By ខេត្តកំពត៖ ស្នងការដ្ឋាននគរបាលខេត្តកំពតបានចាត់វិធានការតឹងរឹងចំពោះក្រុមក្មេងស្ទាវជិះម៉ូតូបង្កអនាធិបតេយ្យ ដើម្បីធានាសុវត្ថិភាពជូនពលរដ្ឋក្នុងឱកាសបុណ្យចូលឆ្នាំថ្មី។
យោងតាមការប្រកាសពីស្នងការដ្ឋាននគរបាលខេត្តកំពត នាយប់ថ្ងៃទី១២ ខែមេសា ឆ្នាំ២០២៦ អាជ្ញាធរបានដកហូតម៉ូតូពីក្រុមក្មេងដែលជិះលឿន និងជិះជ្រែពេញផ្លូវ។ ម៉ូតូទាំងនោះត្រូវបានឃាត់ខ្លួននៅប៉ុស្តិ៍ រហូតដល់បុណ្យចូលឆ្នាំបញ្ចប់ទើបអាចមកយកវិញបាន។
សមត្ថកិច្ចបានអំពាវនាវឱ្យប្រជាពលរដ្ឋទាំងអស់ជិះម៉ូតូឱ្យស្រួលបួល កុំជិះលឿន និងកុំជិះជ្រែពេញផ្លូវ ព្រោះក្នុងឱកាសបុណ្យចូលឆ្នាំ មានភ្ញៀវទេសចរជាតិ និងអន្តរជាតិមកកម្សាន្តនៅខេត្តកំពតយ៉ាងច្រើនកុះករ។
ការរឹតបន្តឹងនេះធ្វើឡើងក្នុងគោលបំណងការពារអាយុជីវិត និងសុវត្ថិភាពជូនភ្ញៀវទេសចរ។ សកម្មភាពជិះម៉ូតូជ្រែ និងលើសល្បឿនកំណត់ មិនត្រឹមតែបង្កគ្រោះថ្នាក់ដល់ខ្លួនឯងប៉ុណ្ណោះទេ ប៉ុន្តែវាក៏ជាហានិភ័យខ្ពស់បំផុតក្នុងការបង្កគ្រោះថ្នាក់ដល់អ្នកដទៃដែលកំពុងធ្វើដំណើរលើដងផ្លូវផងដែរ។
អាជ្ញាធរនគរបាលបានចែករំលែកថា ការឃាត់ខ្លួនម៉ូតូគឺជាវិធានការបង្ការដើម្បីកាត់បន្ថយគ្រោះថ្នាក់ចរាចរណ៍ និងធានាឱ្យបុណ្យចូលឆ្នាំឆ្លងផុតទៅដោយសុវត្ថិភាពសម្រាប់ភ្ញៀវទេសចរទាំងអស់។
