By ខេត្តព្រះវិហារ៖ កម្លាំងជំនាញប្រឆាំងគ្រឿងញៀននៃអធិការដ្ឋាននគរបាលស្រុកគូលែន សហការជាមួយកម្លាំងប៉ុស្តិ៍នគរបាលរដ្ឋបាលថ្មី និងប៉ុស្តិ៍នគរបាលរដ្ឋបាលគូលែនត្បូង បានចុះបង្ក្រាបករណីរក្សាទុក ដឹកជញ្ជូន ជួញដូរ និងប្រើប្រាស់សារធាតុញៀនដោយខុសច្បាប់ កាលពីថ្ងៃទី២៣ ខែមេសា ឆ្នាំ២០២៦ វេលាម៉ោង១៦:៤០នាទី នៅចំណុចផ្សារគូលែនត្បូង ស្រុកគូលែន។
ការបង្ក្រាបនេះ ធ្វើឡើងដោយអនុវត្តតាមអនុសាសន៍ណែនាំពី នាយឧត្តមសេនីយ៍ ស ថេត អគ្គស្នងការនគរបាលជាតិ និងបទបញ្ជារបស់ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ។
ជនសង្ស័យដែលត្រូវបានឃាត់ខ្លួនមានចំនួន ០២នាក់៖
- ១. ឈ្មោះ លីហួរ ស៉ីង ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ។
- ២. ឈ្មោះ ញ៉ អូន ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិស្របាល ឃុំភ្នំពេញ ស្រុកគូលែន ខេត្តព្រះវិហារ។
វត្ថុតាង និងសម្ភារៈចាប់យករួមមាន៖
- សារធាតុញៀនប្រភេទមេតំហ្វរតាមីន (ICE) ទម្ងន់ ២,៥២ក្រាម
- ទូរស័ព្ទដៃចំនួន ០២គ្រឿង
- កាំភ្លើងកែច្នៃចំនួន ០៣ដើម
- ដាវចំនួន ០១ដើម
- ឧបករណ៍សម្រាប់ជក់ និងថង់វេចខ្ចប់មួយចំនួន
បច្ចុប្បន្ននេះ ជនសង្ស័យទាំង០២នាក់ និងវត្ថុតាងត្រូវបានសមត្ថកិច្ចជំនាញបញ្ជូនទៅកាន់អយ្យការអមសាលាដំបូងខេត្តព្រះវិហារ ដើម្បីចាត់ការតាមនីតិវិធីច្បាប់។
