By កម្លាំងនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជន កាលពីវេលាម៉ោង១០យប់ថ្ងៃទី២៣ ខែ មេសា ឆ្នាំ២០២៦ បានចុះបង្ក្រាបទីតាំងភោជនីយដ្ឋាន «ឬស្សីស្រស់» ឃាត់ប្រុសស្រីជាច្រើននាក់ ដោយសង្ស័យថាទីតាំងខាងលើមានបង្កប់សេវាកម្មខុសច្បាប់។
ប្រតិបត្តិការនេះធ្វើឡើងនៅបណ្ដោយផ្លូវជាតិលេខ១ សង្កាត់និរោធ ខណ្ឌច្បារអំពៅ រាជធានីភ្នំពេញ។
តាមការបញ្ជាក់ពីមន្ត្រីសមត្ថកិច្ចបានអោយដឹងថា ក្នុងប្រតិបត្តិការនេះកម្លាំងជំនាញបានឃាត់ម្ចាស់ទីតាំង និងបុគ្គលិកនារីៗ រួមទាំងអ្នកពាក់ព័ន្ធបំរើការក្នុងហាងបូករួមទាំងសម្ភារៈមួយចំនួនធំ យកទៅសួរនាំជាបណ្តោះអាសន្ន។
ក្រោយពេលប្រតិបត្តិការរួច សមត្ថកិច្ចបានបញ្ជូនមនុស្សប្រុសស្រីទៅអគ្គស្នងការដ្ឋាននគរបាលជាតិ ដើម្បីសាកសួរនាំ និងបន្តតាមនីតិវិធីច្បាប់។
អត្ថបទ៖ រដ្ឋា
