អាវុធហត្ថភ្នំពេញ វាយសង្កត់រកឃាត់ខ្លួនជនសង្ស័យ៦នាក់ ពាក់ព័ន្ធគ្រឿងញៀន!

ភ្នំពេញ៖ កម្លាំងការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌច្បារអំពៅ បានចុះបង្រ្កាប និងឃាត់ខ្លួនជនសង្ស័យចំនួន ៦នាក់ ពាក់ព័ន្ធនឹងករណីជួញដូរសារធាតុញៀនដោយខុសច្បាប់។

ប្រតិបត្តិការនេះធ្វើឡើងនៅវេលាម៉ោង ១៧:១០ ថ្ងៃទី០៧ ខែឧសភា ឆ្នាំ២០២៦ នៅចំណុចភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

វត្ថុតាងចាប់យក

• ម្សៅក្រាមសថ្លា ០៤ កញ្ចប់
• ជញ្ជីងអេឡិចត្រូនិក ០១ គ្រឿង
• ដាវសាម៉ូរ៉ៃ ០២ ដើម
• កញ្ចប់ពណ៌ស (Ferrari) ០១ (សង្ស័យជាសារធាតុញៀន)
• ឧបករណ៍ប្រើប្រាស់គ្រឿងញៀន ០១
• សម្ភារមួយចំនួនទៀត

ជនសង្ស័យទាំង ៦ នាក់

1. ឈ្មោះ កួច តង ភេទប្រុស អាយុ ២៥ ឆ្នាំ
2. ឈ្មោះ តាំង ហេង ភេទប្រុស អាយុ ១៨ ឆ្នាំ
3. ឈ្មោះ ជឿង យ៉ាងមី ភេទប្រុស អាយុ ២១ ឆ្នាំ
4. ឈ្មោះ ឡុង សម្បត្តិ ភេទប្រុស អាយុ ១១៨ ឆ្នាំ
5. ឈ្មោះ លី ហួរ ភេទប្រុស អាយុ ២១ ឆ្នាំ
6. ឈ្មោះ លី យី ភេទប្រុស អាយុ ៣០ ឆ្នាំ

បច្ចុប្បន្ន ជនសង្ស័យទាំង ៦ នាក់ រួមនឹងវត្ថុតាងត្រូវបានកម្លាំងជំនាញកសាងសំណុំរឿង បញ្ជូនទៅតុលាការដើម្បីចាត់ការតាមផ្លូវច្បាប់។