admin

រដ្ឋមន្ត្រីការបរទេសថៃ លោក Sihasak Phuangketkeow បានធ្វើដំណើរទៅកាន់ប្រទេសមីយ៉ាន់ម៉ា ដើម្បីស្នើសុំកុំឲ្យកងកម្លាំងយោធាផ្លោងគ្រាប់កាំភ្លើងចូលទឹកដីថៃទៀត បន្ទាប់ពីមានគ្រាប់កាំភ្លើងធ្លាក់ចូលខេត្តតាក់ បណ្តាលឲ្យជនស៊ីវិលរងរបួស។ ក្រសួងការបរទេសថៃ បានប្រកាសនៅថ្ងៃចន្ទទី៨ ខែធ្នូ ឆ្នាំ២០២៥ ថា មីយ៉ាន់ម៉ាបានយល់ព្រមធានាថា ប្រតិបត្តិការយោធាដែលកំពុងបន្តនៅក្បែរព្រំដែនរួមរបស់ពួកគេ មិនបង្កគ្រោះថ្នាក់ដល់ជនស៊ីវិលទៀតទេ។ កិច្ចពិភាក្សានេះកើតឡើងបន្ទាប់ពីគ្រាប់កាំភ្លើងធំពីការប៉ះទង្គិចគ្នានៅស្រុក Myawaddy នៃប្រទេសមីយ៉ាន់ម៉ា បានធ្លាក់ចូលទឹកដីថៃក្នុងប៉ុន្មានសប្តាហ៍ថ្មីៗនេះ…

(រាជធានីភ្នំពេញ)៖ យោធាថៃបានបើកការបាញ់ប្រហារចូលទៅក្នុងភូមិប្រជាពលរដ្ឋ បណ្តាលឱ្យមានអ្នករងរបួស និងផ្ទះសម្បែងឆេះអស់ជាច្រើនខ្នងនៅតាមតំបន់ព្រំដែនកម្ពុជា-ថៃ។ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិកម្ពុជា បានថ្លែងក្នុងសន្និសីទសារព័ត៌មាននាព្រឹកថ្ងៃទី៨ ខែធ្នូ ឆ្នាំ២០២៥ ថា ការបាញ់ប្រហាររបស់យោធាថៃបានឈានដល់តំបន់រស់នៅរបស់ប្រជាពលរដ្ឋក្នុងខេត្តឧត្តរមានជ័យ និងខេត្តព្រះវិហារ។ «ការបាញ់ប្រហារនេះបណ្តាលឱ្យប្រជាពលរដ្ឋស្លូតត្រង់រងរបួស ផ្ទះសម្បែងឆេះអស់ជាច្រើនខ្នង ហើយប្រជាពលរដ្ឋក្មេងចាស់ ប្រុសស្រី…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានប្រកាសផ្អាក និងលុបចោលរាល់កម្មវិធីការងារដែលបានគ្រោងទុកទាំងអស់ ដើម្បីផ្តោតលើការងារអាទិភាពខ្ពស់បំផុតគឺការការពារបូរណភាពទឹកដី។ តាមរយៈបណ្តាញសង្គមផ្លូវការ សម្តេចតេជោបានបញ្ជាក់យ៉ាងច្បាស់ថា សម្តេចនឹងចូលរួមសហការដោយផ្ទាល់ជាមួយសម្តេចមហាបវរធិបតី នាយករដ្ឋមន្ត្រីកម្ពុជា ក្នុងការបញ្ជា និងដឹកនាំកងកម្លាំងប្រដាប់អាវុធ ដើម្បីទប់ទល់នឹងសកម្មភាពឈ្លានពានតាមបណ្តោយព្រំដែន។ សម្តេចតេជោបានសង្កត់ធ្ងន់ថា៖ «ខ្ញុំបានលុបចោលកម្មវិធីការងារផ្សេងទៀតអស់ហើយ ដើម្បីមករួមជាមួយនាយករដ្ឋមន្ត្រី បញ្ជាលើកម្លាំងប្រដាប់អាវុធ ទប់ទល់ជាមួយការឈ្លានពាន»។…

រាជធានីភ្នំពេញ – ក្រសួងការពារជាតិបានច្រានចោលព័ត៌មានមិនពិតរបស់ថៃ និងបញ្ជាក់យ៉ាងច្បាស់ថា កងទ័ពថៃជាអ្នកចាប់ផ្តើមបង្កហេតុជម្លោះតាមបណ្តោយព្រំដែនកម្ពុជា-ថៃ។ ក្នុងសេចក្តីប្រកាសផ្លូវការនាព្រឹកថ្ងៃទី០៨ ខែធ្នូ ឆ្នាំ២០២៥ ក្រសួងការពារជាតិបានបញ្ជាក់ថា ការលើកឡើងរបស់អាជ្ញាធរយោធាថៃ និងបណ្តាញសារព័ត៌មានថៃមួយចំនួនដែលថា កម្ពុជាបើកការបាញ់មុន និងប្រើសព្វាវុធធុនធ្ងន់ គឺជាព័ត៌មានមិនពិតទាំងស្រុង។ តាមការបញ្ជាក់របស់ក្រសួងការពារជាតិ កងកម្លាំងយោធាថៃបានចាប់ផ្តើមបើកការវាយប្រហារមកលើកងកម្លាំងយោធាកម្ពុជា នៅព្រឹកថ្ងៃទី៨ ខែធ្នូ ឆ្នាំ២០២៥ ចាប់តាំងពីម៉ោង៥ព្រឹកមក។…

ខេត្តសៀមរាប៖ ទិវារត់ប្រណាំងពាក់កណ្ដាលម៉ារ៉ាតុងអន្តរជាតិអង្គរ បានប្រារព្ធពិធីខួបលើកទី៣០ដ៏អស្ចារ្យ ដោយមានអត្តពលិកជាតិ និងអន្តរជាតិចំនួន១៦,០០០នាក់ពី៨៦ប្រទេសចុះឈ្មោះចូលរួម។ ឯកឧត្តមឧបនាយករដ្ឋមន្ត្រី ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានបង្ហាញមោទនភាពចំពោះសមិទ្ធផលដ៏អស្ចារ្យនៃព្រឹត្តិការណ៍កីឡាទេសចរណ៍នេះ ដែលបានកើនឡើងពីអ្នករត់ត្រឹម៥០០នាក់កាលពីឆ្នាំ១៩៩៦ មកដល់១៦,០០០នាក់ក្នុងឱកាសខួប៣០ឆ្នាំនេះ។ ក្នុងពិធីលៀងសាយភោជន៍នៅប្រាសាទក្រវ៉ាន់ លោកឧបនាយករដ្ឋមន្ត្រីបានមានប្រសាសន៍ថា៖ “ព្រឹត្តិការណ៍នេះបានក្លាយជាពិធីបុណ្យដ៏ធំប្រចាំឆ្នាំ ដែលទាក់ទាញទេសចរណ៍ជាតិ និងអន្តរជាតិមកពីគ្រប់ទិសទីលើពិភពលោក មករត់ប្រណាំង និងទស្សនាប្រាង្គប្រាសាទអង្គរ។” ព្រឹត្តិការណ៍នេះបានប្រព្រឹត្តទៅនាព្រឹកថ្ងៃទី៧ខែធ្នូ…

រដ្ឋាភិបាលឥណ្ឌូណេស៊ីបានប្រកាសថា កោះស៊ូម៉ាត្រាត្រូវការមូលនិធិកសាងឡើងវិញចំនួន ៥.១៨២ ទ្រីលានរូពី (ប្រហែល ៣,១ ពាន់លានដុល្លារ) បន្ទាប់ពីទទួលរងគ្រោះដោយទឹកជំនន់ធ្ងន់ធ្ងរ។ យោងតាមទិន្នន័យផ្លូវការ ចំនួនអ្នកស្លាប់ដោយសារទឹកជំនន់ និងការបាក់ដីបានកើនឡើងដល់ ៩៥០ នាក់ ខណៈ ២៧៤ នាក់ទៀតនៅតែបាត់ខ្លួន។ ព្យុះស៊ីក្លូនដដែលនេះក៏បានសម្លាប់មនុស្សប្រហែល ២០០ នាក់នៅភាគខាងត្បូងប្រទេសថៃ និងម៉ាឡេស៊ីផងដែរ។…

(តូក្យូ)៖ ក្រសួងការពារជាតិជប៉ុនបានចេញសេចក្តីថ្លែងការណ៍យ៉ាងធ្ងន់ធ្ងរនៅថ្ងៃអាទិត្យ ទី៧ ខែធ្នូ ដោយអះអាងថាយន្តហោះចម្បាំងចិនបានដំណើរការប្រព័ន្ធរ៉ាដាកំណត់គោលដៅលើយន្តហោះចម្បាំងជប៉ុន នៅលើដែនទឹកអន្តរជាតិជិតកោះអូកីណាវ៉ា។ នេះត្រូវបានគេចាត់ទុកជាសកម្មភាពគ្រោះថ្នាក់ដែលអាចបណ្តាលឱ្យមានអាសន្នភាព។ រដ្ឋមន្ត្រីការពារជាតិជប៉ុន លោក Shinjiro Koizumi បានថ្កោលទោសសកម្មភាពនេះក្នុងសន្និសីទសារព័ត៌មានមួយ ដោយហៅវាថា “សកម្មភាពគ្រោះថ្នាក់ និងគួរឱ្យសោកស្តាយបំផុត”។ ទីក្រុងតូក្យូបានដាក់កំណត់ទូតតវ៉ាយ៉ាងរឹងមាំ និងដាស់តឿនព្រមានចិនកុំឱ្យធ្វើសកម្មភាពបែបនេះម្តងទៀត។ ឧបទ្ទវហេតុលើកទីមួយបានកើតឡើងនៅពេលយន្តហោះចម្បាំងចិន J-15 ដែលហោះចេញពីនាវាផ្ទុកយន្តហោះ…

ភ្នំពេញ៖ នៅពេលដែលអាជ្ញាធរខណ្ឌផ្សេងៗក្នុងរាជធានីភ្នំពេញកំពុងពង្រឹងសកម្មភាពរៀបចំសណ្តាប់ធ្នាប់លើដងផ្លូវ អាជ្ញាធរខណ្ឌទួលគោកវិញនៅតែស្ងៀមស្ងាត់ជាងគេ។ បញ្ហាលក់ដូរអាណាធិបតេយ្យនៅតាមចិញ្ចើមផ្លូវជាប់របងមន្ទីរពេទ្យកុមារជាតិ និងមន្ទីរពេទ្យព្រះកុសមៈ (ឬពេទ្យលោកសង្ឃ) បានកើតឡើងយូរមកហើយ ប៉ុន្តែអាជ្ញាធរខណ្ឌទួលគោកមិនទាន់ធ្វើសកម្មភាពណាមួយដើម្បីដោះស្រាយនោះទេ។ អ្នកលក់ដូរបានដាក់តាំងទំនិញរហូតដល់ពាក់កណ្តាលទ្រូងផ្លូវ បង្កឱ្យមានការរអាក់រអួលដល់អ្នកធ្វើដំណើរ។ ប្រជាពលរដ្ឋជាច្រើនបានចោទសួរថា តើអាជ្ញាធរខណ្ឌទួលគោកក្រោមការដឹកនាំរបស់លោកជា ពិសី កំពុងធ្វើអ្វីនៅ? ហេតុអ្វីបានជាពួកគេមិនឃើញការចុះទៅរៀបចំសណ្តាប់ធ្នាប់នៅតំបន់ទាំងនេះ? ការស្ងៀមស្ងាត់របស់អាជ្ញាធរបានធ្វើឱ្យប្រជាពលរដ្ឋមានការសង្ស័យថា ទំនងជាមានការទទួលអំណោយពីអ្នកលក់ដូរ។ “បើមិនបានទទួលលាភសក្ការៈទេ សាលាខណ្ឌទួលគោកប្រាកដជាបញ្ចេញកម្លាំងទៅបោសសំអាតរៀបចំសណ្តាប់ធ្នាប់លើទីតាំងទាំងនោះហើយ” នេះជាការអះអាងរបស់ប្រជាពលរដ្ឋម្នាក់ដែលរស់នៅក្បែរតំបន់នោះ។…

ភ្នំពេញ៖ លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន បានចេញសារសម្តែងការព្រួយបារម្ភយ៉ាងខ្លាំងចំពោះការប៉ះទង្គិចគ្នាដោយអាវុធរវាងកងកម្លាំងថៃ និងកម្ពុជាតាមបណ្តោយព្រំដែន។ លោក អាន់វ៉ា បានជំរុញឱ្យថៃ និងកម្ពុជា បញ្ឈប់ការប្រយុទ្ធគ្នាភ្លាមៗ ការពារជនស៊ីវិល និងត្រឡប់ទៅរកមាគ៌ាការទូតដែលគាំទ្រដោយច្បាប់អន្តរជាតិ។ លោកបានសរសេរនៅលើហ្វេសប៊ុកថា៖ “ខ្ញុំមានការព្រួយបារម្ភយ៉ាងខ្លាំងចំពោះរបាយការណ៍អំពីការប៉ះទង្គិចប្រដាប់អាវុធរវាងកងកម្លាំងកម្ពុជា និងថៃ នៅតាមព្រំដែនទូទៅ។ ខ្ញុំសូមចូលរួមរំលែកទុក្ខដល់ក្រុមគ្រួសារនៃអ្នកដែលត្រូវបានសម្លាប់…

ភ្នំពេញ៖ ក្រសួងអប់រំ យុវជន និងកីឡា បានប្រកាសថា ចំនួនសាលារៀនដែលត្រូវបិទទ្វារបណ្តោះអាសន្នបានកើនឡើងដល់ ៤២ សាលា នៅតាមស្រុកថ្មពួក ស្រុកស្វាយចេក និងស្រុកអូជ្រៅ ខេត្តបន្ទាយមានជ័យ។ ការបិទទ្វារសាលារៀននេះកើតឡើងដោយសារស្ថានភាពមិនសុខសាន្តនៅតាមបន្ទាត់ព្រំដែនកម្ពុជា-ថៃ ក្រោយពីយោធាថៃបានបើកការបាញ់ប្រហារមកលើកងកម្លាំងកម្ពុជានាព្រឹកថ្ងៃទី៨ ខែធ្នូ ឆ្នាំ២០២៥។ យោងតាមសេចក្តីប្រកាសព័ត៌មានពីក្រសួងការពារជាតិ អ្នកនាំពាក្យក្រសួង លោកជំទាវ ឧត្តមសេនីយ៍ឯក…