By ភ្នំពេញ៖ ក្រសួងធនធានទឹក និងឧតុនិយមបានចេញព្រមានអំពីស្ថានភាពអាកាសធាតុដែលនឹងប៉ះពាល់ដល់ប្រទេសកម្ពុជាចាប់ពីថ្ងៃទី២១ ដល់ថ្ងៃទី២៣ ខែមេសា ឆ្នាំ២០២៦នេះ។
សម្ពាធទាបដែលកើតនៅលើសមុទ្រចិនខាងត្បូងមានឥទ្ធិពលធ្វើឱ្យខ្យល់មូសុងឦសានបក់ខ្លាំងលើតំបន់អាងទន្លេមេគង្គ សមុទ្រកម្ពុជា និងទូទាំងប្រទេស។
តំបន់វាលទំនាប៖ សីតុណ្ហភាពពី ២៤-៣៧°C ខ្យល់បក់ពីទិសបូព៌ និងអាគ្នេយ៍ល្បឿន ២ម/វិនាទី។ ខេត្តបាត់ដំបង កំពង់ឆ្នាំង កំពង់ធំ កណ្តាល និងភ្នំពេញអាចមានភ្លៀងធ្លាក់ជាមួយខ្យល់កន្ត្រាក់ និងផ្គររន្ទះ។
តំបន់ខ្ពង់រាប៖ សីតុណ្ហភាពពី ២៥-៣៦°C ខ្យល់បក់ពីទិសឦសានល្បឿន ៣ម/វិនាទី។ ខេត្តកំពង់ស្ពឺ ប៉ៃលិន ព្រះវិហារ និងតំបន់ជួរភ្នំអាចមានភ្លៀងធ្លាក់។
តំបន់មាត់សមុទ្រ៖ សីតុណ្ហភាពពី ២៤-៣៦°C ខេត្តកោះកុង ព្រះសីហនុ កំពត កែប និងជួរភ្នំបូកគោអាចមានភ្លៀងធ្លាក់ខ្លាំងជាងគេ។ រលកសមុទ្រកម្ពស់ពី ០.៥០-១.០០ម៉ែត្រ។
សូមប្រជាពលរដ្ឋប្រុងប្រយ័ត្ន និងទទួលយកព័ត៌មាននេះដើម្បីសុវត្ថិភាព៕
