By កម្លាំងនគរបាលក្រុងតាខ្មៅ ខេត្តកណ្តាល បានបើកការស្រាវជ្រាវយ៉ាងសកម្ម ឈានដល់ការឃាត់ខ្លួនជនសង្ស័យចំនួន ០៣នាក់ ក្នុងក្រុមក្មេងទំនើងរហ័សនាម “Moon កែង” ដែលបានធ្វើសកម្មភាពកាប់បំផ្លាញម៉ូតូជនរងគ្រោះ ក្នុងស្រុកតាខ្មៅ។
ក្រោយពីទទួលបានបទបញ្ជាពី លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កម្លាំងជំនាញព្រហ្មទណ្ឌនៃអធិការដ្ឋានគរបាលក្រុងតាខ្មៅ បានសហការជាមួយជំនាញខេត្ត បើកការស្រាវជ្រាវករណីហិង្សាដោយចេតនា និងធ្វើឲ្យខូចខាតដោយចេតនា ដែលបង្កឡើងដោយក្មេងទំនើង។
ករណីនេះកើតឡើងកាលពីថ្ងៃទី២៩ ខែមេសា ឆ្នាំ២០២៦ វេលាម៉ោង ១៩:០០នាទី ចំណុចក្រោយសាលារៀនសុវណ្ណភូមិ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។
ជនសង្ស័យដែលត្រូវបានឃាត់ខ្លួនមានឈ្មោះ៖
- ឃុន ខុនគីមូន (អាយុ ១៩ឆ្នាំ)
- បែន ចេស្តា ហៅនាថ (អាយុ ២០ឆ្នាំ ជនជាតិខ្មែរ)
- ង្វៀង យ៉ាំងលឿង ហៅជា (អាយុ ១៨ឆ្នាំ)
ចំពោះបក្ខពួកផ្សេងទៀតដែលកំពុងរត់គេចខ្លួន កម្លាំងជំនាញកំពុងបន្តតាមស្រាវជ្រាវដើម្បីឃាត់ខ្លួនមកអនុវត្តច្បាប់បន្ត។
បច្ចុប្បន្ន ជនសង្ស័យទាំង ០៣នាក់ត្រូវបានបញ្ជូនទៅកាន់អយ្យការអមសាលាដំបូងខេត្តកណ្តាល ដើម្បីចាត់ការតាមនីតិវិធីច្បាប់បន្តទៀត។
