ព្រឹត្តិការណ៍ភ័យរន្ធត់សាជាថ្មី! សណ្ឋាគារអតីតកាលរបស់លោក Reagan ក្លាយជាកន្លែងកើតហេតុគ្រោះថ្នាក់សារជាថ្មី ជាមួយលោក Trump

វិមានសន្តិសុខដ៏តក់ស្លុតមួយបានកើតឡើងនៅឯសណ្ឋាគារ Washington Hilton ក្នុងរដ្ឋធានីវ៉ាស៊ីនតោន នារាត្រីថ្ងៃសៅរ៍ ទី២៥ ខែមេសា ឆ្នាំ២០២៦ ដោយបង្ខំឱ្យប្រធានាធិបតីអាមេរិក លោក ដូណាល់ ត្រាំ និងលោកស្រី Melania Trump ត្រូវជម្លៀសចេញពីពិធីជប់លៀងសមាគមអ្នកឆ្លើយឆ្លងព័ត៌មានសេតវិមានជាបន្ទាន់។ ព្រឹត្តិការណ៍នេះកើតឡើងបន្ទាប់ពីមានសំឡេងផ្ទុះដ៏ខ្លាំងមួយ ដែលរបាយការណ៍បឋមសន្និដ្ឋានថាជាស្នូរគ្រាប់កាំភ្លើង។

វីដេអូពីកន្លែងកើតហេតុបានបង្ហាញថា លោក ត្រាំ និងអ្នកចូលរួមជាច្រើនបានប្រញាប់ឱនចុះក្រោមតុភ្លាមៗ បន្ទាប់ពីឮសំឡេងផ្ទុះនោះ។ កងអង្គរក្សសម្ងាត់ Secret Service បានឡោមព័ទ្ធតំបន់នោះភ្លាមៗ និងបានចាប់ខ្លួនជនសង្ស័យម្នាក់។ ជាសំណាងល្អ លោក ត្រាំ និងភរិយា រួមទាំងមន្ត្រីកំពូលៗផ្សេងទៀតមិនបានរងរបួសអ្វីឡើយ។

គួរបញ្ជាក់ថា សណ្ឋាគារ Washington Hilton ជាទីតាំងប្រវត្តិសាស្ត្រដ៏ល្បីល្បាញមួយ ដោយកាលពីជាង ៤០ ឆ្នាំមុន គឺនៅថ្ងៃទី ៣០ ខែមីនា ឆ្នាំ ១៩៨១ ប្រធានាធិបតីសហរដ្ឋអាមេរិកសម័យនោះ លោក Ronald Reagan ត្រូវបានលោក John Hinckley Jr. បាញ់សម្លាប់ក្នុងការប៉ុនប៉ងធ្វើឃាតដែលបរាជ័យ ខណៈពេលដែលគាត់កំពុងចាកចេញពីសណ្ឋាគារនេះដែរ។ លោក Reagan រងរបួសយ៉ាងធ្ងន់ធ្ងរដោយគ្រាប់កាំភ្លើងបាញ់ចូលសួត បណ្តាលឱ្យហូរឈាមខាងក្នុងធ្ងន់ធ្ងរ។

ការកើតឡើងសាជាថ្មីនេះ បានធ្វើឱ្យសណ្ឋាគារ Washington Hilton ក្លាយជាទីតាំងដែលប្រធានាធិបតីអាមេរិកចំនួនពីររូបផ្សេងគ្នាស្ទើរតែជួបគ្រោះថ្នាក់ដល់ជីវិត ក្នុងរយៈពេលជាង ៤ ទសវត្សរ៍។ អាជ្ញាធរកំពុងបន្តស៊ើបអង្កេតលើករណីនេះបន្ថែមទៀត។