By ភ្នំពេញ៖ នៅល្ងាចថ្ងៃទី២៦ ខែមេសា ឆ្នាំ២០២៦ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញដឹកនាំគណៈប្រតិភូចូលរួមកិច្ចប្រជុំរដ្ឋមន្ត្រីការបរទេសអាស៊ាន-សហភាពអឺរ៉ុប លើកទី២៥ នៅទីក្រុងបានដា ស៊េរីបេហ្កាវ៉ាន់ ប្រទេសប្រ៊ុយណេដារូស្សាឡាម ចាប់ពីថ្ងៃទី២៧ ដល់ថ្ងៃទី២៨ ខែមេសា។
ក្រៅពីការចូលរួមកិច្ចប្រជុំអន្តរជាតិដ៏សំខាន់នេះ លោកឧបនាយករដ្ឋមន្ត្រីក៏បានគ្រោងបំពេញទស្សនកិច្ចផ្លូវការនៅប្រទេសប្រ៊ុយណេដារូស្សាឡាម ចាប់ពីថ្ងៃទី២៩ ដល់ថ្ងៃទី៣០ ខែមេសា ឆ្នាំ២០២៦ ដើម្បីពង្រឹងទំនាក់ទំនងទ្វេភាគី និងជំរុញកិច្ចសហប្រតិបត្តិការលើវិស័យជាច្រើន។
កិច្ចប្រជុំរដ្ឋមន្ត្រីការបរទេសអាស៊ាន-សហភាពអឺរ៉ុប លើកទី២៥ នេះ គឺជាវេទិកាដ៏សំខាន់មួយសម្រាប់ពិភាក្សាអំពីកិច្ចសហប្រតិបត្តិការរវាងតំបន់ទាំងពីរ លើវិស័យសេដ្ឋកិច្ច ពាណិជ្ជកម្ម សន្តិសុខ និងការអភិវឌ្ឍប្រកបដោយចីរភាព។
លោកឧបនាយករដ្ឋមន្ត្រី ប្រាក់ សុខុន នឹងលើកយកនូវទស្សនៈរបស់កម្ពុជាទាក់ទងនឹងការពង្រឹងភាពជាដៃគូអាស៊ាន-សហភាពអឺរ៉ុប ក៏ដូចជាការលើកកម្ពស់កិច្ចសហប្រតិបត្តិការក្នុងតំបន់ និងសកលលោក។ កម្ពុជាបន្តប្តេជ្ញាចិត្តក្នុងការចូលរួមចំណែកយ៉ាងសកម្មជាមួយសហគមន៍អន្តរជាតិ។
គួរបញ្ជាក់ថា ដំណើរបំពេញទស្សនកិច្ចនៅប្រ៊ុយណេដារូស្សាឡាមនាពេលនេះ គឺជាឱកាសមួយដើម្បីពិភាក្សាអំពីកិច្ចសហប្រតិបត្តិការទ្វេភាគី និងពង្រឹងចំណងមិត្តភាពរវាងប្រទេសទាំងពីរ។
ដោយ៖ សិលា
