By យោងតាមរបាយការណ៍ពី Axios ចុះផ្សាយថ្ងៃទី១៧ខែមេសា សហរដ្ឋអាមេរិកបានផ្តល់ជូនការដោះលែងទ្រព្យសម្បត្តិដែលបង្កករបស់អ៊ីរ៉ង់ចំនួន២០ពាន់លានដុល្លារ ជាថ្នូរនឹងការប្រគល់អ៊ុយរ៉ាញ៉ូមចម្រាញ់រួចរបស់អ៊ីរ៉ង់ ដែលជាផ្នែកមួយនៃកិច្ចចរចាដើម្បីបញ្ចប់សង្គ្រាម។
សំណើនេះបង្ហាញពីការខិតជិតគ្នានៃជំហរភាគីទាំងពីរ បន្ទាប់ពីកាលពីមុន អាមេរិកត្រៀមដោះលែងទ្រព្យសម្បត្តិបង្កកត្រឹមតែ៦ពាន់លានដុល្លារប៉ុណ្ណោះ ខណៈដែលអ៊ីរ៉ង់បានទាមទាររហូតដល់២៧ពាន់លានដុល្លារ។
ផែនការនេះក៏រួមបញ្ចូលផងដែរនូវការផ្អាកដោយស្ម័គ្រចិត្តលើការចម្រាញ់អ៊ុយរ៉ាញ៉ូមនៅក្នុងប្រទេសអ៊ីរ៉ង់។ នៅក្រោមសំណើ អ៊ីរ៉ង់នឹងត្រូវបានអនុញ្ញាតឲ្យបន្តការស្រាវជ្រាវនុយក្លេអ៊ែរ និងការងារលើអ៊ីសូតូបវេជ្ជសាស្ត្រ ប៉ុន្តែត្រូវធ្វើឡើងនៅតាមទីតាំងលើដីតែប៉ុណ្ណោះ។
ទោះជាយ៉ាងណាក៏ដោយ ភាពខុសគ្នាដ៏ធំនៅតែមានលើរយៈពេលនៃការផ្អាកនេះ ដោយសហរដ្ឋអាមេរិកទទូចឲ្យផ្អាករយៈពេល២០ឆ្នាំ ខណៈដែលទីក្រុងតេហេរ៉ង់ចង់ផ្អាកត្រឹមតែ៥ឆ្នាំ។
បច្ចុប្បន្ន ក្រុមអ្នកសម្របសម្រួលកំពុងខិតខំប្រឹងប្រែងយ៉ាងខ្លាំង ដើម្បីជួយឲ្យភាគីទាំងពីរអាចឈានទៅរកកិច្ចព្រមព្រៀងចុងក្រោយមួយដែលគ្រប់គ្នាអាចទទួលយកបាន។
អ៊ីរ៉ង់បានចេញមុខបដិសេធរឿងបញ្ជូនសារធាតុអ៊ុយរ៉ាញ៉ូមទៅឲ្យអាមេរិក ដែលបង្កើតជាឧបសគ្គថ្មីក្នុងកិច្ចចរចា។
