គីម ជុងអ៊ុន ត្រួតពិនិត្យនាវាចម្បាំងថ្មី សាកល្បងមីស៊ីលផ្លោង ពង្រីកសមត្ថភាពនុយក្លេអ៊ែរ
មេដឹកនាំកូរ៉េខាងជើង លោក គីម ជុងអ៊ុន បានចំណាយពេលពីរថ្ងៃជាប់គ្នាក្នុងការត្រួតពិនិត្យនាវាពិឃាតថ្មីមុនដាក់ដំណើរការ និងសាកល្បងមីស៊ីលផ្លោងបាញ់ចេញពីនាវាចម្បាំង។ លោកបានសន្យាថានឹងពន្លឿនកម្មវិធីអាវុធនុយក្លេអ៊ែររបស់កងទ័ពជើងទឹក។ ទីភ្នាក់ងារសារព័ត៌មានមជ្ឈិមកូរ៉េខាងជើង (KCNA) បានរាយការណ៍ថា លោកគីមបានទស្សនកិច្ចទៅកាន់កន្លែងផលិតនាវាចម្បាំង Nampo ភាគខាងលិច កាលពីថ្ងៃអង្គារ និងថ្ងៃពុធ។ លោកក៏បានត្រួតពិនិត្យការសាងសង់នាវាពិឃាតទីបីដែលមានសមត្ថភាពដូចគ្នាទៅនឹងនាវាចម្បាំងទម្ងន់ ៥០០០តោនរបស់កូរ៉េខាងជើងគឺនាវា Choe Hyon។ លោកគីមបានសាទរចំពោះការអភិវឌ្ឍនាវា…
