By អាជ្ញាធរខេត្តស្វាយរៀងបានបើកប្រតិបត្តិការបង្ក្រាបសម្បុកប្រព្រឹត្តបទល្មើសបច្ចេកវិទ្យា (Online Scam) នៅក្នុងកាស៊ីណូ ថាយថិនឃីង ក្រុងបាវិត កាលពីរសៀលថ្ងៃទី២០ មេសា ឆ្នាំ២០២៦។
ប្រតិបត្តិការនេះធ្វើឡើងក្រោយពីទទួលបានការសហការពីអ្នកគ្រប់គ្រងកាស៊ីណូ និងសណ្ឋាគារ ថាយថិនឃីង។ លោក ប៉េង ពោធិ៍សា អភិបាលខេត្តស្វាយរៀង បានបញ្ជាឲ្យកម្លាំងជំនាញចុះបង្ក្រាបភ្លាម។
កម្លាំងសមត្ថកិច្ចបានឃាត់ខ្លួនជនសង្ស័យសរុប ២៣ នាក់ (ស្រី ២ នាក់) និងដកហូតសម្ភារបច្ចេកទេសជាច្រើន រួមមាន៖ កុំព្យូទ័រលើតុ កុំព្យូទ័រយួរដៃ ទូរស័ព្ទដៃ និងសម្ភារបច្ចេកទេសផ្សេងៗទៀត។
ប្រតិបត្តិការនេះគឺជាការអនុវត្តអនុក្រឹត្យលេខ០៣ និងបង្ហាញពីស្មារតីទទួលខុសត្រូវរបស់វិស័យឯកជនក្នុងការសហការជាមួយអាជ្ញាធរ។
ជនសង្ស័យទាំងអស់ត្រូវបានបញ្ជូនទៅកាន់ការិយាល័យប្រឆាំងបទល្មើសបច្ចេកវិទ្យា ស្នងការដ្ឋាននគរបាលខេត្តស្វាយរៀង ដើម្បីចាត់ការតាមច្បាប់។
