ម៉ាឡេស៊ីបើកកម្មវិធីបុណ្យតន្ត្រីទឹកអស្ចារ្យ សណ្ឋាគារសន្យាបញ្ចុះតម្លៃរហូតដល់៧០% ស្វាគមន៍ទេសចរ

ក្នុងឱកាសអបអរទិវាពលកម្មអន្តរជាតិ ម៉ាឡេស៊ីបានត្រៀមរៀបចំពិធីបុណ្យតន្ត្រី និងទឹកដ៏អស្ចារ្យ RAIN RAVE WATER MUSIC FESTIVAL 2026 ចាប់ពីថ្ងៃទី៣០ មេសា ដល់ថ្ងៃទី២ ឧសភា ២០២៦។

ដើម្បីគាំទ្រយុទ្ធនាការ Visit Malaysia 2026 (VM2026) សណ្ឋាគារចំនួន៧៩ នៅទូទាំងប្រទេសបានចូលរួមផ្តល់ការបញ្ចុះតម្លៃបន្ទប់ស្នាក់នៅរហូតដល់ ៧០%។ ការផ្តល់ជូនពិសេសនេះអាចកក់បានចាប់ពីថ្ងៃទី២៩ មេសា ដល់ថ្ងៃទី៣ ឧសភា ២០២៦។

ភ្ញៀវទេសចរអាចប្រើលេខកូដបញ្ចុះតម្លៃ VM2026TWD នៅពេលកក់តាមគេហទំព័រសណ្ឋាគារផ្លូវការ។ ពិធីបុណ្យរយៈពេល៣ថ្ងៃនេះ នឹងបង្កើតបទពិសោធន៍ថ្មីដោយប្រើភ្លៀងជាកម្សាន្តចម្បង រួមផ្សំជាមួយតន្ត្រី វប្បធម៌ និងរបៀបរស់នៅបែបទំនើបនៅកណ្តាលទីក្រុង។

គំនិតផ្តួចផ្តើមនេះគាំទ្រដល់កិច្ចខិតខំប្រឹងប្រែងរបស់ម៉ាឡេស៊ីក្នុងការពង្រឹងប្រព័ន្ធអេកូទេសចរណ៍។ ព័ត៌មានបន្ថែមអាចរកបានតាមរយៈគេហទំព័រ www.malaysia.travel ។