អ្នកជំនាញផ្នែកយុទ្ធសាស្ត្រលើកឡើងពីវិធានការ៥ចំណុចក្នុងការដោះស្រាយជម្លោះព្រំដែនជាមួយថៃ

ភ្នំពេញ៖ លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានចេញសេចក្តីថ្លែងការណ៍យោបល់យ៉ាងសំខាន់នៅថ្ងៃទី២១ ខែមេសា ឆ្នាំ២០២៦ ដោយលើកឡើងពីទស្សនៈយល់ឃើញរបស់គាត់ក្នុងការដោះស្រាយបញ្ហាព្រំដែនជាមួយប្រទេសថៃ។

លោកបណ្ឌិត យង់ ពៅ បានអះអាងថា ក្រៅពីការតវ៉ាតាមរយៈកំណត់ទូតផ្លូវការ ក្នុងករណីថៃបន្តពង្រីកសកម្មភាពឈ្លានពានទឹកដីកម្ពុជា ប្រទេសកម្ពុជាគួរតែអនុវត្តវិធានការចំនួន៥ចំណុចសំខាន់ៗ៖

១. ត្រូវពង្រឹងសមត្ថភាពការពារជាតិដោយមិនបង្អង់ និងមិនរារែក ដើម្បីការពារអធិបតេយ្យភាពជាតិ

២. ពង្រឹងយុទ្ធភូមិសាស្ត្រភូមិសាស្ត្រនយោបាយ (Geostrategic) ដើម្បីរក្សាតុល្យភាពភូមិសាស្ត្រនយោបាយក្នុងតំបន់

៣. ពង្រឹងសមត្ថភាពខាងក្នុង រក្សាឯកភាពជាតិ និងសាមគ្គីជាតិ តាមរយៈការធានាយុត្តិធម៌សង្គម កំណែទម្រង់រដ្ឋបាលសាធារណៈឆ្លាតវៃ និងស្អាតស្អំឱ្យបានប្រាកដនិយម

៤. ពង្រឹងការគាំពារផលិតកម្មក្នុងស្រុក បង្កើតទីផ្សារការងារ និងមុខរបរបន្ថែមសម្រាប់ប្រជាពលរដ្ឋ

៥. អនុវត្តកំណែទម្រង់រយៈពេលវែង បណ្តុះបណ្តាលមូលធនមនុស្សប្រកបដោយថាមពលជាតិ រួមមានបញ្ញា សម្បជ្ជញ្ញៈ និងចំណេះជំនាញជាច្រើនទៀត

សេចក្តីថ្លែងការណ៍នេះបានធ្វើឡើងក្នុងពេលដែលមានការកើនឡើងនូវភាពតានតឹងព្រំដែនរវាងកម្ពុជា និងថៃ ដែលតម្រូវឱ្យមានវិធានការយុទ្ធសាស្ត្រដ៏ច្បាស់លាស់។

ប្រភព៖ លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា