ងៃទី២៥ ខែវិច្ឆិកា ឆ្នាំ២០២៥ ពន្ធនាគារខេត្តស្ទឹងត្រែង បានរៀបចំកម្មវិធីអប់រំពិសេស ដើម្បីកែប្រែឥរិយាបថជនជាប់ឃុំចំនួន១២៣នាក់ ឱ្យក្លាយជាពលរដ្ឋល្អក្នុងសង្គម។ លោកឧត្តមអគ្គានុរក្សថ្នាក់លេខ២ លីម វាសនា ប្រធានពន្ធនាគារ បានដឹកនាំកម្មវិធីនេះ ដោយផ្តោតលើបទបញ្ជាផ្ទៃក្នុង និងការអប់រំផ្លូវចិត្ត។ ក្រុមការងារជំនាញបានអប់រំជនជាប់ឃុំនៅអគារ(ខ) តាមរយៈប្រធានបទសំខាន់ៗ៤យ៉ាង។ ប្រធានបទទាំង៤រួមមាន៖ អប់រំបទបញ្ជាផ្ទៃក្នុង១៨ប្រការ…

ជ្រោយហ្គាហ្សា៖ ប្រជាជនប៉ាឡេស្ទីនដែលកំពុងរងទុក្ខព្រួយដោយសារសង្គ្រាម ឥឡូវនេះកំពុងជួបប្រទះនឹងគ្រោះទឹកជំនន់ធ្ងន់ធ្ងរនៅរដូវត្រជាក់។ ភ្លៀងធ្លាក់ខ្លាំងបានជន់លិចជំរំជម្រកជាច្រើន ដែលជាទីជ្រកកោនរបស់គ្រួសារភៀសខ្លួន។ កាលពីព្រឹកថ្ងៃទី២៥ វិច្ឆិកា នៅតំបន់ឌៀរអាល់បាឡាហ៍ ប្រជាជនបាននាំគ្នាគៀរទឹកភក់ចេញពីជំរំតង់ ក្រោយពីភ្លៀងធ្លាក់អស់ពេញមួយយប់។ ជម្រកមួយចំនួនសង់ពីឈើនិងដែកត្រូវរលំបាក់ក្រោមទម្ងន់ទឹកភ្លៀង។ ផ្លូវថ្នល់ជុំវិញជំរំប្រែក្លាយជាប្រឡាយទឹក ហើយឪពុកម្ដាយបាននាំកូនៗទៅរកទីខ្ពស់។ អង្គការមនុស្សធម៌អះអាងថា ស្ថានភាពឧតុនិយមអាក្រក់ធ្វើឲ្យភាពការណ៍ដែលផុយស្រួយស្រាប់រិតតែធ្ងន់ធ្ងរថែមទៀត។ អ.ស.បរៀបរាប់ពីតង់ច្រើនពាន់រងការខូចខាត និងព្រមានថាកម្រិតជំនួយមនុស្សធម៌បច្ចុប្បន្ននៅតែមានទាបខ្លាំងជាងសេចក្ដីត្រូវការនៅហ្គាហ្សា៕

រាជធានីភ្នំពេញ៖ រាជរដ្ឋាភិបាលបានបន្តអនុគ្រោះពន្ធដារសម្រាប់វិស័យកសិកម្មរហូតដល់ចុងឆ្នាំ២០២៧ ដោយផ្តល់អត្ថប្រយោជន៍បន្ថែមដល់កសិករ និងអាជីវករក្នុងវិស័យកសិកម្ម។ ការអនុគ្រោះនេះរួមមានការព្យួរទុកការបង់ពន្ធអប្បបរមា និងការចាត់ទុកអាករលើតម្លៃបន្ថែមជាបន្ទុករបស់រដ្ឋ។ ការលើកទឹកចិត្តនេះអនុវត្តចំពោះការដាំដុះ ការផលិត និងការនាំចេញផលិតផលកសិកម្មសំខាន់ៗជាច្រើន។ ផលិតផលដែលទទួលបានអនុគ្រោះរួមមាន ស្រូវ អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី ជ័រកៅស៊ូ មៀនប៉ៃលិន ស្វាយ…

ទីក្រុងណៃពិដោ៖ ឧស្សាហកម្មទុរេនរបស់មីយ៉ាន់ម៉ាកំពុងត្រៀមខ្លួនហក់ចូលទីផ្សារពិភពលោក ដោយមានគម្រោងចាប់ផ្តើមនាំចេញផ្លែទុរេនទៅកាន់ទីផ្សារពិភពលោកនាឆ្នាំក្រោយ ឬនាឆ្នាំ២០២៧។ ប្រធានសមាគមអ្នកផលិត និងនាំចេញទុរេនមីយ៉ាន់ម៉ា បានប្រាប់ទីភ្នាក់ងារសារព័ត៌មានចិន ស៊ីនហួរ (Xinhua) ថា ដំណើរការចុះបញ្ជីជាមួយរដ្ឋបាលគយទូទៅប្រទេសចិនកំពុងដំណើរការ។ សមាគមមានគោលបំណងទាក់ទាញវិនិយោគិនបរទេស អ្នកជំនាញ និងដៃគូអាជីវកម្ម ដើម្បីគាំទ្រដល់ការកែច្នៃផ្លែទុរេនក្នុងស្រុក។ ប្រទេសចិនគឺជាអ្នកទិញផ្លែទុរេនច្រើនជាងគេបំផុតរបស់ពិភពលោក។ កាលពីឆ្នាំមុន ប្រទេសនេះបានទិញទុរេនចំនួន១៥,៦លានតោន ជាតម្លៃកំណត់ត្រា៦,៩៩ពាន់លានដុល្លារអាមេរិក។ ទីផ្សារទុរេនក៏បានឃើញការប្រកួតប្រជែងថ្មីៗផងដែរ…

ប្រទេសវៀតណាមកំពុងប្រឈមមុខនឹងគ្រោះមហន្តរាយធម្មជាតិធ្ងន់ធ្ងរបំផុតក្នុងប្រវត្តិសាស្ត្រ ដោយមានមនុស្សស្លាប់និងបាត់ខ្លួនជិត៥០០នាក់ និងខាតបង់សេដ្ឋកិច្ចជាង៣ពាន់លានដុល្លារ។ កាលពីថ្ងៃទី២៥ខែវិច្ឆិកា លោក ង្វៀន តន់ ក្វាន់ អនុប្រធាននាយកដ្ឋានគ្រប់គ្រងហានិភ័យគ្រោះមហន្តរាយ បានរាយការណ៍ថា ចាប់ពីដើមឆ្នាំ២០២៥មក ប្រទេសវៀតណាមបានទទួលរងគ្រោះពីព្យុះ១៤ដង និងសម្ពាធទាបត្រូពិច៥ដង ដែលធ្វើឲ្យមានមនុស្ស៤០៩នាក់ស្លាប់ និង៧២៧នាក់រងរបួស។ គ្រោះមហន្តរាយទាំងនេះបានបណ្តាលឲ្យផ្ទះចំនួន៣៣៧,២៩៧ខ្នងដួលរលំ និងដំណាំស្រូវជិត៦០០,០០០ហិកតាត្រូវខូចខាត។ ក្រសួងកសិកម្មនិងបរិស្ថានវៀតណាមកំពុងពង្រឹងសមត្ថភាពព្យាករណ៍ និងព្រមានគ្រោះមហន្តរាយ ដើម្បីកាត់បន្ថយការខូចខាតនាពេលខាងមុខ។

ខេត្តស្វាយរៀង ៖ ដោយអនុវត្តយ៉ាងម៉ឺងម៉ាត់តាមបទបញ្ជាដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី១៨ ខែវិច្ឆិកា ឆ្នាំ២០២៥ កម្លាំងនគរបាលខេត្តស្វាយរៀង ក្រោមការដឹកនាំផ្ទាល់របស់លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត បានសហការយ៉ាងជិតស្និទ្ធជាមួយនាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ កម្លាំងអនុរក្សពន្ធនាគារខេត្ត និងកម្លាំងកងរាជអាវុធហត្ថខេត្ត ចុះប្រតិបត្តិការបង្ក្រាបករណីរំដោះជនជាប់ឃុំ។…

នៅ​ខេត្តស្វាយរៀង កម្លាំង​សមត្ថកិច្ច​បាន​បើក​ប្រតិបត្តិការ​ដ៏​ក្ដៅ​គគុក​មួយ ដោយ​ចុះ​បង្ក្រាប​ទីតាំង​សង្ស័យ​ចំនួន​២​កន្លែង​នៅ​ក្រុង​បាវិត និង​ឈាន​ដល់​ការ​ចាប់ខ្លួន​ជនជាតិ​វៀតណាម​ចំនួន​៣០​នាក់ ដែល​ជាប់​ពាក់ព័ន្ធ​នឹង​បទល្មើស​ឆបោក​តាម​ប្រព័ន្ធ​បច្ចេកវិទ្យា​អនឡាញ (Online Scam)។ ទីតាំង​ដែល​ត្រូវ​បាន​ឆែកឆេរ​រួម​មាន ផ្ទះល្វែង​លេខ F23 ក្នុង​បុរី លី ចូ​វ និង​កាស៊ីណូ​ហេង​ៗ២ ស្ថិត​ក្នុង​សង្កាត់​បាវិត ក្រុង​បាវិត។ ការ​ចុះ​បង្ក្រាប​នេះ គឺ​ធ្វើ​ឡើង​ក្រោម​ការ​សង្ស័យ​ថា មានការ​លួចលាក់​ប្រព្រឹត្ត​អំពើ​ឆបោក​តាម​ប្រព័ន្ធ​អនឡាញ​យ៉ាង​គគ្រឹកគគ្រេង។ ក្នុង​ប្រតិបត្តិការ​ដ៏​សស្រាក់សស្រាំ​នេះ…